પદ્મ પુરાણ · અધ્યાય 2.99

।
વિષ્ણુરુવાચ-
સ્તોત્રં પવિત્રં પરમં પુરાણં પાપાપહં પુણ્યમયં શિવં ચ ।
ધન્યં સુસૂક્તં પરમં સુજાપ્યં નિશમ્ય રાજા સ સુખી બભૂવ

ગતાસુ તૃષ્ણા ક્ષુધયા સમેતા દેવોપમો ભૂમિપતિર્બભૂવ ।
ભાર્યા ચ તસ્યાપિ વિભાતિ રૂપૈર્યુક્તાવુભૌ પાપવિબંધમાપ્તૌ

દેવઃ સુદેવૈઃ પરિવારિતોસૌ વિપ્રૈઃ સુસિદ્ધૈર્હરિભક્તિયુક્તૈઃ ।
આગત્ય ભૂપં ગતકલ્મષં તં શ્રીશંખચક્રાબ્જગદાસિધર્તા

શ્રીનારદો ભાર્ગવ વ્યાસ પુણ્યા સમાગતસ્તત્ર મૃકંડસૂનુઃ ।
વાલ્મીકિ નામા મુનિર્વિષ્ણુભક્તઃ સમાગતો બ્રહ્મસુતો વસિષ્ઠઃ

ગર્ગો મહાત્મા હરિભક્તિયુક્તો જાબાલિરૈભ્યાવથ કશ્યપશ્ચ ।
આજગ્મુરેતે હરિણા સમેતા વિષ્ણુપ્રિયા ભાગવતાં વરિષ્ઠાઃ

પુણ્યાઃ સુધન્યા ગતકલ્મષાસ્તે હરેઃ સુપાદાંબુજભક્તિયુક્તાઃ ।
શ્રીવાસુદેવં પરિવાર્ય તસ્થુઃ સ્તુવંતિ ભૂપં વિવિધપ્રકારૈઃ

દેવાશ્ચ સર્વે હુતભુઙ્મુખાશ્ચ બ્રહ્મા હરિશ્ચાપિ સુદિવ્યદેવ્યઃ ।
ગાયંતિ દિવ્યં મધુરં મનોહરં ગંધર્વરાજાદિસુગાયનાશ્ચ

સુવેદ યુક્તૈઃ પરમાર્થસંમિતૈઃ સ્તવૈઃ સુપુણ્યૈર્મુનયઃ સ્તુવંતિ ।
દૃષ્ટ્વા પતિં ભૂપતિમેવ દેવો હરિર્બભાષે વચનં મનોહરમ્

વરં યથેષ્ટં વરયસ્વ ભૂપતે દદામ્યહં તે પરિતોષિતો યતઃ ।
હરેસ્તુ વાક્યં સ નિશમ્ય રાજા દૃષ્ટ્વા મુરારિં વદમાનમગ્રે

નીલોત્પલાભં મુરઘાતિનં પ્રભું તં શંખચક્રાસિગદાપ્રધારિણમ્ ।
શ્રિયાસમેતં પરમેશ્વરં તં રત્નોજ્જ્વલં કંકણહારભૂષિતમ્

રવિપ્રભં દેવગણૈઃ સુસેવિતં મહાર્ઘહારાભરણૈઃ સુભૂષિતમ્ ।
સુદિવ્યગંધૈર્વરલેપનૈર્હરિં સુભક્તિભાવૈરવનીં ગતો નૃપઃ

દંડપ્રણામૈઃ સતતં નમામ જયેતિ વાચાથ મહાનૃપસ્તદા ।
દાસોસ્મિ ભૃત્યોસ્મિ પુરઃ સ તે સદા ભક્તિં ન જાને ન ચ ભાવમુત્તમમ્

જાયાન્વિતં મામિહ ચાગતં હરે પ્રપાહિ વૈ ત્વાં શરણં પ્રપન્નમ્ ।
ધન્યાસ્તુ તે માધવ માનવા દ્વિજાઃ સદૈવ તે ધ્યાનમનોવિલીનાઃ

