પૈપ્પલાદ-સંહિતા · અધ્યાય 16.135

સોદ્ અક્રામત્ સાસુરાન્ આગચ્છત્
તામ્ અસુરા ઉપાહ્વયન્ત માય એહીતિ ।
તસ્યા વિરોચનઃ પ્રાહ્રાદુર્ વત્સ આસીદ્ અયસ્પાત્રં પાત્રમ્ ।
તાં દ્વિમૂર્ધાર્ત્વિયો ઽધોક્ તાં માયામ્ અધોક્ ।
તાં માયામ્ અસુરા ઉપ જીવન્ત્ય્
ઉપજીવનીયો ભવતિ ય એવં વેદ ॥

(…) સા પિતૄન્ આગચ્છત્
તાં પિતર ઉપાહ્વયન્ત સ્વધ એહીતિ ।
તસ્યા યમો વૈવસ્વતો વત્સ આસીદ્ રજતપાત્રં પાત્રમ્ ।
તામ્ અન્તકો માર્તયો ઽધોક્ તાં સ્વધામ્ અધોક્ ।
તાં સ્વધાં પિતર ઉપ (…) ॥

(…) સા મનુષ્યાન્ આગચ્છત્
તાં મનુષ્યા ઉપાહ્વયન્તેરાવત્ય્ એહીતિ ।
તસ્યા મનુર્ વૈવસ્વતો વત્સ આસીત્ પૃથિવીપાત્રં પાત્રમ્ ।
તાં પૃથુર્ વૈન્યો ઽધોક્ તાં કૃષિં ચ સસ્યં ચાધોક્ ।
તાં કૃષિં ચ સસ્યં ચ મનુષ્ય ઉપ (…) ॥

(…) સા દેવાન્ આગચ્છત્
તાં દેવા ઉપાહ્વયન્તોર્જ એહીતિ ।
તસ્યા ઇન્દ્રો વત્સ આસીદ્ દારુપાત્રં પાત્રમ્ ।
તાં સવિતાધોક્ તામ્ ઊર્જમ્ અધોક્ ।
તામ્ ઊર્જં દેવા ઉપ (…) ॥

(…) સા સપ્ત ઋષીન્ આગચ્છત્
તાં સપ્ત ઋષય ઉપાહ્વયન્ત બ્રહ્મણ્વત્ય્ એહીતિ ।
તસ્યાઃ સોમો વત્સ આસીચ્ છન્દઃપાત્રં પાત્રમ્ ।
તાં બૃહસ્પતિર્ આઙ્ગિરસો ઽધોક્ તાં બ્રહ્મ ચ તપશ્ ચાધોક્ ।
તદ્ બ્રહ્મ ચ તપશ્ ચ સપ્ત ઋષય ઉપ (…) ॥

(…) સા ગન્ધર્વાપ્સરસ આગચ્છત્
તાં ગન્ધર્વાપ્સરસ ઉપાહ્વયન્ત પુણ્યગન્ધ એહીતિ ।
તસ્યાશ્ ચિત્રરથઃ સૌર્યવર્ચસો વત્સ આસીત્ પુષ્કરપર્ણં પાત્રમ્ ।
તાં વસુરુચિઃ સૌર્યવર્ચસો ઽધોક્ તાં પુણ્યં ગન્ધમ્ અધોક્ ।
તં પુણ્યં ગન્ધં ગન્ધર્વાપ્સરસા ઉપ (…) ॥

(…) સા પુણ્યજનાન્ આગચ્છત્
તાં પુણ્યજના ઉપાહ્વયન્ત તિરોધ એહીતિ ।
તસ્યાઃ કુબેરો વૈશ્રવણો વત્સ આસીદ્ આમપાત્રં પાત્રમ્ ।
તાં રજતનાભિઃ કાબેરકો ઽધોક્ તાં તિરોધામ્ અધોક્ ।
તાં તિરોધાં પુણ્યજના ઉપ (…) ॥

સોદ્ અક્રામત્ સા સર્પાન્ આગચ્છત્
તાં સર્પા ઉપાહ્વયન્ત વિષવત્ય્ એહીતિ ।
તસ્યાસ્ તક્ષકો વૈશાલેયો વત્સ આસીદ્ અલાબુપાત્રં પાત્રમ્ ।
તાં ધૃતરાષ્ટ્ર ઐરાવતો ઽધોક્ તાં વિષમ્ અધોક્ ।
તદ્ વિષં સર્પા ઉપ જીવન્ત્ય્
ઉપજીવનીયો ભવતિ ય એવં વેદ ॥

તસ્માદ્ યસ્મા અલાબુનાભિષિઞ્ચેન્
મનસા ત્વા પ્રત્યાહન્મીત્ય્ એનં પ્રત્યાહન્યાત્ ।
યત્ પ્રત્યાહન્તિ વિષં પ્રત્યાહન્તિ
ન ચ પ્રત્યાહન્તિ વિષમ્ અનુ પ્રસિચ્યતે ।
વિષમ્ અસ્યાપ્રિયં ભ્રાતૃવ્યં હન્તિ ય એવં વેદ ॥