પૈપ્પલાદ-સંહિતા · અધ્યાય 16.108

યત્ તે ક્રુદ્ધો ધનપતિઃ
ક્ષીરં તે અભરદ્ વશે ।
ઇદં તદ્ અદ્ય નાકસ્
ત્રિષુ પાત્રેષુ રક્ષતિ ॥

ત્રિષુ પાત્રેષુ તં સોમમ્
આ દેવ્ય્ અભરદ્ વશા ।
અથર્વા યત્ર દીક્ષિતો
બર્હિષ્ય્ આસ્ત હિરણ્યયે ॥

સં હિ સોમેનાગત
સમ્ ઉ સર્વેણ પદ્વતા ।
વશા સમુદ્રે પ્રાનર્તીદ્
ઋચઃ સામાનિ બિભ્રતી ॥

સં હિ સૂર્યેણાગત
સમ્ ઉ સર્વેણ ચક્ષુષા ।
વશા સમુદ્રમ્ અત્ય્ અષ્ઠાદ્
ગન્ધર્વૈઃ કલિભિઃ સહ ॥

સં હિ વાતેનાગત
સમ્ ઉ સર્વૈઃ પતત્રિભિઃ ।
વશા સમુદ્રમ્ અત્ય્ અખ્યદ્
ભદ્રા જ્યોતીંષિ બિભ્રતી ॥

તદ્ ભદ્રાઃ સમ્ અગચ્છન્ત
વશા દેષ્ટ્ર્ય્ અથો સ્વધા ।
અથર્વા યત્ર દીક્ષિતો
બર્હિષ્ય્ આસ્ત હિરણ્યયે ॥

અભીવૃતા હિરણ્યેન
યદ્ અતિષ્ઠ ઋતાવરિ ।
અશ્વઃ સમુદ્રો ભૂત્વા-
-અધ્ય્ અસ્કન્દદ્ વશે ત્વા ॥

વશા માતા રાજન્યસ્ય
વશા માતા સ્વધે તવ ।
વશાયા જજ્ઞ આયુધં
તતશ્ ચિત્તમ્ અજાયત ॥

ઊર્ધ્વો બિન્દુર્ ઉદ્ અચરદ્
બ્રહ્મણઃ કકુદાદ્ અધિ ।
તતસ્ ત્વં જજ્ઞિષે વશે
તતો હોતા અજાયત ॥

આસ્નસ્ તે ગાથા ભવન્તુ-
-ઉષ્ણિહાભ્યો બલં તવ ।
પાજસ્યાજ્ જજ્ઞે તે યજ્ઞ
સ્તનેભ્યો રશ્મયો વશે ॥