નારાયણીય · અધ્યાય 9.36

અત્રેઃ પુત્રતયા પુરા ત્વમનસૂયાયાં હિ દત્તાભિધો
જાતઃ શિષ્યાનિષન્ધતન્દ્રિતમનાઃ સ્વસ્થશ્ચરન્ કાન્તયા ।
દૃષ્તો ભક્તતમેન હેહયમહીપાલેન તસ્મૈ વરા-
નષ્ટૈશ્વર્યમુખાન્ પ્રદાય દદિથ સ્વેનૈવ ચાન્તે વધમ્ ॥

સત્યં કર્તુમથાર્જુનસ્ય ચ વરં તચ્છક્તિમાત્રાનતં
બ્રહ્મદ્વેષિ તદાખિલં નૃપકુલં હન્તું ચ ભૂમેર્ભરમ્ ।
સઞ્જાતો જમદગ્નિતો ભૃગુકુલે ત્વં રેણુકાયાં હરે!
રામો નામ તદાત્મજેષ્વવરજઃ પિત્રોરધાઃ સમ્મદમ્ ॥

લબ્ધામ્નાયગણશ્ચતુર્દશવયા ગન્ધર્વરાજે મના-
ગાસતાં કિલ માતરં પ્રતિ પિતુઃ ક્રોધાકુલસ્યાજ્ઞયા ।
તાતાજ્ઞાતિગસોદરૈઃ સમમિમાં છિત્વાથ શાન્તાત્ પિતુસ્-
તેષાં જીવનયોગમાપિથ વરં માતા ચ તેઽદાદ્ વરમ્ ॥

પિત્રા માતૃમુદે સ્તવાહૃતવિયદ્ધેનોર્નિજાદાશ્રમાત્
પ્રસ્થાયાથ ભૃગોર્ગિરા હિમગિરાવારાધ્ય ગૌરીપતિમ્ ।
લબ્ધ્વા તત્પરશું તદુક્તદનુજચ્છેદી મહાસ્ત્રાદિકં
પ્રાપ્તો મિત્રમથાકૃતવૃઅણમુનિં પ્રાપ્યાગમઃ સ્વાશ્રમમ્ ॥

આખેટેપગતોઽર્જુનઃ સુરગવીસમ્પ્રાપ્તસમ્પદ્ગણૈસ્-
ત્વત્પિત્રા પરિપૂજિતઃ પુરગતો દુર્મન્ત્રિવાચા પુનઃ ।
ગાં ક્રેતું સચિવં ન્યયુઙ્ક્ત કુધિયા તેનાપિ રુન્ધન્મુનિ-
પ્રાણક્ષેપસરોષગોહતચમૂચક્રેણ વત્સો હૃતઃ ॥

શુક્રોજ્જીવિતતાતવાક્યચલિતક્રોધોઽથ સખ્યા સમં
બિભ્રુદ્ ધ્યાતમહોદરોપનિહિતં ચાપં કુઠારં શરન્ ।
આરૂઢઃ સહવાહયન્તૃકરથં માહિષ્મતીમાવિશન્
વાગ્ભિર્વત્સમદાશુષિ ક્ષિતિપતૌ સમ્પ્રાસ્તુથાઃ સઙ્ગરમ્ ॥

પુત્રાણામયુતેનસપ્તદશભિશ્ચાક્ષૌહિણીભિર્મહા-
સેનાનીભિરનેકમિત્રનિવહિર્વ્યાજૃમ્ભિતીયોધનઃ ।
સદ્યસ્ત્વત્કકુઠારબાણવિદલન્નિશ્શેષસૈન્યોત્કરો
ભીતિપ્રદ્રુતનષ્ટશિષ્ટનયસ્ત્વામાપતદ્ધેહયઃ ॥

લીલાવારિતનર્મદાજલવલલ્લઙ્કેશગર્વાપહ-
શ્રીમદ્બાહુસહસ્રમુક્તબહુશસ્ત્રાસ્ત્રં નિરુન્ધન્નમુમ્ ।
ચક્રે ત્વય્યથ વૈષ્ણવેઽપિ વિકલે બુદ્ધ્વા હરિં ત્વાં મુદા
ધ્યાયન્તં છિતસ્ર્વદોષમવધીઃ સોઽગાત્ પરં તે પદમ્ ॥

ભૂયોઽમર્ષિતહેહયાત્મજગણૈસ્તાતે હતે રેણુકા-
માઘ્નાનાં હૃદયં નિરીક્ષ્ય બહુશો ઘોરાં પ્રતિજ્ઞાં વહન્ ।
ધ્યાનાનીતરથાયુધસ્ત્વમકૃથા વિપ્રદ્રુહઃ ક્ષત્રિયાન્
દિક્ચક્રેષુ કુઠારયન્ વિશિખયન્ નિઃક્ષાત્રિયાં મેદિનીમ્ ॥

તાતોજ્જીવનકૃન્નૃપાલકકુલં ત્રિઃસપ્તકૃત્વો જયન્
સન્તર્પ્યાથ સમન્તપઞ્ચકમહારક્તહૃદૌધે પિત્ ન્ ।
યજ્ઞે ક્ષ્મામપિ કાશ્યપાદિષુ દિશન્ સાલ્વેન યુધ્યન્ પુનઃ
કૃષ્ણોઽમું નિહનિષ્યતીતિ શમિતો યુદ્ધાત્ કુમારૈર્ભવાન્ ॥

ન્યસ્યાસ્ત્રાણિ મહેન્દ્રભૂભૃતિ તપસ્તન્વન્ પુનર્મજ્જિતાં
ગોકર્ણાવધિ સાગરેણ ધરણીં દૃષ્ટ્વાર્થિતસ્તાપસૈઃ ।
ધ્યાતેષ્વાસઘૃતાનલાસ્ત્રચકિતં સિન્ધું સ્રુવક્ષેપણા-
દુત્સાર્યોદ્ધૃતકેરલો ભૃગુપતે! વાતેશ! સંરક્ષ મામ્ ॥
સાન્દ્રાનનન્દતનો! હરે! નનુ પુરા દૈવાસુરે સઙ્ગરે
ત્વત્કૃત્તા અપિ કર્મશેષવશતો યે તે ન યાતા ગતિમ્ ।
તેષાં ભૂતલજન્મનાં દિતિભુવાં ભારેણ દુરાર્દિતા
ભૂમિઃ પ્રાપ વિરિઞ્ચમાશ્રિતપદં દેવૈઃ પુરૈવાગતૈઃ ॥