સમુચ્ચરંતો ભવ માધવેતિ પ્રયાંતિ વૈકુંઠમિતઃ સુનિર્મલાઃ ।
તવૈવ પાદાંબુજનિર્ગતં પયઃ પુણ્યં તથા યે શિરસા વહંતિ

સમસ્તતીર્થોદ્ભવ તોય આપ્લુતાસ્તે માનવા યાંતિ હરેઃ સુધામ

નાસ્તિ યોગો ન મે ભક્તિર્જ્ઞાનં નાસ્તિ ન મે ક્રિયા ।
કસ્ય પુણ્યસ્ય સંગેન વરં મહ્યં પ્રયચ્છસિ

હરિરુવાચ-
વાસુદેવાભિધાનં યન્મહાપાતકનાશનમ્ ।
ભવતા વિજ્વલાત્પુણ્યાચ્છ્રુતં રાજન્વિકલ્મષઃ

તેન ત્વં મુક્તિભાગી ચ સંજાતો નાત્ર સંશયઃ ।
મમ લોકે પ્રભુંક્ષ્વ ત્વં દિવ્યાન્ભોગાન્મનોનુગાન્

રાજોવાચ-
યદિદેવવરોદેયોમમદીનસ્યવૈત્વયા ।
વિજ્વલાયપ્રયચ્છત્વંપ્રથમંવરમુત્તમમ્

હરિરુવાચ-
વિજ્વલસ્ય પિતા પુણ્યઃ કુંજલો જ્ઞાનમંડિતઃ ।
વાસુદેવમહાસ્તોત્રં નિત્યં પઠતિ ભૂપતે

પુત્રૈઃ પ્રિયાસમેતોઽસૌ મમ ગેહં પ્રયાસ્યતિ ।
એતત્તુ જપતે સ્તોત્રં સદા દાસ્યામ્યહં ફલમ્

એવમુક્તે શુભે વાક્યે રાજા કેશવમબ્રવીત્ ।
ઇદં સ્તોત્રં મહાપુણ્યં સફલં કુરુ કેશવ

હરિરુવાચ-।
કૃતે યુગે મહારાજ યદા સ્તોષ્યંતિ માનવાઃ ।
તદા મોક્ષં પ્રયાસ્યંતિ તત્ક્ષણાન્નાત્ર સંશયઃ

ત્રેતાયાં માસમાત્રેણ ષડ્ભિર્માસૈસ્તુ દ્વાપરે ।
વર્ષેણૈકેન ચ કલૌ યે જપંતિ ચ માનવાઃ

સ્વર્ગં પ્રયાંતિ રાજેંદ્ર વૈષ્ણવં ગતિદાયકમ્ ।
ત્રિકાલમેકકાલં વા સ્નાતો જપતિ બ્રાહ્મણઃ

યં યં તુ વાંછતે કામં સ સ તસ્ય ભવિષ્યતિ ।
ક્ષત્રિયો જયમાપ્નોતિ ધનધાન્યૈરલંકૃતઃ

વૈશ્યો ભવિષ્યતિ શ્રીમાન્સુખી શૂદ્રો ભવિષ્યતિ ।
અંત્યજં શ્રાવયેદ્યોયં પાપાન્મુક્તો ભવિષ્યતિ

શ્રાવકો નરકં ઘોરં કદાચિન્નૈવ પશ્યતિ ।
મમ સ્તોત્રપ્રસાદાચ્ચ સર્વસિદ્ધો ભવિષ્યતિ

બ્રાહ્મણૈર્ભોજ્યમાનૈશ્ચ શ્રાદ્ધકાલે પઠિષ્યતિ ।
પિતરો વૈષ્ણવં લોકં તૃપ્તા યાસ્યંતિ ભૂપતે

