પદ્મ પુરાણ · અધ્યાય 2.44

ચતુશ્ચત્વારિંશત્તમોઽધ્યાયઃ
સુકલોવાચ-
સ્વસૈન્યં દુર્ધરં દૃષ્ટ્વા નિર્જિતં દુર્ધરેણ તમ્ ।
ચુકોપ ભૂપતિઃ ક્રૂરં દુઃસહં શૂકરં પ્રતિ

ધનુરાદાય વેગેન બાણં કાલાનલોપમમ્ ।
તસ્યાભિમુખમેવાસૌ હયેનાભિસસાર સઃ

સ યદા નૃપતિં હયપૃષ્ઠગતં વરપૌરુષયુક્તમમિત્રહણમ્ ।
પરિપશ્યતિ શૂકરયૂથપતિઃ પ્રગતોભિમુખં રણભૂમિતલે

નિશિતેન શરેણ હતો હિ યદા નૃપતેર્હયપાદતલે પ્રગતઃ ।
તમિહૈવ વિલંઘ્ય ચ વેગમનાઃ પ્રખરેણ જવેન ચ કોલવરઃ

વ્યથિતસ્તુરગઃ સકિરિઃકિટિના ન હિ યાતિ ક્ષિતૌ સ હિ વિદ્ધગતિઃ ।
તુરગઃ પતિતો ભુવિ તુંડહતો લઘુસ્યંદનમેવ ગતો નૃપતિઃ

સ હિ ગર્જતિ શૂકરજાતિરવૈરથસંસ્થિતકોશલ યેન જવૈઃ ।
ગદયા નિહતઃ કિલ ભૂપતિના રણમધ્યગતઃ સ હિ યૂથપતિઃ

પરિત્યજ્ય તનું ચ સ્વકાં હિ તદા ગત એવ હરેર્ગૃહમેવ વરમ્

કૃત્વા હિ યુદ્ધં સમરે હિતેન રાજ્ઞા સમં શૂકરરાજરાજઃ ।
પપાત ભૂમૌ ચ હતો યદા તુ વવર્ષિરે દેવવરાઃ સુપુષ્પૈઃ

તસ્યોર્ધ્વગઃ પુષ્પચયઃ સુજાતઃ સંતાનકાનામિવ સૌરભશ્ચ ।
સકુંકુમૈશ્ચંદનવૃષ્ટિમેવ કુર્વંતિ દેવાઃ પરિતુષ્યમાણાઃ

વિમૃશ્યમાનઃ સ હિ તેન રાજ્ઞા ચતુર્ભુજઃ સોપિ બભૂવ રાજન્ ।
દિવ્યાંબરોભૂષણદિવ્યરૂપઃ સ્વતેજસા ભાતિ દિવાકરો યથા

દિવ્યેન યાનેન દિવં ગતો યદા સુપૂજ્યમાનઃ સુરરાજદેવૈઃ ।
ગંધર્વરાજઃ સ બભૂવ ભૂયઃ પૂર્વં સ્વકં કાયમિહૈવ હિત્વા

ઇતિ શ્રીપદ્મપુરાણે ભૂમિખંડે વેનોપાખ્યાને સુકલાચરિત્રે।
ચતુશ્ચત્વારિંશત્તમોઽધ્યાયઃ