પૈપ્પલાદ-સંહિતા · અધ્યાય 12.11

પદેપદે કલ્પયન્ત
આદિત્યાઙ્ગિરસો યજુઃ ।
ઈડાના અન્વ્ આયન્ વશાન્
તદૈડં સામોચ્યતે ॥

વશેડા વશાનુમતિર્
વશામ્ આહુઃ સરસ્વતીમ્ ।
વિરાજં મન્યન્તે વશાં
વાગ્ વશા પૃથિવી વશા ॥

વશા દેષ્ટ્રી સિનીવાલી
વશોષા નિરૃતિર્ વશા ।
વશાયાં મૃત્યુમ્ અવિશદ્
આ મૃત્યુમ્ અવિશદ્ વશા ॥

અગ્નિર્ વાગ્ ઉદકં ચક્ષુર્
મનો વાતો વશી વશા ।
તન્વં કો અસ્યાસ્ તં વેદ
યયોદક્રામદ્ એકયા ॥

યાં ચક્ષુષા મનસા સંવિદાના
હૃદા પશ્યન્તિ કવયો મનીષિનઃ ।
તસ્યાઃ પ્રજાધિપતિઃ પશૂનાં
વશા રાજ્ઞા નાંતવેષા સૃષ્ટિઃ ॥

કો વશાયા ઊધો વેદ
ક ઉલ્બં ચ જરાયુ ચ ।
સ્તનાન્ અસ્યાઃ કો વેદ
ક ઇ તદ્ વેદ યદ્ દુહે ॥

અહમ્ અસ્યા ઊધો વેદ-
-અહમ્ ઉલ્બં ચ જરાયુ ચ ।
સ્તનાન્ અસ્યા અહં વેદ-
-અથો તદ્ વેદ યદ્ દુહે ॥

નૈનાઁ અહં રક્ષેયં
દદ્યામ્ એવ સ્યાચ્ ચ મે ।
સ્તના હ્ય્ અસ્યા અહં વેદ
ક્ષીરમ્ ઉલ્બં ચ જરાયુ ચ ॥

કૃત્તિર્ યોનિર્ અધિવાસો જરાયુ
પાણ્ડમ્ ઉલ્બં નાભિર્ ઉષ્ણીષમ્ અસ્યાઃ ।
આ જરસં ધયતુ માતરં વશી
બ્રહ્મભિઃ ક્લ્̥પ્તઃ સ હ્ય્ અસ્ય બન્ધુઃ ॥