પૈપ્પલાદ-સંહિતા · અધ્યાય 12.14

યો જાત એવ પ્રથમો મનસ્વાન્
દેવો દેવાન્ ક્રતુના પર્યભૂષત્ ।
યસ્ય શુષ્માદ્ રોદસી અભ્યસેતાં
નૃમ્ણસ્ય મહ્ના સ જનાસ ઇન્દ્રઃ ॥

યઃ પૃથિવીં વ્યધમાનામ્ અદૃંહદ્
યઃ પર્વતાન્ પ્રકુપિતાઁ અરમ્ણાત્ ।
યો અન્તરિક્ષં વિમમે વરીયો
યો દ્યામ્ અસ્તભ્નાત્ સ (જનાસ ઇન્દ્રઃ) ॥

યો હત્વાહિમ્ અરિણાત્ સપ્ત સિન્ધૂન્
યો ગા ઉદાજદ્ અપધા વલસ્ય ।
યો અશ્મનોર્ અન્તર્ અગ્નિં જજાન
સંવૃક્ સમત્સુ સ (જનાસ ઇન્દ્રઃ) ॥

યેનેમા વિશ્વા ચ્યવના કૃતાનિ
યો દાસં વર્ણમ્ અધરં ગુહાકઃ ।
શ્વઘ્નીવ યો જિગીવાઁલ્ લક્ષમ્ આદદ્
અર્યઃ પુષ્ટાનિ સ (…) ॥

યં સ્મા પૃચ્છન્તિ કુહ સેતિ ઘોરમ્
ઉતેમ્ આહુર્ નૈષો અસ્તીત્ય્ એનમ્ ।
સો અર્યઃ પુષ્ટીર્ વિજ ઇવા મિનાતિ
શ્રદ્ અસ્મૈ ધત્ત સ (…) ॥

યો રધ્રસ્ય ચોદિતા યઃ કૃશસ્ય
યો બ્રહ્મણો નાધમાનસ્ય કીરેઃ ।
યુક્તગ્રાવ્ણો યો ઽવિતા સુશિપ્રઃ
સુતસોમસ્ય સ (…) ॥

યસ્યાશ્વાસઃ પ્રદિશિ યસ્ય ગાવો
યસ્ય ગ્રામા યસ્ય વિશ્વે રથાસઃ ।
યઃ સૂર્યં ય ઉષસં જજાન
યો અપાં નેતા સ (…) ॥

યં ક્રન્દસી સંયતી વિહ્વયતે
પરે ઽવર ઉભયા અમિત્રાઃ ।
સમાનં ચિદ્ રથમ્ આતસ્થિવાંસા
નાના હવેતે સ (…) ॥

યસ્માન્ ન ર્તે વિજયન્તે જનાસો
યં યુધ્યમાના અવસે હવન્તે ।
યો વિશ્વસ્ય પ્રતિમાનં બભૂવ
યો અચ્યુતચ્યુત્ સ (…) ॥

યઃ શશ્વતો મહ્ય્ એનો દધાનાન્
અબુધ્યમાનાન્ સર્વા જઘાન ।
યઃ શર્ધતે નાનુદદાતિ શૃધ્યાં
યો દસ્યોર્ હન્તા સ (…) ॥