પૈપ્પલાદ-સંહિતા · અધ્યાય 11.13

સહસ્રાર્ઘઃ શતકાણ્ડઃ પયસ્વાન્
અપામ્ અગ્નિર્ વીરુધાં રાજસૂયમ્ ।
સ નો ઽયં દર્ભઃ પરિ પાતુ વિશ્વતો
દૈવો મણિર્ આયુષા સં સૃજાતિ નઃ ॥

ઘૃતાદ્ ઉલ્લુપ્તો મધુમાન્ પયસ્વાન્
ભૂમિદૃંહો અચ્યુતશ્ ચાવયિષ્ણુઃ ।
નુદન્ સપત્નાન્ અધરાંશ્ ચ કૃણ્વન્
દર્ભારોહ મહતા મહેન્દ્રિયેણ ॥

ત્વં ભૂમિમ્ અત્ય્ એષ્ય્ ઓજસા
ત્વં વેદ્યાં સીદસિ ચારુર્ અધ્વરે ।
ત્વાં પવિત્રમ્ ઋષયો ઽભરન્ત
ત્વં પુનીહિ દુરિતાન્ય્ અસ્મત્ ॥

તીક્ષ્ણો રાજા વિષાસહી
રક્ષોહા વિશ્વચર્ષણિઃ ।
તેજો દેવાનાં બલમ્ ઉગ્રમ્ એતત્
તં તે બધ્નામિ જરસે સ્વસ્તયે ॥

દર્ભેણ ત્વં કૃણુ વીર્યાણિ
દર્ભં બિભ્રદ્ આત્મના મા વ્યથિષ્ઠાઃ ।
અતિષ્ઠાયો વર્ચસૈધ્વન્યાન્
સૂર્ય ઇવા ભાહિ પ્રદિશશ્ ચતસ્રઃ ॥