પૈપ્પલાદ-સંહિતા · અધ્યાય 10.5

ઔદુમ્બરેણ મણિના
પુષ્ટિકામાય વેધસા ।
પશૂનાં સર્વેષાં સ્ફાતિં
ગોષ્ઠે મે સવિતા કરત્ ॥

યો નો અગ્નિર્ ગાર્હપત્યઃ
પશૂનામ્ અધિપા અસત્ ।
ઔદુમ્બરો વૃષા મણિઃ
સં મા સૃજતુ પુષ્ટ્યા ॥

કરીષિણીં ફલવતીં
સ્વધામ્ ઇરાં ચ નો ગૃહે ।
ઔદુમ્બરસ્ય તેજસા
ધાતા પુષ્ટિં દધાતુ મે ॥

યદ્ દ્વિપાચ્ ચ ચતુષ્પાચ્ ચ
યાન્ય્ અન્નાનિ યે રસાઃ ।
ગૃહ્ણે ઽહં તેષાં ભૂમાનં
બિભ્રદ્ ઔદુમ્બરં મણિમ્ ॥

પુષ્ટિં પશૂનાં પરિ જગ્રભાહં
ચતુષ્પદાં દ્વિપદાં યચ્ ચ ધાન્યમ્ ।
પયઃ પશૂનાં રસમ્ ઓષધીનાં
બૃહસ્પતિઃ સવિતા મે નિ યચ્છાત્ ॥

અહં પશૂનામ્ અધિપા અસાનિ
મયિ પુષ્ટં પુષ્ટપતિર્ દધાતુ ।
મહ્યમ્ ઔદુમ્બરો મણિર્
દ્રવિણાનિ નિ યચ્છતુ ॥

ઉપ મૌદુમ્બરો મણિઃ
પ્રજયા ચ ધનેન ચ ।
ઇન્દ્રેણ જિન્વતો મણિર્
આ માગન્ સહ વર્ચસા ॥

દેવો મણિઃ સપત્નહા
ધનસા ધનસાતયે ।
પશોર્ અન્નસ્ય ભૂમાનાં
ગવાં સ્ફાતિં નિ યચ્છતુ ॥

યથાગ્રે ત્વં વનસ્પતે
પુષ્ટ્યા સહ જજ્ઞિષે ।
એવા ધનસ્ય મે સ્ફાતિમ્
આ દધાતુ સરસ્વતી ॥

આ મે ધનં સરસ્વતી
પયસ્ફાતિં ચ ધાન્યમ્ ।
સિનીવાલ્ય્ ઉતા વહાદ્
અયં ચૌદુમ્બરો મણિઃ ॥

ત્વં મણીનામ્ અધિપા વૃષાસિ
ત્વયિ પુષ્ટં પુષ્ટપતિર્ જજાન ।
ત્વયીમે વાજા દ્રવિણાનિ સર્વા-
-ઉદુમ્બર સ ત્વમ્ અસ્મત્ સહસ્વ-
-આરાદ્ અરાતિમ્ અમતિં ક્ષુધં ચ ॥

ગ્રામણીર્ અસિ ગ્રામણીથ્યાયા
અભિષિક્તો અભિ મા સિઞ્ચ વર્ચસા ।
તેજો ઽસિ તેજો મયિ ધારયાધિ
રયિર્ અસિ રયિં મયિ ધેહિ ॥

પુષ્ટિર્ અસિ પુષ્ટ્યા મા સમ્ અઙ્ધિ
ગૃહમેધી ગૃહપતિં મા કૃણુ ।
ઔદુમ્બર સ ત્વમ્ અસ્માસુ રયિં
સર્વવીરં નિ યચ્છ રાયસ્પોષાય
પ્રતિ મુઞ્ચે અહં ત્વામ્ ॥

અયમ્ ઔદુમ્બરો મણિર્
વીરો વીરાય બધ્યતે ।
સ નઃ સનીં મધુમતીં કૃણોતુ
રયિં ચ નઃ સર્વવીરં નિ યચ્છાત્ ॥