પૈપ્પલાદ-સંહિતા · અધ્યાય 14.2

હિરણ્યૌપશા ધ્વજનીઃ પુનાના
યાઃ સમુદ્રમ્ અભ્યર્ચન્તિ ધેનવઃ ।
યાઃ પર્જન્યો વહત્ય્ અન્તરિક્ષે
તાઃ (…) ॥

રથન્તરે બૃહતિ ગીયમાને
ક્ષત્રં જિન્વન્તિ પ્ર તિરન્ત્ય્ આયુઃ ।
યાભિસ્ ત્રયાન્ વાજિનો વાજયન્તિ
તાઃ (…) ॥

યાભિઃ સહ વૃત્રહા સોમમ્
ઇન્દ્રો વસોર્ ઈશાનો અપિબત્ સુતસ્ય ।
યાઃ સપ્ત ઋષયઃ કવયઃ પુનન્તિ
તાઃ (…) ॥

સપ્ત ઋષયો ભરતમ્ અભ્ય્ અષિઞ્ચન્ન્
આસ્મિન્ રાષ્ટ્રમ્ અદધુર્ દક્ષિણાવત્ ।
પ્રજાયૈ મનુમ્ અસુમવન્ત દેવાસ્
તાઃ (…) ॥

યાભિર્ યજ્ઞં પ્રાઞ્ચમ્ ઉક્ષયન્તિ ધીરા
યાભિઃ સોમં મધુપૃચં પુનન્તિ ।
યાભિર્ ઇદં જીવતિ વિશ્વમ્ એજત્
તાઃ (…) ॥

યાસાં સ્તોકા મધુમયા બભૂવુર્
ઘૃતં સંજ્ઞાનં મધુ પિન્વતે યાઃ ।
યાઃ સોમ આપઃ પ્રણયન્તિ બ્રહ્મણા
તાઃ (…) ॥

યાસાં પદોર્ આજ્યં વાજિનં તુ
સોમસ્ય પ્રસવમ્ અનુ યાઃ પવન્તે ।
અન્તર્વતીસ્ તરુણવત્સા ઘૃતાચીસ્
તા ન આપો રાજસૂયા અવન્તુ ॥

અજીજનન્ત મતયઃ સ્વર્વિદ
આ બ્રહ્મણા સૂક્તધેયાન્ય્ અગુઃ ।
અસૂષુત રાજસૂયાઃ પયાંસિ
પ્રાસાવીદ્ દેવઃ સવિતા ભુવનાનિ વિશ્વા ॥

સોમો રાજા ભવો રાજા પશુપતિઃ
પશૂનાં વરુણો ધૃતવ્રતઃ ।
યે રાજસૂયે અસૂયન્ત દેવાસ્
તે તે ક્ષત્રં દધત્વ્ આયુર્ ઓજઃ ॥

આસ્થાદ્ ઉદ્ અસ્થાદ્ અજનિષ્ટ વિપ્રો
મૃધો વ્ય્ આસ્થદ્ અશસીત બાહૂ ।
આરે અવાધિષ્ટ નિરૃતિં પરાચૈઃ
સમપૃક્ત રશ્મિભિઃ સૂર્યશ્ ચ ॥