પદ્મ પુરાણ · અધ્યાય 2.119

એકોનવિંશત્યધિકશતતમોઽધ્યાયઃ ।
કપિંજલ ઉવાચ-
યસ્યાઃ પ્રહસનાત્તાત સુહૃદ્યાનિ ભવંતિ વૈ ।
પુષ્પાણિ દિવ્યગંધીનિ દુર્લભાનિ સુરાસુરૈઃ

કસ્માત્તુ દેવતાઃ સર્વાઃ પ્રવાંછંતિ મહામતે ।
શંકરઃ સુખમાયાતિ હાસ્યપુષ્પૈઃ સુપૂજિતઃ

કો ગુણસ્તસ્ય પુષ્પસ્ય તન્મે કથય વિસ્તરાત્ ।
કામોદા સા ભવેત્કા તુ કસ્ય પુત્રી વરાંગના

હાસ્યાત્તસ્યા મહાભાગ સુપુષ્પાણિ ભવંતિ ચ ।
કો ગુણસ્તત્કથાં બ્રૂહિ સકલાં વિસ્તરેણ ચ

કુંજલ ઉવાચ-
પુરા દેવૈર્મહાદૈત્યૈઃ કૃત્વા સૌહાર્દમુત્તમમ્ ।
મમંથુઃ સાગરં ક્ષીરમમૃતાર્થં સમુદ્યતાઃ

મથનાદ્દેવદૈત્યાનાં કન્યારત્નચતુષ્ટયમ્ ।
વરુણેન દર્શિતં પૂર્વં સોમેનૈવ તથા પુનઃ

પશ્ચાત્સંદર્શિતં પુણ્યમમૃતં કલશે સ્થિતમ્ ।
કન્યા ચતુષ્ટયં પૂર્વં દેવાનાં હિતમિચ્છતિ

સુલક્ષ્મીર્નામ સા ચૈકા દ્વિતીયા વારુણી તથા ।
જ્યેષ્ઠા નામ તથા ખ્યાતા કામોદાન્યા પ્રચક્ષતે

તાસાં મધ્યે વરા શ્રેષ્ઠા પૂર્વં જાતા મહામતે ।
તસ્માજ્જ્યેષ્ઠેતિ વિખ્યાતા લોકે પૂજ્યા સદૈવ હિ

વારુણીપાનરૂપા ચ પયઃફેનસમુદ્ભવા ।
અમૃતસ્ય તરંગાચ્ચ કામોદાખ્યા બભૂવ હ

સોમો રાજા તથા લક્ષ્મીર્જજ્ઞાતે અમૃતાદપિ ।
ત્રૈલોક્યભૂષણઃ સોમઃ સંજાતઃ શંકરપ્રિયઃ

મૃત્યુરોગહરા જાતા સુરાણાં વારુણી તથા ।
જ્યેષ્ઠાસુ પુણ્યદા જાતા લોકાનાં હિતમિચ્છતામ્

અમૃતાદુત્થિતા દેવી કામોદા નામ પુણ્યદા ।
વિષ્ણોઃ પ્રીત્યૈ ભવિષ્યે તુ વૃક્ષરૂપં પ્રયાસ્યતિ

વિષ્ણુપ્રીતિકરી સા તુ ભવિષ્યતિ સદૈવ હિ ।
તુલસી નામ સા પુણ્યા ભવિષ્યતિ ન સંશયઃ

તયા સહ જગન્નાથો રમિષ્યતિ ન સંશયઃ ।
તુલસ્યાઃ પત્રમેકં યો નીત્વા કૃષ્ણાય દાસ્યતિ

મેને તસ્યોપકારાણાં કિમસ્મૈ ચ દદામ્યહમ્ ।
ઇત્યેવં ચિંતયેન્નિત્યં તસ્ય પ્રીતિકરો ભવેત્

એવં કામોદ નામાસૌ પૂર્વં જાતા સમુદ્રજા ।
યદા સા હસતે દેવી હર્ષગદ્ગદભાષિણી

સૌહૃદ્યાનિ સુગંધીનિ મુખાત્તસ્યાઃ પતંતિ વૈ ।
અમ્લાનાનિ સુપુષ્પાણિ યો ગૃહ્ણાતિ સમુદ્યતઃ

પૂજયેચ્છંકરં દેવં બ્રહ્માણં માધવં તથા ।
તસ્ય દેવાઃ પ્રતુષ્યંતિ યદિચ્છતિ દદંતિ તત્

રોદિત્યેષા યદા સા ચ કેન દુઃખેન દુઃખિતા ।
નેત્રાશ્રુભ્યો હિ તસ્યાસ્તુ પ્રભવંતિ પતંતિ ચ

તાનિ ચૈવ મહાભાગ હૃદ્યાનિ સુમહાંતિ ચ ।
સૌરભેણ વિના તૈસ્તુ યઃ પૂજયતિ શંકરમ્

તસ્ય દુઃખં ચ સંતાપો જાયતે નાત્ર સંશયઃ ।
પુષ્પૈસ્તુ તાદૃશૈર્દેવાન્સકૃદર્ચતિ પાપધીઃ

