પદ્મ પુરાણ · અધ્યાય 3.21

નારદ ઉવાચ-
તતો ગચ્છેત રાજેંદ્ર વિહગેશ્વરમુત્તમમ્ ।
દર્શનાત્તસ્યરાજેંદ્ર મુચ્યતે સર્વપાતકૈઃ

તતો ગચ્છેત રાજેન્દ્ર નર્મદેશ્વરમુત્તમમ્ ।
તત્ર સ્નાત્વા નરો રાજન્સ્વર્ગલોકે મહીયતે

અશ્વતીર્થં તતો ગચ્છેત્સ્નાનં તત્ર સમાચરેત્ ।
સુભગો દર્શનીયશ્ચ ભોગવાન્જાયતે નરઃ

પિતામહં તતો ગચ્છેદ્બ્રહ્મણા નિર્મિતં પુરા ।
તત્ર સ્નાત્વા નરો ભક્ત્યા પિતૃપિંડં તુ દાપયેત્

તિલદર્ભવિમિશ્રં તુ ઉદકં તુ પ્રદાપયેત્ ।
તસ્ય તીર્થપ્રભાવેણ સર્વં ભવતિ ચાક્ષયમ્

સાવિત્રી તીર્થમાસાદ્ય યસ્તુ સ્નાનં સમાચરેત્ ।
વિધૂય સર્વપાપાનિ બ્રહ્મલોકે મહીયતે

મનોહરં ચ તત્રૈવ તીર્થં પરમશોભનમ્ ।
તત્ર સ્નાત્વા નરો રાજન્પિતૃલોકે મહીયતે

તતો ગચ્છેત રાજેંદ્ર માનસં તીર્થમુત્તમમ્ ।
તત્ર સ્નાત્વા નરો રાજન્રુદ્રલોકે મહીયતે

તતો ગચ્છેત રાજેંદ્ર ક્રતુતીર્થમનુત્તમમ્ ।
વિખ્યાતં સર્વલોકેષુ સર્વપાપપ્રણાશનમ્

યાન્યાન્પ્રાર્થયતે કામાન્પશુપુત્રધનાનિ ચ ।
પ્રાપ્નુયાત્તાનિ સર્વાણિ તત્ર સ્નાત્વા નરાધિપ

તતો ગચ્છેત રાજેંદ્ર ત્રિદશદ્યોતિ વિશ્રુતમ્ ।
તત્ર તા ઋષિકન્યાસ્તુ તપસ્તપ્યંતિ સુવ્રતાઃ

ભર્ત્તા ભવતુ સર્વાસામીશ્વરઃ પ્રભુરવ્યયઃ ।
પ્રીતસ્તેષાં મહાદેવશ્ચંડરૂપધરો હરઃ

વિકૃતાનન બીભત્સસ્તચ્ચ તીર્થમુપાગતઃ ।
તત્ર કન્યા મહારાજ વરાય પરમેશ્વરઃ

કન્યાઋદ્ધિં ચ યઃ સેવેત્કન્યાદાનં પ્રયચ્છતિ ।
તીર્થં તત્ર મહારાજ દશકન્યેતિ વિશ્રુતમ્

તત્ર સ્નાત્વાર્ચ્ચયેદ્દેવં સર્વપાપૈઃ પ્રમુચ્યતે ।
તતો ગચ્છેત રાજેંદ્ર સ્વર્ગબિંદુરિતિ શ્રુતમ્

તત્ર સ્નાત્વા નરો રાજન્દુર્ગતિં ચ ન પશ્યતિ ।
અપ્સરેશં તતો ગચ્છેત્સ્નાનં તત્ર સમાચરેત્

