પૈપ્પલાદ-સંહિતા · અધ્યાય 14.4

નમો ઽસ્તુ નીલશિખણ્ડાય
સહસ્રાક્ષાય વાજિને ।
અથો યે અસ્ય સત્વાનસ્
તેભ્યો ઽહમ્ અકરં નમઃ ॥

નમાંસિ ત આયુધાય-
-અનાતતાય ધૃષ્ણવે ।
ઉભાભ્યામ્ અકરં નમો
બાહુભ્યાં તવ ધન્વને ॥

પ્ર મુઞ્ચ ધન્વનસ્ પર્ય્
ઉભયોર્ આત્ન્યોર્ જ્યામ્ ।
યાશ્ ચ તે હસ્ત ઇષવઃ
પરા તા ભગવો વપ ॥

અવતત્ય ધનુસ્ ત્વં
સહસ્રાક્ષ શતેષુધે ।
નિશીર્ય શલ્યાનાં મુખા
શિવો નઃ શમ્ભુર્ આ ચર ॥

વિજ્યં ધનુઃ શિખણ્ડિનો
વિશલ્યો બાણવાઁ ઉત ।
અનેશન્ન્ અસ્યેષવઃ
શિવો અસ્ય નિષઙ્ગતિઃ ॥

પરિ તે ધન્વનો હેતિર્
અસ્માન્ વૃણક્તુ વિશ્વતઃ ।
અથો ય ઇષુધિસ્ તવ-
-આરે અસ્મિન્ નિ ધેહિ તમ્ ॥

યા તે હેતિર્ મીઢુષ્ટમ
હસ્તે બભૂવ તે ધનુઃ ।
તયા ત્વં વિશ્વતો અસ્માન્
અયક્ષ્મયા પરિ ભુજ ॥