તસ્ય દુઃખં પ્રકુર્વંતિ દેવાસ્તત્ર ન સંશયઃ ।
એતત્તે સર્વમાખ્યાતં કામોદાખ્યાનમુત્તમમ્

અથ કૃષ્ણો વિચિંત્યૈવ દૃષ્ટ્વા વિક્રમસાહસમ્ ।
વિહુંડસ્યાપિ પાપસ્ય ઉદ્યમં સાહસં તદા

નારદં પ્રેષયામાસ મોહયૈનં દુરાસદમ્ ।
નારદસ્ત્વથ સંશ્રુત્ય વાક્યં વિષ્ણોર્મહાત્મનઃ

ગચ્છમાનં દુરાત્માનં કામોદાં પ્રતિ દાનવમ્ ।
ગત્વા તમાહ દૈત્યેંદ્રં નારદઃ પ્રહસન્નિવ

ક્વ યાસિ ત્વં ચ દૈત્યેંદ્ર સત્વરં ચ સમાતુરઃ ।
સાંપ્રતં કેન કાર્યેણ કસ્યાર્થં કેન નોદિતઃ

બ્રહ્માત્મજં નમસ્કૃત્ય પ્રત્યુવાચ કૃતાંજલિ ।
કામોદપુષ્પાર્થમહં પ્રસ્થિતો દ્વિજસત્તમ

તમુવાચ સ ધર્માત્મા પુષ્પૈઃ કિં તે પ્રયોજનમ્ ।
વિપ્રવર્યં પુનઃ પ્રાહ કાર્યકારણમાત્મનઃ

નંદનસ્ય વનોદ્દેશે કાચિન્નારી વરાનના ।
તસ્યા દર્શનમાત્રેણ ગતોઽહં કામવશ્યતામ્

તયા પ્રોક્તોઽસ્મિ વિપ્રેંદ્ર પુષ્પૈઃ કામોદસંભવૈઃ ।
પૂજયસ્વ મહાદેવં પુષ્પૈસ્તુ સપ્તકોટિભિઃ

તતસ્તે સુપ્રિયા ભાર્યા ભવિષ્યામિ ન સંશયઃ ।
તદર્થે પ્રસ્થિતોઽસ્મ્યદ્ય કામોદાખ્યં પુરં પ્રતિ

તામહં કામયિષ્યામિ સિંધુજાં શુણુ સાંપ્રતમ્ ।
મનોલ્લાસૈર્મહાહાસૈર્હાસયિષ્યામ્યહં પુનઃ

પ્રીતા સતી મહાભાગા હસિષ્યતિ પુનઃ પુનઃ ।
તદ્ધાસ્યં ગદ્ગદં વિપ્ર મમ કાર્યપ્રવર્દ્ધનમ્

તસ્માદ્ધાસ્યાત્પતિષ્યંતિ દિવ્યાનિ કુસુમાનિ ચ ।
તૈસ્તુ દેવમુમાકાંતં પૂજયિષ્યામિ સાંપ્રતમ્

તેન પૂજાપ્રદાનેન તુષ્ટો દાસ્યતિ મે ફલમ્ ।
ઈશ્વરઃ સર્વભૂતેશઃ શંકરો લોકભાવનઃ

નારદ ઉવાચ-
તત્ર દૈત્ય ન ગંતવ્યં કામોદાખ્યે પુરોત્તમે ।
વિષ્ણુરસ્તિ સુમેધાવી સર્વદૈત્યક્ષયાવહઃ

યેનોપાયેન પુષ્પાણિ કામોદાખ્યાનિ દાનવ ।
તવ હસ્તે પ્રયાસ્યંતિ તમુપાયં વદામ્યહમ્

ગંગાતોયેષુ દિવ્યાનિ પતિષ્યંતિ ન સંશયઃ ।
વાહિતાનિ જલૈર્દિવ્યૈરાગમિષ્યંતિ સાંપ્રતમ્

તાનિ ત્વં તુ પ્રતિગૃહાણ સુહૃદ્યાનિ મહાંતિ ચ ।
ગૃહીત્વા તાનિ પુષ્પાણિ સાધયસ્વ મનીપ્સિતમ્

નારદો દાનવશ્રેષ્ઠં મોહયિત્વા તતઃ પુનઃ ।
તતશ્ચ સ તુ ધર્માત્મા ચિંતયામાસ વૈ પુનઃ

કથમશ્રૂણિ સા મુંચેત્કેનોપાયેન દુઃખિતા ।
ચિંતયાનસ્ય તસ્યૈવં ક્ષણં વૈ નારદસ્ય ચ

તતો બુદ્ધિઃ સમુત્પન્ના કામોદાખ્યં પુરં ગતઃ

ઇતિ શ્રીપદ્મપુરાણે ભૂમિખંડે વેનોપાખ્યાને ગુરુતીર્થમાહાત્મ્યે ચ્યવનચરિત્રે કામોદાખ્યાને એકોનવિંશત્યધિકશતતમોઽધ્યાયઃ