પૈપ્પલાદ-સંહિતા · અધ્યાય 16.109

ઈર્માભ્યામ્ અયનં જાતં
સક્થિભ્યાં ચ વશે તવ ।
આન્ત્રેભ્યો અત્રા જજ્ઞિર
ઉદરાદ્ અધિ વીરુધઃ ॥

યદ્ ઉદરં વરુણસ્ય-
-અનુ પ્રાવિશથા વશે ।
તતસ્ ત્વા બ્રહ્મોદહ્વયત્
સ હિ નેત્રમ્ અવેત્ તવ ॥

સર્વે ગર્ભાદ્ અવેપન્ત
જાયમાનાદ્ અસૂસ્વઃ ।
સસૂવ હિ તામ્ આહુર્ વશેતિ
બ્રહ્મણા ક્લ્̥પ્ત ઉત બન્ધુર્ અસ્યાઃ ॥

યુધ એકઃ સં સૃજતિ
યો અસ્યા એક ઇદ્ વશી ।
તરાંસિ યજ્ઞા અભવન્
તરસાં ચક્ષુર્ અભવદ્ વશા ॥

વશા સૂર્યં પ્રત્ય્ અગૃહ્ણાદ્
વશા યજ્ઞમ્ અધારયત્ ।
વશાયામ્ અન્તર્ આવિશદ્
ઓદનો બ્રહ્મણા સહ ॥

વશામ્ એવાહુર્ અમૃતં
વશાં મૃત્યુમ્ ઉપાસતે ।
વશેદં સર્વમ્ અભવદ્ દેવા
મનુષ્યા અસુરાઃ પિતર ઋષયઃ ॥

ય એવં વિદ્યાત્ સ વશાં પ્રતિ ગૃહ્ણીયાત્ ।
તથા હિ યજ્ઞઃ સર્વપાદ્
દુહે દાત્રે અનપસ્ફુરન્ ॥

તિસ્રો જિહ્વા વરુણસ્ય-
-અન્તર્ દિદ્યત્ય્ આસનિ ।
તાસાં યા મધ્યે રાજતિ
સ વશા દુષ્પ્રતિગ્રહા ॥

ચતુર્ધા રેતો અભવદ્ વશાયા
અપસ્ તુરીયમ્ અમૃતં તુરીયં
યજ્ઞસ્ તુરીયં પશવસ્ તુરીયમ્ ।
ય એવં વિદ્યાત્ સ વશાં પ્રતિ ગૃહ્ણીયાત્ ॥

વશા દ્યૌર્ વશા પૃથિવી
વશા વિષ્ણુઃ પ્રજાપતિઃ ।
વશાયા દુગ્ધમ્ અપિબન્
સાધ્યા વસવશ્ ચ યે ॥