ક્રીડતે નાગલોકસ્થોઽપ્સરોભિઃ સહ મોદતે ।
તતો ગચ્છેત રાજેંદ્ર નરકં તીર્થમુત્તમમ્

તત્ર સ્નાત્વાર્ચ્ચયેદ્દેવં નરકં ચ ન ગચ્છતિ ।
ભારભૂતં તતો ગચ્છેદુપવાસપરાયણઃ

એતત્તીર્થં સમાસાદ્ય અવતારં તુ શાંભવમ્ ।
અર્ચયિત્વા વિરૂપાક્ષં રુદ્રલોકે મહીયતે

તસ્મિંસ્તીર્થે નરઃ સ્નાત્વા ભારભૂતે મહાત્મનઃ ।
યત્રતત્ર મૃતસ્યાપિ ધ્રુવં ગાણેશ્વરી ગતિઃ

કાર્તિકસ્ય તુ માસસ્ય અર્ચયિત્વા મહેશ્વરમ્ ।
અશ્વમેધાચ્છતગુણં પ્રવદંતિ મનીષિણઃ

દીપકાનાં શતં કૃત્વા ઘૃતપૂર્ણં તુ દાપયેત્ ।
વિમાનૈઃ સૂર્યસંકાશૈર્વ્રજતે યત્ર શંકરઃ

વૃષભં યઃ પ્રયચ્છેત શંખકુંદેંદુ સંનિભમ્ ।
વૃષયુક્તેન યાનેન રુદ્રલોકં સ ગચ્છતિ

ચરુમેકં તુ યો દદ્યાત્તસ્મિંસ્તીર્થે નરાધિપ ।
પાયસં મધુસંયુક્તં ભક્ષ્યાણિ વિવિધાનિ ચ

યથાશક્ત્યનુરાજેંદ્ર ભોજયેત્સહદક્ષિણમ્ ।
તસ્યતીર્થપ્રભાવેણ સર્વં કોટિગુણં ભવેત્

નર્મદાયા જલં સિક્ત્વા અર્ચયિત્વા વૃષધ્વજમ્ ।
દુર્ગતિં ચ ન પંશ્યંતિ તસ્ય તીર્થપ્રભાવતઃ

એતત્તીર્થં સમાસાદ્ય યસ્તુપ્રાણાન્પરિત્યજેત્ ।
સર્વપાપવિશુદ્ધાત્મા વ્રજતે યત્ર શંકરઃ

જલપ્રવેશં યઃ કુર્યાત્તસ્મિંસ્તીર્થે નરાધિપ ।
હંસયુક્તેન યાનેન રુદ્રલોકં સ ગચ્છતિ

યાવચ્ચંદ્રશ્ચ સૂર્યશ્ચ હિમવાંશ્ચ મહોદધિઃ ।
ગંગાદ્યાઃ સરિતો યાવત્તાવત્સ્વર્ગે મહીયતે

અનાશનં તુ યઃ કુર્યાત્તસ્મિંસ્તીર્થે નરાધિપ ।
ગર્ભવાસે તુ રાજેંદ્ર ન પુનર્જાયતે નરઃ

તતો ગચ્છેત રાજેંદ્ર અટવીતીર્થમુત્તમમ્ ।
તત્ર સ્નાત્વા નરો રાજન્નિંદ્રસ્યાર્દ્ધાસનંલભેત્

શૃંગતીર્થં તતો ગચ્છેત્સર્વપાપપ્રણાશનમ્ ।
તત્રાપિ સ્નાતમાત્રસ્ય ધ્રુવં ગાણેશ્વરી ગતિઃ

એરંડીનર્મદાયાશ્ચ સંગમં લોકવિશ્રુતમ્ ।
તત્ર તીર્થં મહાપુણ્યં સર્વપાપપ્રણાશનમ્

ઉપવાસપરો ભૂત્વા નિત્યં બ્રહ્મપરાયણઃ ।
તત્ર સ્નાત્વા તુ રાજેંદ્ર મુચ્યતે બ્રહ્મહત્યયા

તતો ગચ્છેત રાજેન્દ્ર નર્મદોદધિસંગમમ્ ।
જમદગ્નિરિતિ ખ્યાતં સિદ્ધો યત્ર જનાર્દનઃ

યત્રેષ્ટ્વા બહુભિર્યજ્ઞૈરિંદ્રો દેવાધિપોભવત્ ।
તત્ર સ્નાત્વા નરો રાજન્નર્મદોદધિસંગમે

