પૈપ્પલાદ-સંહિતા · અધ્યાય 14.3

અપશ્યં ત્વાવરોહન્તં
દિવતઃ પૃથિવીમ્ ઇવ ।
અપશ્યમ્ અસ્યન્તં રુદ્રં
નીલગ્રીવં શિખણ્ડિનમ્ ॥

દિવ ઉગ્રો ઽવારુક્ષત્
પ્રત્ય્ અષ્ઠાદ્ ભૂમ્યામ્ અધિ ।
જનાસઃ પશ્યતેમં
નીલગ્રીવં વિલોહિતમ્ ॥

એષ ઐત્ય્ અવીરહા
રુદ્રો જલાષભેષજી ।
વિ તે ક્ષેપમ્ અનીનશદ્
વાતીકારો વ્ય્ એતુ તે ॥

નમસ્ તે ભવ ભામાય
નમસ્ તે ભવ મન્યવે ।
નમસ્ તે અસ્તુ બાહૂભ્યામ્
ઉતો ત ઇષવે નમઃ ॥

યામ્ ઇષં ગિરિશન્ત
હસ્તે બિભર્ષ્ય્ અસ્તવે ।
શિવાં ગિરિશ તાં કૃણુ
મા હિંસીઃ પુરુષાન્ મમ ॥

શિવેન વચસા ત્વા
ગિરિશાચ્છા વદામસિ ।
યથા નઃ સર્વમ્ ઇજ્ જગદ્
અયક્ષ્મં સુમનો અસત્ ॥

યા ત ઇષુઃ શિવતમા
શિવં બભૂવ તે ધનુઃ ।
શિવા શરવ્યા યા તવ
તયા નો મૃડ જીવસે ॥

યા તે રુદ્ર શિવા તનૂર્
અઘોરાપાપકાશિની ।
તયા નસ્ તન્વા શન્તમયા
ગિરિશન્તાભિ ચાકશ ॥

અસૌ યસ્ તામ્રો અરુણ
ઉત બભ્રુર્ વિલોહિતઃ ।
યે ચેમે અભિતો રુદ્રા
દિક્ષુ શ્રિતાઃ સહસ્રશો
ઽવૈષાં હેડ ઈમહે ॥

અદૃશં ત્વાવરોહન્તં
નીલગ્રીવં વિલોહિતમ્ ।
ઉત ત્વા ગોપા અદૃશન્ન્
ઉત ત્વોદાહાર્યઃ ।
ઉતો ત્વા વિશ્વા ભૂતાનિ
તસ્મૈ દૃષ્ટાય તે નમઃ ॥