પૈપ્પલાદ-સંહિતા · અધ્યાય 14.5

સુપાર્શ્વા કામદુઘા ન આગઞ્
છતૌદના પયસા પિન્વમાના ।
ઊર્જં દુહાના અનપસ્ફુરન્તી
યજમાનસ્ય પ્ર તિરન્ત્ય્ આયુઃ ॥

ગૃભ્ણામિ મેધ્યામ્ ઉશતીં
સ્વસ્તય ઊર્જસ્વતીમ્
અનમીવાં સ્વાધ્યામ્ ।
વિશ્વો લોકો મમ દેવેષ્વ્ અસ્તુ
શતૌદનાં શ્રદ્દધાનઃ પચામિ ॥

બધાન દેવીમ્ અભિ ધેહિ મુઞ્જતીં
શતૌદનાં કામદુઘા હ્ય્ એષા ।
મૈનાં હિંસીર્ અશ્મના જહૃષાણો
ઽપ્ય્ એતુ દેવાઁ અતિ ગચ્છતિ દ્વિષઃ ॥

આ રભસ્વ બ્રહ્મણા વૈશ્વદેવીં
શતૌદનાં શતપાપ્માનો અસ્યાઃ ।
સમર્પયન્ન્ અશ્મના પર્વતેન
સ્વર્ગં લોકમ્ અધિ રોહયૈનમ્ ॥

ધૃષ્ણુ હ્ય્ એનાં વિકૃતા વિકૃન્તન્ન્
અપઘ્નંશ્ ચર્મેરયા સં સૃજૈનામ્ ।
વિરાજો દુહિતેરયા સમક્તા
કામં કામં યજમાનાય દુહામ્ ॥

યથાપરુ વિશસન્નાતિ મંસ્થાઃ
કૃણુષ્વા મે નાવધેયાનિ પૃથક્ ।
અગન્ દેવાન્ માનુષી યા પુરાભૂચ્
છતૌદના પુરુરૂપા સુવર્ણા ॥

દ્વિપાદ્ દ્વિહસ્તઃ પુરુષો મહાદમો
વનસ્પતિં બિભર્તિ સાયકાગ્રમ્ ।
તેન પરૂંષિ પ્રવિદ્વાન્ અઘ્ન્યાયાઃ
શતૌદનાં દેવીં શતધા વ્ય્ અસ્ય ॥

એતં બ્રધ્નં ચર્મણઃ કૃન્ત સાધુ
તમ્ ઉ પ્રમાય શતધા વ્ય્ અસ્ય ।
સમ્ ઉત્ સૃજન્ન્ અવધાનાનિ સર્વા
રાયસ્પોષં યજમાનાય ધેહિ ॥

ઋચા કુમ્ભીમ્ અધ્ય્ અગ્નૌ શ્રયામિ
ભૂમ્યાં ત્વા ભૂમિમ્ અધિ ધારયામિ ।
અપો માંસં બિભ્રતી મા વ્યથિષ્ઠા
મા ત્વા વધિષુર્ મેનિભિઃ પિશાચાઃ ॥

ઊર્ધ્વ પ્રેહિ મા સં વિક્થા
વ્ય્ અસ્ય રજો અન્તરમ્ ।
રક્ષાંસિ સર્વા તીર્ત્વા-
-અથા રોહ દિવં ત્વમ્ ॥