પૈપ્પલાદ-સંહિતા · અધ્યાય 11.6

યા જાતા ઓષધયો
દેવેભ્યસ્ ત્રિયુગં પુરા ।
મન્યે નુ બભ્રૂણામ્ અહં
શતં ધામાનિ સપ્ત ચ ॥

શતં વો અમ્બ ધામાનિ
સહસ્રમ્ ઉત વો રુહઃ ।
અધા શતકૃત્વો યૂયમ્
ઇમં મે અગદં કૃત ॥

પુષ્પવતીઃ પ્રસૂમતીઃ
ફલિનીર્ અફલા ઉત ।
અશ્વા ઇવ સ્થ જિત્વરીર્
વીરુધઃ પારયિષ્ણવઃ ॥

ઓષધીર્ ઇતિ માતરો
યદ્ વો દેવીર્ ઉપબ્રુવે ।
રપાંસિ વિઘ્નતીર્ ઇત
રક્ષશ્ ચાતયમાનાઃ ॥

નિષ્કૃતિર્ નામ વો માતા
નિષ્કૃતિર્ નામ વઃ પિતા ।
સરાઃ પતત્રિણી સ્થ
યદ્ આમયતિ નિષ્કૃતિઃ ॥

અશ્વત્થે વો નિષદનં
પર્ણે વો વસતિષ્ કૃતા ।
ગોભાજ ઇત્ કિલાસથ
યત્ સનવથ પુરુષમ્ ॥

યદ્ અહં વાજયન્ન્ ઇમા
ઓષધીર્ હસ્ત આદધે ।
આત્મ યક્ષ્મસ્ય નશ્યતુ
પુરા જીવગૃભો યથા ॥

ઉચ્ છુષ્મા ઓષધીનાં
ગાવો ગોષ્ઠાદ્ ઇવેરતે ।
ધનં સનિષ્યન્તીનામ્
આત્માનં તવ પૂરુષઃ ॥

યદ્ ઓષધયઃ સમગ્મત
રાજાનઃ સમિતાવ્ ઇવ ।
વિપ્રઃ સ ઉચ્યતે ભિષગ્
રક્ષોહામીવચાતનઃ ॥

અશ્વાવતીં સોમાવતીમ્
ઊર્જયન્તીમ્ ઉદોજસમ્ ।
આવિત્સિ સર્વા ઓષધીર્
ઇતો મા પારયાન્ ઇતિ ॥