પૈપ્પલાદ-સંહિતા · અધ્યાય 10.6

ભગસ્ય રાજ્ઞઃ સુમતિં ગમેમ
યં હવન્તે બહુધા માનુષાસઃ ।
કર્મ કૃણ્વાનો ભગમ્ આ વૃણીતે
સ નો જનેષુ સુભગાં કૃણોતુ ॥

ભગં પુરસ્તાત્ પ્રતિબુધ્યમાનાઃ
પશ્યેમ દેવીમ્ ઉષસં વિભાતીમ્ ।
પ્રતીચી શુભ્રા દ્રવિણેન સાકં
ભગં વહન્ત્ય્ અદિતિર્ ન ઐતુ ॥

ભગો નો અદ્ય સ્વિતે દધાતુ
દેવાનાં પન્થામ્ અભિ નો નયેહ ।
અર્વાચી ભદ્રા સુમતિર્ ન ઐત્વ્
અધા ભગેન સમિધો નો અસ્તુ ॥

ભગેન વાચમ્ ઇષિતાં વદાનિ
સરસ્વતીં મધુમતીં સુવર્ચાઃ ।
ભગેન દત્તમ્ ઉપ મેદમ્ આગન્
યથા વર્ચસ્વાન્ સમિતિમ્ આવદાનિ ॥

ભગો મા ગોષ્વ્ અવતુ
ભગો માવતુ ધાન્યે ।
અક્ષેષુ સ્ત્રીષુ મા ભગો
ભગો માવતુ વર્ચસા ॥

ભગો મા સાયમ્ અવતુ
ભગો માવતુ રાત્ર્યા ।
ભગો નિપદ્યમાનેષુ
પ્રાતર્ મા ભગ આ ગમત્ ॥

ભગો મા પ્રાતર્ અવતુ
ભગો મધ્યન્દિનં પરિ ।
અપરાહ્ણે વયં ભગં
વાસ ઇવ પરિ દધ્મહે ॥

ભગં દેવેભ્યસ્ પરિ
ભગં મનુષ્યેભ્યઃ ।
દિવસ્ પૃથિવ્યા અહમ્
અન્તરિક્ષાદ્ ભગં વૃણે ।
સો અગ્ને રમતા મયિ
સ મા પ્રાવતુ વર્ચસા ॥

ભગં વૃણાના વધ્વં વહન્તિ
વનિં પ્રયન્તો ભગમ્ ઇદ્ ધવન્તે ।
ભગેન દત્તમ્ ઉપ મેદમ્ આગન્
વિશ્વં સુભૂતં દ્રવિણાનિ ભદ્રા ॥

ભગેન દેવાઃ સમગન્મહિ
ય ઇમા વિશ્વા ભુવનાભિવસ્તે ।
પ્રયચ્છન્ન્ એતિ બહુધા વસૂનિ
સ નો દધાતુ યતમદ્ વસિષ્ઠમ્ ॥

વાતો ભગો વરુણો વાયુર્ અગ્નિઃ
ક્ષેત્રસ્ય પત્ની સુહવા નો અસ્તુ ।
હિરણ્યાક્ષો અતિપશ્યો નૃચક્ષાઃ
સર્વૈઃ સાકં સચમાનો ન એહિ ॥

ઉદ્ એહિ દેવ સૂર્ય
સહ સૌભાગ્યેન ।
સહર્ષભસ્ય વાજેન
સહાવતંકરણેન ॥

હિરણ્યયેનેત્ય્ એકા ॥