નારાયણીય · અધ્યાય 9.35

નીતઃ સુગ્રીવમૈત્રીં તદનુ દુન્દુભેઃ કાયમુચ્ચૈઃ
ક્ષિપ્ત્વાઙ્ગુષ્ઠેન ભૂયો લુલવિથ યુગપત્ પત્રિણા સપ્ત સાલાન્ ।
હત્વા સુગ્રીવઘાતોદ્યતમતુલબલં વાલિનં વ્યાજવૃત્ત્યા
વર્ષાવેલામનૈષીર્વિરહતરલૈતસ્ત્વં મતઙ્ગાશ્રમાન્તે ॥

સુગ્રીવેણાનુજોક્ત્યા સભયમભિયતા વ્યૂહિતાં વાહિનીં તા-
મૃક્ષાણાં વીક્ષ્ય દિક્ષુ દ્રુતમથ દયિતામાર્ગણાયાવનમ્રામ્ ।
સન્દેશં ચાન્ગુલીયં પવનસુતકરે પ્રાદિશો મોદશાલી
માર્ગે માર્ગે મમાર્ગે કપિભિરપિ તદી ત્વત્પ્રિયા સપ્રયાસઃ ॥

ત્વદ્વાર્તાકર્ણનોદ્યદ્ગરુદુરુજવસમ્પાતિસમ્પાતિવાક્ય-
પ્રોત્તીર્ણાર્ણોધિરન્તર્નગરિ જનકજાં વીક્ષ્ય દત્ત્વાઙ્ગુલીયમ્ ।
પ્રક્ષુદ્યોદ્યાનમક્ષક્ષપણચણરણઃ સોઢબન્ધો દશાસ્યં
દૃષ્ટ્વા પ્લુષ્ટ્વા ચ લઙ્કાં ઝટિતિ સ હનુમાન્ મૌલિરત્નં દદૌ તે ॥

ત્વં સુગ્રીવાઙ્ગદાદિપ્રબલકપિચમૂચક્રવિક્રાન્તભૂમિ-
ચક્રોઽભિક્રમ્ય પારેજલ્ધિ નિશિચરેન્દ્રાનુજાશ્રીયમાણઃ ।
તત્પ્રોક્તાં શત્રુવાર્તાં રહસિ નિશમયન્ પ્રાર્થનાપાર્થ્યરોષ-
પ્રાસ્તાગ્નેયાસ્ત્રતેજસ્ત્રમદુદધિગિરા લબ્ધવાન્ મધ્યમાર્ગમ્ ॥

કીશૈરાશાન્તરોપાહૃતગિરિનિકરૈઃ સેતુમાધાપ્ય યાતો
યાતૂન્યામર્દ્ય દંષ્ટ્રાનખશિખરિશિલાસાલશસ્ત્રૈઃ સ્વસૈન્યૈઃ ।
વ્યાકુર્વન્ સનુજસ્ત્વં સમરભુવિ પરં વિક્રમં શક્રજેત્રા
વેગાન્નાગાસ્ત્રબદ્ધઃ પતગપતિગરુન્મારુતૈર્મોચિતોઽભૂઃ ॥

સૌમિત્રિસ્ત્વત્ર શક્તિપ્રહૃતિગલદસુર્વાતજાનીતશૈલ-
ઘ્રાણાત્ પ્રણાનુપેતો વ્યકૃણુત કુસૃતિશ્લાઘિનં મેઘનાદમ્ ।
માયાક્ષોભેષુ વૈભીષણવચનહૃતસ્તમ્ભનઃ કુમ્ભકર્ણં
સમ્પ્રાપ્તં કમ્પિતોર્વીતલમખિલચમૂભક્ષિણં વ્યક્ષિણોસ્ત્વમ્ ॥

ગૃહ્ણન્ જમ્ભારિસમ્પ્રેષિતરથકવચૌ રાવણેનાભિયુધ્યન્
બ્રહ્માસ્ત્રેણાસ્ય ભિન્દન્ ગલતતિમબલામગ્નિશુદ્ધાં પ્રગૃહ્ણન્ ।
દેવ! શ્રેણીવરોજ્જીવિતસમરમૃતૈરક્ષતૈરૃક્ષસઙ્ઘૈર્-
લઙ્કાભર્ત્રા ચ સાકં નિજનગરમગાઃ સપ્રિયઃ પુષ્પકેણ ॥

પ્રીતો દિવ્યાભિષેકૈરયુતસમધિકાન્ વત્સરાન્ પર્યરંસીર્-
મૈથિલ્યાં પાપવાચા શિવ શિવ કિલ તાં ગર્ભિણીમભ્યહાસીઃ ।
શત્રુઘ્નેનાર્દયિત્વા લવણનિશિચરં પ્રાર્દયઃ શૂદ્રપાશં
તાવદ્ વાલ્મીકિગેહે કૃતવસતિરુપાસૂત સીત સુતૌ તે ॥

વાલ્મીકેસ્ત્વત્સુતોદ્ગાપિતમધુરકૃતેરાજ્ઞયા યજ્ઞવાટે
સીતાં ત્વય્યાસુકામે ક્ષિતિમવિશદસૌ ત્વં ચ કાલાર્થિતોઽભૂઃ ।
હેતોઃ સૌમિત્રિઘાતી સ્વયમથ સરયૂમગ્નનિશ્શેષભૃત્યૈઃ
સાકં નાકં પ્રયાતો નિજપદમગમો દેવ! વૈકુણ્ઠમાદ્યમ્ ॥

સોઽયં મર્ત્યાવતારસ્તવ ખલુ નિયતં મર્ત્યશિક્ષાર્થમેવં
વિશ્લેષાર્તિર્નિરાગસ્ત્યજનમપિ ભવેત્ કામધર્માતિસક્ત્યા ।
નો ચેત્ સ્વાત્માનુભૂતેઃ ક્વનુ તવ મનસો વિક્રિયા ચક્રપાણે!
સ ત્વં સત્ત્વૈકમૂર્તે! પવનપુરપતે! વ્યાધુનુ વ્યાધિતાપાન્ ॥