પૈપ્પલાદ-સંહિતા · અધ્યાય 11.14

ઉદ્ ઈરતાં પૃથિવી જીરદાનુઃ
શીત એનામ્ અન્તર્વાન્ અનુ વાતુ વાતઃ ।
ઋત્વિયાવતી પૃથિવી પ્રતિ ગૃહ્ણાતુ
બીજં સહસ્રવલ્લિશં સુરુહારોહયન્તી ॥

ઇન્દ્ર એનાં હર્યશ્વો
અગ્નિર્ વા રોહિતાશ્વઃ ।
અશ્વિના રાસભાશ્વા
કૃષિં દેવીમ્ અયૂયુજન્ ॥

શુનં વરત્રામ્ આ યચ્છ
શુનમ્ અષ્ટ્રામ્ ઉદ્ ઇઙ્ગય ।
શુનં તોતપ્યતાં ફાલઃ
શુનં વહતુ લાઙ્ગલમ્ ॥

યુનક્તુ વાહાન્ વિ યુગા તનોત
કૃતે ક્ષેત્રે વપતેહ બીજમ્ ।
તથા ધાતા તથા ભગસ્
તથા કૃણુતામ્ અશ્વિના
તથા દેવી સરસ્વતી ॥

સુપિપ્પલા ઓષધયો
નાહીના અપક્ષત ।
તદ્ ઇન્દ્રો વરુણો વાયુર્
અશ્વિનેદં મે પ્ર તિરતા વચઃ ॥

ધાતા પૂષા બૃહસ્પતિર્
ભૂત્યાઃ સમ્ અજીગમન્ ।
કૃષિં દેવાઃ સ્વર્વિદઃ ॥

કલ્યાણી સુભગેવ યા
સંસ્થાયાં વપુષેણ્યા ।
સા નસ્ તિરાતિ મધુમન્તમ્ અંશુમ્ ॥

અન્નસ્ય ભૂમા પુરુષસ્ય ભૂમા
ભૂમા પશૂનાં ત ઇહ શ્રયન્તામ્ ।
તીવ્રા વર્ષન્તુ વૃષ્ટયો
ભૂતયે મહસે વૃધે ॥

પિન્વાનઃ પર્જન્યસ્ તિષ્ઠતુ
સહ પૃષ્ઠયોદ્ એતિ સૂર્યઃ ।
આનન્દં જનયન્ યવઃ
સર્વા અરાતીર્ અપબાધમાનઃ ॥

વિ જિહીષ્વ પૃથિવીમ્ અહ્યુર્
વિ પક્ષમ્ ઋદ્વી ભવ ।
ભદ્રં રોહતુ ધાન્યમ્ ॥