ન્યાયસૂત્ર · અધ્યાય 1.2

પ્રમાણતર્કસાધનોપાલમ્ભઃ સિદ્ધાન્તાવિરુદ્ધઃ પઞ્ચાવયવોપપન્નઃ પક્ષપ્રતિપક્ષપરિગ્રહઃ વાદઃ
{વાદ-લક્ષણમ્}

યથોક્તોપપન્નઃ છલજાતિનિગ્રહસ્થાનસાધનોપાલમ્ભઃ જલ્પઃ
{જલ્પ-લક્ષણમ્}

સઃ પ્રતિપક્ષસ્થાપનાહીનઃ વિતણ્ડા
{વિતણ્ડા-લક્ષણમ્}
[હેત્વાભાસપ્રકરણમ્]

સવ્યભિચાર-વિરુદ્ધ-પ્રકરણસમ-સાધ્યસમ-કાલાતીતાઃ હેત્વાભાસાઃ
{હેત્વાભાસ-ઉદ્દેશ-સૂત્રમ્}

અનૈકાન્તિકઃ સવ્યભિચારઃ
{સવ્યભિચાર-લક્ષણમ્}

સિદ્ધાન્તમ્ અભ્યુપેત્ય તદ્વિરોધી વિરુદ્ધઃ
{વિરુદ્ધ-લક્ષણમ્}

યસ્માત્ પ્રકરણચિન્તા સઃ નિર્ણયાર્થમપદિષ્ટઃ પ્રકરણસમઃ
{પ્રકરણસમ-લક્ષણમ્}

સાધ્યાવિશિષ્ટઃ સાધ્યત્વાત્ સાધ્યસમઃ
{સાધ્યસમ-લક્ષણમ્}

કાલાત્યયાપદિષ્ટઃ કાલાતીતઃ
{કાલાતીત-લક્ષણમ્}
[છલપ્રકરણમ્]

વચનવિઘાતઃ અર્થવિકલ્પોપપત્ત્યા છલમ્
{છલ-લક્ષણમ્}

તત્ ત્રિવિધમ્ - વાક્છલમ્ સામાન્યચ્છલમ્ ઉપચારચ્છલમ્ ચ ઇતિ
{છલ-ભેદ-ઉદ્દેશ-સૂત્રમ્}

અવિશેષાભિહિતે અર્થે વક્તુઃ અભિપ્રાયાત્ અર્થાન્તરકલ્પના વાક્છલમ્
{વાક્છલ-લક્ષણમ્}

સમ્ભવતઃ અર્થસ્ય અતિસામાન્યયોગાત્ અસમ્ભૂતાર્થકલ્પના સામાન્યચ્છલમ્
{સામાન્યચ્છલ-લક્ષણમ્}

ધર્મવિકલ્પનિર્દેશે અર્થસદ્ભાવપ્રતિષેધઃ ઉપચારચ્છલમ્
{ઉપચારચ્છલ-લક્ષણમ્}

વાક્છલમ્ એવ ઉપચારચ્છલમ્ તત્ અવિશેષાત્
{ઉપચારચ્છલ-પૂર્વપક્ષ-લક્ષણમ્}

ન તત્ અર્થાન્તરભાવાત્
{ઉપચારચ્છલ-લક્ષણમ્}

અવિશેષે વા કિઞ્ચિત્સાધર્મ્યાત્ એકચ્છલપ્રસઙ્ગઃ
{ઉપચારચ્છલ-લક્ષણમ્}
[લિઙ્ગદોષસામાન્યપ્રકરણમ્]

સાધર્મ્યવૈધર્મ્યાભ્યામ્ પ્રત્યવસ્થાનં જાતિઃ
{જાતિ-લક્ષણમ્}

વિપ્રતિપત્તિઃ અપ્રતિપત્તિઃ ચ નિગ્રહસ્થાનમ્
{નિગ્રહસ્થાન-લક્ષણમ્}

તદ્વિકલ્પાત્ જાતિનિગ્રહસ્થાનબહુત્વમ્
{નિગ્રહસ્થાનબહુત્વ-સૂત્રમ્}
(ઇતિ ન્યાયસૂત્રે પ્રથમાધ્યાયસ્ય દ્વિતીયમ્ આહ્નિકમ્)
(સમાપ્તઃ ચ અયમ્ પ્રથમઃ અધ્યાયઃ)
(અથ દ્વિતીયઃ અધ્યાયઃ)
(પ્રથમમ્ આહ્નિકમ્)
[સંશયપરીક્ષાપ્રકરણમ્]