પૈપ્પલાદ-સંહિતા · અધ્યાય 12.12

ઇન્દ્રસ્ય નુ વીર્યાણિ પ્ર વોચં
યાનિ ચકાર પ્રથમાનિ વજ્રી ।
અહન્ન્ અહિમ્ અન્વ્ અપસ્ તતર્દ
પ્ર વક્ષણા અભિનત્ પર્વતાનામ્ ॥

અહન્ન્ અહિં પર્વતે શિશ્રિયાણં
ત્વષ્ટાસ્મૈ વજ્રં સ્વર્યં તતક્ષ ।
વાશ્રા ઇવ ધેનવઃ સ્યન્દમાના
અઞ્જઃ સમુદ્રમ્ અવ જગ્મુર્ આપઃ ॥

વૃષાયમાણો ઽવૃણીત સોમં
ત્રિકદ્રુકેષ્વ્ અપિબત્ સુતસ્ય ।
આ સાયકં મઘવાદત્ત વજ્રમ્
અહન્ન્ એનં પ્રથમજામ્ અહીનમ્ ॥

યદ્ ઇન્દ્રાહન્ પ્રથમજામ્ અહીનામ્
આન્ માયિનામ્ અમિનાઃ પ્રોત માયાઃ ।
આત્ સૂર્યં જનયન્ દ્યામ્ ઉષાસં
તાદીત્ના શત્રું ન કિલા વિવિત્સે ॥

અહન્ વૃત્રં વૃત્રતરં વ્યંસમ્
ઇન્દ્રો વજ્રેણ મહતા વધેન ।
સ્કધાંસીવ કુલિશેના વિવૃક્ણા-
-અહિઃ શયદ્ ઉપપૃક્ પૃથિવ્યાઃ ॥

અયોદ્ધેવ દુર્મદ આ હિ જુહ્વે
મહાવીરં તુ વિબાધમ્ ઋજીષમ્ ।
નાતારીદ્ અસ્ય સમૃતિં વધાનાં
સં રુજાનાઃ પિપિષ ઇન્દ્રશત્રુઃ ॥

અપાદ્ અહસ્તો અપૃતન્યદ્ ઇન્દ્રમ્
આસ્ય વજ્રમ્ અધિ સાનૌ જઘાન ।
વૃષ્ણો વધ્રિઃ પ્રતિમાનં બભૂષન્
પુરુત્રા વૃત્રો અશયદ્ વ્યસ્તઃ ॥

નદં ન ભિન્નમ્ અમુયા શયાનં
મનો રુહાણા અતિ યન્ત્ય્ આપઃ ।
યાશ્ ચિદ્ વૃત્રો મહિના પર્યતિષ્ઠત્
તાસામ્ અહિઃ પત્સુતઃશીર્ બભૂવ ॥

નિચાવયા અભવદ્ વૃત્રપુત્ર-
-ઇન્દ્રો અસ્યા અવ વધર્ જભાર ।
ઉત્તરા સૂર્ અધરઃ પુત્ર આસીદ્
દાનુઃ શયે સહવત્સા ન ધેનુઃ ॥

અતિષ્ઠન્તીનામ્ અનિવેશનાનાં
કાષ્ઠાનાં મધ્યે નિહિતં શરીરમ્ ।
વૃકસ્ય નિણ્યં વિ ચરન્ત્ય્ આપો
દીર્ઘં તમ આશયદ્ ઇન્દ્રશત્રુઃ ॥