પૈપ્પલાદ-સંહિતા · અધ્યાય 15.2

સ્તોમૈકવિંશે ભુવનસ્ય પત્નિ
વિવસ્વગ્વાતે અભિ નો ગૃણીહિ ।
ઘૃતવતી સવિતર્ આધિપત્યે
પયસ્વતી રન્તિર્ આશા નો અસ્તુ ॥

ઊર્ધ્વા દિશાં રન્તિર્ આશૌષધીનાં
સંવત્સરેણ સવિતા નો અહ્ના ।
રેવત્ સામ્નાં પઙ્ક્તિશ્ છન્દસામ્
અજાતશત્રુઃ સ્યોના નો અસ્તુ ॥

વિષ્ટમ્ભો દિવો ધરુણઃ પૃથિવ્યા
અસ્યેશાના જગતો વિષ્ણુપત્ની ।
વિશ્વવ્યચા ઇષયન્તી સુહુતિઃ
સ્યોના નો અસ્ત્વ્ અદિતેર્ ઉપસ્થે ॥

ધ્રુવા દિશાં વિષ્ણુપત્ન્ય્ અઘોરા-
-અસ્યેશાના સહસો યા મનોતા ।
બૃહસ્પતિર્ માતરિશ્વોત વાયુઃ
સંધાના વાતા અભિ નો ગૃણન્તુ ॥

યો નઃ પિતા જનિતા યો વિધર્તા
યો નઃ સતો અભ્ય્ આ સજ્ જજાન ।
સ આશિષા દ્રવિણમ્ ઇચ્છમાનઃ
પ્રથમચ્છદો વર આ વિવેશ ॥

અભ્ય્ આ વર્તસ્વ પૃથિવી
યજ્ઞેન પયસા સહ ।
અપાન્તો અગ્નિર્ ઇષિતો ઽવ રોહતુ ॥

યદ્ અગ્ને ચન્દ્રં યત્ પૂતં
યચ્ છુક્રં યચ્ ચ યજ્ઞિયમ્ ।
તદ્ દેવેભ્યો ભરામસિ ॥

ઇષમ્ ઊર્જમ્ અહમ્ અત આદિ
યજ્ઞસ્ય યોનૌ મહિષસ્ય ધામન્ ।
આ નો ગોષુ વિશસ્ત્વ્ આ પ્રજાયાં
જહામિ સેદિમ્ અનિરામ્ અમીવામ્ ॥