પૈપ્પલાદ-સંહિતા · અધ્યાય 11.8

કાલો અશ્વો વહતિ સપ્તરશ્મિઃ
સહસ્રાક્ષો અજરો ભૂરિરેતાઃ ।
તામ્ આ રોહન્તિ કવયો વિપશ્ચિતસ્
તસ્ય ચક્રા ભુવનાનિ વિશ્વા ॥

સપ્ત ચક્રાન્ વહતિ કાલ એષ
સપ્તાસ્ય નાભીર્ અમૃતં ન્વ્ અક્ષઃ ।
સ ઇમા વિશ્વા ભુવનાન્ય્ અઞ્જન્
કાલઃ સ ઈયતે પ્રથમો નુ દેવઃ ॥

પૂર્ણઃ કુમ્ભો અધિ કાલ આહિતસ્
તં વૈ પશ્યામો બહુધા નુ સન્તમ્ ।
સ ઇમા વિશ્વા ભુવનાનિ પ્રત્યઙ્
કાલં તમ્ આહુઃ પરમે વ્યોમન્ ॥

સ એવ સન્ ભુવનાન્ય્ આભરત્
સ એવ સન્ ભુવનાનિ પર્ય્ ઐત્ ।
પિતા સન્ન્ અભવત્ પુત્ર એષાં
તસ્માદ્ વૈ નાન્યત્ પરમ્ અસ્તિ તેજઃ ॥

કાલો ઽમૂં દિવમ્ અજનયત્
કલ ઇમાં પૃથિવીમ્ ઉત ।
કાલેન ભૂતં ભવ્યં ચ-
-ઇષિતં હ વિ તિષ્ઠતે ॥

કાલો ભૂતિમ્ અસૃજત્
કલે તપતિ સૂર્યઃ ।
કાલો હ વિશ્વા ભૂતાનિ
કાલે ચક્ષુર્ વિ પશ્યતિ ॥

કાલે મનઃ કાલે પ્રાણઃ
કાલે નામ સમાહિતમ્ ।
કાલેન સર્વા નન્દન્ત્ય્
આગતેન પ્રજા ઇમાઃ ॥

કાલે તપઃ કાલે જ્યેષ્ઠં
કાલે બ્રહ્મ સમાહિતમ્ ।
કાલો હ સર્વસ્યેશ્વરો
યઃ પિતાસીત્ પ્રજાપતેઃ ॥

તેનેષિતં તેન જાતં
તદ્ ઉ તસ્મિન્ પ્રતિષ્ઠિતમ્ ।
કાલો હ બ્રહ્મ ભૂત્વા
બિભર્તિ પરમેષ્ઠિનમ્ ॥

કાલઃ પ્રજામ્ અસૃજત
કાલો અગ્રે પ્રજાપતિમ્ ।
સ્વયમ્ભૂઃ કશ્યપઃ કાલાત્
તપઃ કાલાદ્ અજાયત ॥