પૈપ્પલાદ-સંહિતા · અધ્યાય 12.16

શં ન ઇન્દ્રાગ્ની ભવતામ્ અવોભિઃ
શં ન ઇન્દ્રાવરુણા રાતહવ્યા ।
શમ્ ઇન્દ્રાસોમા સ વિતાય શં યોઃ
શં ન ઇન્દ્રાપૂષણા વાજસાતૌ ॥

શં નો ભગઃ શમ્ ઉ નઃ શંસો અસ્તુ
શં નઃ પુરુન્ધિઃ શમ્ ઉ સન્તુ રાયઃ ।
શં નઃ સત્યસ્ય સૂયમસ્ય શંસઃ
શં નો અર્યમા પુરુજાતો અસ્તુ ॥

શં નો ધાતા શમ્ ઉ ધર્તા નો અસ્તુ
શં ન ઉરૂચી ભવતુ સ્વધાભિઃ ।
શં રોદસી બૃહતી શં નો અદ્રિઃ
શં નો દેવાનાં સુહવાનિ સન્તુ ॥

શં નો અગ્નિર્ જ્યોતિરનીકો અસ્તુ
શં મિત્રાવરુણાવ્ અશ્વિના શમ્ ।
શં નઃ સુકૃતાં સુકૃતાનિ સન્તુ
શં ન ઇષિરો અભિ વાતુ વાતઃ ॥

શં નો દ્યાવાપૃથિવી પૂર્વહૂતૌ
શમ્ અન્તરિક્ષં દૃશયે નો અસ્તુ ।
શં ન ઓષધીર્ વનિનો ભવન્તુ
શં નો રજસઃ પતિર્ અસ્તુ જિષ્ણુઃ ॥

શં ન ઇન્દ્રો વસુભિર્ દેવો અસ્તુ
શમ્ આદિત્યેભિર્ વરુણઃ સુશંસઃ ।
શં નો રુદ્રો રુદ્રેભિર્ જલાષઃ
શં નસ્ ત્વષ્ટા ગ્નાભિર્ ઇહ શૃણોતુ ॥

શં નઃ સોમો ભવતુ બ્રહ્મ શં નઃ
શં નો ગ્રાવાણઃ શમ્ ઉ સન્તુ યજ્ઞાઃ ।
શં નઃ સ્વરૂણાં મિતયો ભવન્તુ
શં નઃ પ્રસ્વઃ શમ્ વ્ અસ્તુ વેદિઃ ॥

શં નઃ સૂર્ય ઉરુચક્ષા ઉદ્ એતુ
શં નો ભવન્તુ પ્રદિશશ્ ચતસ્રઃ ।
શં નઃ પર્વતા ધ્રુવયો ભવન્તુ
શં નઃ સિન્ધવઃ શમ્ ઉ સન્ત્વ્ આપઃ ॥

શં નો અદિતિર્ ભવતુ વ્રતેભિઃ
શં નો ભવન્તુ મરુતઃ સ્વર્કાઃ ।
શં નો વિષ્ણુઃ શમ્ ઉ પૂષા નો અસ્તુ
શં નો ભવિત્રં શમ્ વ્ અસ્તુ વાયુઃ ॥

શં નો દેવઃ સવિતા ત્રાયમાનઃ
શં નો ભવન્તૂષસો વિભાતીઃ ।
શં નઃ પર્જન્યો ભવતુ પ્રજાભ્યઃ
શં નઃ ક્ષેત્રસ્ય પતિર્ અસ્તુ શમ્ભુઃ ॥