પદ્મ પુરાણ · અધ્યાય 3.5

ઋષય ઊચુઃ-।
વર્ષાણાં ચૈવ નામાનિ પર્વતાનાં ચ સત્તમ ।
આચક્ષ્વ નો યથાતત્વં યે ચ પર્વતવાસિનઃ

સૂત ઉવાચ-।
દક્ષિણેન તુ શ્વેતસ્ય નિષધસ્યોત્તરેણ તુ ।
વર્ષં રમણકં નામ જાયંતે તત્ર માનવાઃ

શુક્લાભિજનસંપન્નાઃ સર્વે તે પ્રિયદર્શનાઃ ।
નિઃસપત્નાશ્ચ તે સર્વે જાયંતે તત્ર માનવાઃ

દશવર્ષસહસ્રાણિ શતાનિ દશપંચ ચ ।
જીવંતિ તે મહાભાગા નિત્યં મુદિતમાનસાઃ

દક્ષિણેન તુ નીલસ્ય નિષધસ્યોત્તરેણ તુ ।
વર્ષં હિરણ્મયં નામ યત્ર હૈરણ્વતી નદી

યત્ર ચાયં મહાપ્રાજ્ઞાઃ પક્ષિરાટ્પતગોત્તમઃ ।
યજ્ઞાનુગા વિપ્રવરા ધન્વિનઃ પ્રિયદર્શનાઃ

મહાબલાસ્તત્ર જના વિપ્રા મુદિતમાનસાઃ ।
એકાદશસહસ્રાણિ વર્ષાણાં તે તપોધનાઃ

આયુઃપ્રમાણં જીવંતિ શતાનિ દશ પંચ ચ ।
શૃંગાણિ ચ પવિત્રાણિ ત્રીણ્યેવ દ્વિજપુંગવાઃ

એકં મણિમયં તત્ર તથૈકં રુક્મમદ્ભુતમ્ ।
સર્વરત્નમયં ચૈકં ભવનૈરુપશોભિતમ્

તત્ર સ્વયં પ્રભાદેવી નિત્યં વસતિ શંડિની ।
ઉત્તરેણ તુ શૃંગસ્ય સમુદ્રાંતે દ્વિજોત્તમાઃ

વર્ષમૈરાવતં નામ તસ્માચ્છૃંગવતઃ પરમ્ ।
ન તુ તત્ર સૂર્યગતિર્જીર્યંતે ન ચ માનવાઃ

ચંદ્રમાશ્ચ સનક્ષત્રો જ્યોતિર્ભૂત ઇવાવૃતઃ ।
પદ્મપ્રભાઃ પદ્મવર્ણાઃ પદ્મપત્રનિભેક્ષણાઃ

પદ્મપત્રસુગંધાશ્ચ જાયંતે તત્ર માનવાઃ ।
અનિષ્પન્ના નષ્ટગંધા નિરાહારા જિતેંદ્રિયાઃ

દેવલોકચ્યુતાઃ સર્વે તથા વિરજસો દ્વિજાઃ ।
ત્રયોદશસહસ્રાણિ વર્ષાણાં તે દ્વિજોત્તમાઃ

આયુઃપ્રમાણં જીવંતિ નરા ધાર્મિકપુંગવાઃ ।
ક્ષીરોદસ્ય સમુદ્રસ્ય તથૈવોત્તરતઃ પ્રભુઃ

હરિસ્તિષ્ઠતિ વૈકુંઠઃ શકટે કનકામયે ।
અષ્ટચક્રં હિ તદ્યાનં ભૂતયુક્તં મનોજવમ્

અગ્નિવર્ણં મહાતેજો જાંબૂનદવિભૂષિતમ્ ।
સ પ્રભુઃ સર્વભૂતાનાં વિભુશ્ચ દ્વિજસત્તમાઃ

સંક્ષેપે વિસ્તરે ચૈવ કર્તા કારયિતા તથા ।
પૃથિવ્યાપસ્તથાકાશં વાયુસ્તેજશ્ચ સત્તમાઃ

સ યજ્ઞઃ સર્વભૂતાનામાસ્યં તસ્ય હુતાશનઃ

ઇતિ શ્રીપાદ્મે મહાપુરાણે સ્વર્ગખંડે પંચમોઽધ્યાયઃ