પૈપ્પલાદ-સંહિતા · અધ્યાય 11.7

અતિ વિશ્વાઃ પરિષ્ઠા
સ્તેન ઇવ વ્રજમ્ અક્રમીત્ ।
ઓષધયઃ પ્રચુચ્યવુર્
યત્ કિં ચ તન્વો રપઃ ॥

યસ્યૌષધયઃ પ્રસર્પથ-
-અઙ્ગમ્ અઙ્ગં પરુષ્ પરુઃ ।
તસ્માદ્ યક્ષ્મં વિ બાધધ્વમ્
ઉગ્રો મધ્યમશીર્ ઇવ ॥

અન્યા વો અન્યામ્ અવત્વ્
અન્યાન્યસ્યા ઉપાવત ।
ઓષધયઃ સંવિદાના
ઇદં મે પ્રાવતા વચઃ ॥

અવપતન્તીર્ અપદં
દિવ ઓષધયસ્ પરિ ।
યં જીવમ્ અશ્નવામહૈ
ન સ રિષ્યાતિ પૂરુષઃ ॥

યા ઓષધયઃ સોમરાજ્ઞીર્
બહ્વીઃ શતવિચક્ષણાઃ ।
બૃહસ્પતિપ્રસૂતાસ્ તા
નો મુઞ્ચન્ત્વ્ અંહસઃ ॥

યાઃ ફલિનીર્ યા અફલા
અકોશા યાશ્ ચ કેશિનીઃ ।
બૃહસ્પતિપ્રસૂતાસ્ તા
નો મુઞ્ચન્ત્વ્ અંહસઃ ॥

જીવલાં નઘારિષામ્
આ તે બધ્નામ્ય્ ઓષધિમ્ ।
યા ત આયુર્ ઉપાહરાદ્
અપ રક્ષાંસિ ચાતયાત્ ॥