niruttaratantram · અધ્યાય p5

તૃતીયઃ પટલઃ
શ્રીદેવ્યુવાચ -
ભગવન્ ! સર્વ-દેવેશ ! સર્વ-ભૂત-નમસ્કૃત ।
સર્વ સે કથિતં દેવ! કવચં ન પ્રકાશિતં ॥
કથયસ્વ સુર-શ્રેષ્ઠ ! યદિ સ્નેહોઽસ્તિ માં પ્રતિ ॥
શ્રીશિવ ઉવાચ-
સિદ્ધ-કાલી શિરઃ પાતુ લલાટં પાતુ દક્ષિણા ।
કાલી મુખં સદા પાતુ કપાલી પાતુ ચક્ષુષી ॥
કુલ્લા ગણ્ડૌ સદા પાતુ વદનં કુરુ-કુલ્લિકા ।
વિરોધિન્યધરં પાતુ ચિબુકં વિપ્ર-ચિત્તિકા ॥
ઉગ્રા કરણોં સદા પાતુ નાસામુગ્ર-પ્રભા તથા ।
કણ્ઠં દીપ્તા સદા પાતુ ગ્રીવાં નીલા પ્રભાવતુ ॥
વક્ષઃ-સ્થલં પાતુ ઘના પૃષ્ઠં માત્રા સદાવતુ ॥
મુદ્રા નાભિ સદા પાતુ મિતા લિઙ્ગ સદાવતુ ।
રતિ-પ્રિયા લિઙ્ગ-મૂલં ગુહ્યં શિવ-પ્રિયાવતુ ।
અરુણા તાલુ-મૂલં હિ રસનાં તરુણા તથા ॥
મહા-કાલ-પ્રિયા જાનુ વિકટા પાતુ જઙ્ઘયોઃ ।
શ્મશાન-વાસિની ભાર્યાં પુત્ત્રં પાતુ દિગમ્બરી ॥
ભવનં મત્ત-હાસા ચ માતરં મે સુરેશ્વરી ।
રાજ-સ્થાનં ઘોર-રાવા સતતં પાતુ કાલિકા ॥
ધર્મ પાતુ ઘોર-રૂપા શ્રધર્મ મુણ્ડ-માલિની ।
કર-કાઞ્ચી પાતુ નિત્યં કાલિકા સર્વદાવતુ ॥
કામ-વીજ-ત્રયં પાતુ નાભિતઃ પાદમેવ ચ ।
કૂર્ચ-બીજ-યુગં પાતુ સદા સે નાભિ-દેશતઃ ॥
શક્તિ-વીજ-દ્વયં પાતુ બ્રહ્મરન્ધ્રાનનં પુનઃ ।
કામ-બીજ-દ્વયં પાતુ પૂર્વસ્યાં દિશિ સર્વદા ॥
કૂર્ચ-વીજ-યુગં પાતુ દક્ષિણસ્યાં સદાવતુ ।
શક્તિ-બીજ-યુગં પાતુ પ્રતીચ્યાં સર્વદા શુભા ॥
વહ્નિ-જાયા ચોત્તરસ્યાં દિશિ પાતુ ચ માં સદા ।
વિદ્યા-રાજ્ઞો ચ સર્વાસામનિરુદ્ધ-સરસ્વતી ॥
કાલિકા-કવચં દિવ્યં યઃ પઠેદ્ યત્નતઃ સુધીઃ ।
ભૂત-પ્રેત-પિશાચાદ્યાઃ કૂષ્માણ્ડા રાક્ષસા ગ્રહાઃ ।
તસ્ય દૂરાત્ પલાયન્તે સત્યં સત્યં ન સંશયઃ ॥
શ્રીદેવ્યુવાચ -
શઙ્કરો યાં સ્તુતિ કૃત્વા સર્વ-સિદ્ધોશ્વરોઽભવત્ ।
તાં મે કથય દેવેશિ ! યદિ સ્નેહોઽસ્તિ માં પ્રતિ ॥
શ્રીશિવ ઉવાચ-
હુઁ હુઁ કારે શવારૂઢે નીલ-નીરજ-લોચને !
ત્રૈલોક્યક-મુખે દિવ્યે કાલિકાયૈ નમોઽસ્તુ તે ॥
પ્રત્યાલીઢ-પદે ઘોરે મુણ્ડ-માલા-પ્રલમ્બિતે !
ખર્વે લમ્બોદરે ભોમે કાલિકાયૈ નમોઽસ્તુ તે ॥
નવ-યૌવન-સમ્પન્ને ગજ-કુમ્ભાપમ-સ્તનિ !
વાનીશ્વરિ શિવે શાન્તે કાલિકાયૈ નમોઽસ્તુ તે ॥
લલજ્જિહ્વ હરાલોકે નેત્ર-ત્રિતય-ભૂષિતે !
ઘોર-હાસ્યોત્કરે દેવિ કાલિકાયૈ નમોઽસ્તુ તે ॥
વ્યાઘ્ર-ચર્મામ્બર-ધરે ખઙ્ગ-કર્ચી-કરે ધરે !
કપાલેન્દોવરે વામે કાલિકાયૈ નમોસ્તુ તે ॥
નીલોત્પલ-જટા-ભારે સિન્દૂરેન્દુ-મુખોદ્વયે !
સ્ફુરદ્-ચક્ત્રોષ્ઠ-દશને કાલિકાયૈ નમોઽસ્તુ તે ॥
પ્રલયાનલા-ધૂત્રાભે ચન્દ્ર-સૂર્યાગ્નિ-લોચને !
શૈલ-વાસે શુભે માતઃ કાલિકાયૈ નમોસ્તુ તે ॥
બ્રહ્મ-શમ્ભુ-જલૌઘે ચ શવ-મધ્ય-પ્રસંસ્થિતે !
પ્રેત-કોટિ-સમાયુક્તે કાલિકાયે નમોઽસ્તુ તે ॥
કૃપા-મયિ હરે માતઃ સર્વાશા-પરિપૂરિતે !
વરદે ભોગદે મોક્ષે કાલિકાયૈ નમોઽસ્તુ તે ॥
ઇત્યેતત્ કાલિકા-સ્તોત્રં યઃ પઠેદ્ ભક્તિ-સંયુતઃ ।
કૃત-કૃત્યો ભવેન્મન્ત્રી નાત્ર કાર્યા વિચારણા ॥
॥ ઇતિ શ્રીનિરુત્તર-તન્ત્રે શિવ-પાર્વતી-સમ્વાદે તૃતીય પટલઃ ॥