તર્પણાંતે જપં કુર્યાદ્બ્રાહ્મણો વાથ ક્ષત્રિયઃ ।
પિબંતિ ચામૃતં તસ્ય પિતરો હૃષ્ટમાનસાઃ

હોમેષુ યજ્ઞમધ્યે ચ ભાવાજ્જપતિ માનવઃ ।
તત્ર વિઘ્ના ન જાયંતે સર્વસિદ્ધિર્ભવિષ્યતિ

વિષમે દુર્ગસંસ્થાને હિંસ્રવ્યાઘ્રસ્ય સંકટે ।
ચૌરાણાં સંકટે પ્રાપ્તે તત્ર સ્તોત્રમુદીરયેત્

તત્ર શાંતિર્મહારાજ ભવિષ્યતિ ન સંશયઃ ।
અન્યેષ્વેવ સુભવ્યેષુ રાજદ્વારે ગતે નરે

વાસુદેવાભિધાનસ્ય અયુતં જપતે નરઃ ।
બ્રહ્મચર્યેણ સંસ્નાતઃ ક્રોધલોભવિવર્જિતઃ

તિલતંડુલકૈર્હોમં દશાંશમાજ્યમિશ્રિતમ્ ।
વાસુદેવં પ્રપૂજ્યૈવ દદ્યાત્પ્રયતમાનસઃ

શ્લોકં પ્રતિ તતો દેયં હોમં ધ્યાનેન માનવૈઃ ।
તેષાં સુભૃત્યવન્નિત્યં પાર્શ્વં નૈવ ત્યજામ્યહમ્

કલૌ યુગે સુસંપ્રાપ્તે સ્તોત્રે દાસ્યં પ્રયાસ્યતિ ।
વેદભંગપ્રસંગેન યસ્ય કસ્ય ન દીયતે

સર્વકામસમૃદ્ધાર્થઃ સ ચૈવ હિ ભવિષ્યતિ ।
એવં હિ સફલં સ્તોત્રં મયા ભૂપ કૃતં શૃણુ

બ્રહ્મણા નિર્મિતં તેન જપ્તં રુદ્રેણ વૈ પુરા ।
બ્રહ્મહત્યાવિનિર્મુક્ત ઇંદ્રો મુક્તશ્ચ કિલ્બિષાત્

દેવાશ્ચ ઋષયો ગુહ્યાઃ સિદ્ધવિદ્યાધરામરાઃ ।
નાગૈસ્તુ પૂજિતં સ્તોત્રમાપુઃ સિદ્ધિં મનીપ્સિતામ્

પુણ્યો ધન્યઃ સ વૈ દાતા પુત્રવાન્હિ ભવિષ્યતિ ।
જપિષ્યતિ મમ સ્તોત્રં નાત્ર કાર્યા વિચારણા

આગચ્છ ત્વં સ્ત્રિયા સાર્ધં મમ સ્થાનં નૃપોત્તમ ।
હસ્તાવલંબનં દત્તં હરિણા તસ્ય ભૂપતેઃ

નેદુર્દુંદુભયસ્તત્ર ગંધર્વા લલિતં જગુઃ ।
નનૃતુશ્ચાપ્સરઃ શ્રેષ્ઠાઃ પુષ્પવૃષ્ટિં પ્રચક્રિરે

દેવાશ્ચ ઋષયઃ સર્વે વેદસ્તોત્રૈઃ સ્તુવંતિ તે ।
તતો દયિતયા સાર્દ્ધં જગામ નૃપતિર્હરિમ્

તં સ્તૂયમાનં સુરસિદ્ધસંઘૈઃ સ વિજ્વલઃ પશ્યતિ હૃષ્ટમાનસઃ ।
સમાગતસ્તિષ્ઠતિ યત્ર વૈ પિતા માતા ચ વેગેન મહાપ્રભાવઃ

ઇતિ શ્રીપદ્મપુરાણે ભૂમિખંડે વેનોપાખ્યાને ગુરુતીર્થે ચ્યવનચરિત્રે નવનવતિતમોઽધ્યાયઃ