પૈપ્પલાદ-સંહિતા · અધ્યાય 12.17

શં નઃ સત્યસ્ય પતયો ભવન્તુ
શં નો અર્વન્તઃ શમ્ ઉ સન્તુ ગાવઃ ।
શં ન ઋભવઃ સુકૃતઃ સુહસ્તાઃ
શં નો ભવન્તુ પિતરો હવેષુ ॥

શં નો દેવા વિશ્વદેવા ભવન્તુ
શં સરસ્વતી સહ ધીભિર્ અસ્તુ ।
શમ્ અભિષાચઃ શમ્ ઉ રાતિષાચઃ
શં નો દિવ્યાઃ પાર્થિવાઃ શં નો અપ્યાઃ ॥

શં નો અજ એકપાદ્ દેવો અસ્તુ
શમ્ અહિર્ બુધ્ન્યઃ શં સમુદ્રઃ ।
શં નો અપાં નાપત્ પેરુર્ અસ્તુ
શં નઃ પૃશ્નિર્ ભવતુ દેવગોપાઃ ॥

આદિત્યા રુદ્રા વસવો જુષન્તામ્
ઇદં બ્રહ્મ ક્રિયમાણં નવીયઃ ।
શૃણ્વન્તુ નો દિવ્યાઃ પાર્થિવાસો
ગોજાતા ઉત યે યજ્ઞિયાસઃ ॥

યે દેવાનામ્ ઋત્વિજો યજ્ઞિયાસો
મનોર્ યજત્રા અમૃતા ઋતજ્ઞાઃ ।
તે નો રાસન્તામ્ ઉરુગાયમ્ અદ્ય
યૂયં પાત સ્વસ્તિભિઃ સદા નઃ ॥

તદ્ અસ્તુ મિત્રાવરુણા તદ્ અગ્ને
શં યોર્ અસ્મભ્યમ્ ઇદમ્ અસ્તુ શસ્તમ્ ।
અશીમહિ ગાતુમ્ ઉત પ્રતિષ્ઠાં
નમો દિવે બૃહતે સાદનાય ॥