ત્રિગુણસ્યાશ્વમેધસ્ય ફલં પ્રાપ્નોતિ માનવઃ ।
પશ્ચિમોદધિસાયુજ્યં મુક્તિદ્વારવિઘાટનમ્

તત્ર દેવાઃ સગંધર્વા ઋષયઃ સિદ્ધચારણાઃ ।
આરાધયંતિ દેવેશં ત્રિસંધ્યં વિમલેશ્વરમ્

સર્વપાપવિશુદ્ધાત્મા રુદ્રલોકે મહીયતે ।
વિમલેશ્વરપરં તીર્થં ન ભૂતં ન ભવિષ્યતિ

તત્રોપવાસં કૃત્વા યે પશ્યંતિ વિમલેશ્વરમ્ ।
સર્વપાપવિશુદ્ધાત્મા રુદ્રલોકં વ્રજંતિ તે

તતો ગચ્છેત રાજેંદ્ર કેશિનીતીર્થમુત્તમમ્ ।
તત્ર સ્નાત્વા નરો રાજન્નુપવાસપરાયણઃ

ઉપોષ્ય રજનીમેકાં નિયતો નિયતાશનઃ ।
તત્ર તીર્થપ્રભાવેણ મુચ્યતે બ્રહ્મહત્યયા

સર્વતીર્થાભિષેકં ચ યઃ પશ્યેત્સાગરેશ્વરમ્ ।
યોજનાભ્યંતરે તિષ્ઠેદાવર્તે સંસ્થિતઃ શિવઃ

તં દૃષ્ટ્વા સર્વતીર્થાનિ દૃષ્ટાનિ સ્યુર્ન સંશયઃ ।
સર્વપાપવિનિર્મુક્તો યત્ર રુદ્ર સઃ ગચ્છતિ

નર્મદાસંગમં યાવદ્યાવચ્ચામરકંટકમ્ ।
તત્રાંતરે મહારાજન્તીર્થકોટ્યોદકસ્થિતાઃ

તીર્થાત્તીર્થાટનં ચર્યા ઋષિકોટિનિષેવિતા ।
અગ્નિહોત્રૈશ્ચ દિવ્યાંશૈઃ સર્વૈર્જ્ઞાનપરાયણૈઃ

સેવિતાસ્તેન રાજેંદ્ર ઈપ્સિતાર્થપ્રદાયિકાઃ ।
યશ્ચેદં વૈ પઠેન્નિત્યં શૃણુયાદ્વાપિ ભક્તિતઃ

તં તુ તીર્થાનિ સર્વાણિ અભિષિંચંતિ પાંડવ ।
નર્મદા ચ સદા પ્રીતા ભવેદ્વૈ નાત્ર સંશયઃ

પ્રીતસ્તસ્ય ભવેદ્રુદ્રો માર્કંડેયો મહામુનિઃ ।
વંધ્યા ચ લભતે પુત્રાન્દુર્ભગા સુભગાભવેત્

કુમારીં લભતે ભર્ત્તા યચ્ચ યો વાઞ્છતે ફલમ્ ।
તદેવ લભતે સર્વં નાત્ર કાર્યા વિચારણા

બ્રાહ્મણો વેદમાપ્નોતિ ક્ષત્રિયો વિજયી ભવેત્ ।
વૈશ્યસ્તુ લભતે ધાન્યં શૂદ્રઃ પ્રાપ્નોતિ સદ્ગતિમ્

મૂર્ખસ્તુ લભતે વિદ્યાં ત્રિસંધ્યં યઃ પઠેન્નરઃ ।
નરકં ચ ન પશ્યેત વિયોનિં ચ ન ગચ્છતિ

ઇતિ શ્રીપાદ્મેમહાપુરાણે સ્વર્ગખંડે એકવિંશોઽધ્યાયઃ