નારાયણીય · અધ્યાય 8.28

ગરલં તરલાનલં પુરસ્તાજ્જલધેરુદ્વિજગાલ કાલકૂટમ્ ।
અમરસ્તુતિવાદમોદનિઘ્નો નિરિશસ્તન્નિપપૌ ભવત્પ્રિયાર્થમ્ ॥

વિમથત્સુ સુરાસુરેષુ જાતા સુરભિસ્તામૃષિષુ ન્યધાસ્ત્રિધામન્! ।
હયરત્નમભૂદથેભરત્નં દ્યૂતરુશ્ચાપ્સરસઃ સુરેષુ તાનિ ॥

જગદીશ! ભવત્પરા તદાનીં કમનીયા કમલા બભૂવ દેવી ।
અમલામવલોક્ય યાં વિલોકઃ સકલોઽપિ સ્પૃહયામ્બભૂવ લોકઃ ॥

ત્વયિ દત્તહૃદ્દે તદૈવ દેવ્યૈ ત્રિદશેન્દ્રો મણિપીઠિકાં વ્યતારીત્ ।
સકલોપહૃતાભિષેચનીયૈરૃષયસ્તાં શ્રુતિગીર્ભિરભ્યષિઞ્ચન્ ॥

અભિષેકજલાનુપાતિમુગ્ધત્વદપાઙ્ગૈરવભૂષિતાઙ્ગવલ્લીમ્ ।
મણિકુણ્ડલપીતચેલહારપ્રમુખૈસ્તામમરાદયોઽન્દભૂષન્ ॥

વરણસ્રજમાત્તભૃઙ્ગનાદાં દધતી સા કુચકુમ્ભમન્દયાના ।
પદશિઞ્જિતમઞ્જુન્પુરા ત્વાં કલિતવ્રીલવિલાસમાસસાદ ॥

ગિરિશદ્રુહિણાદિસર્વદેવાન્ ગુણભાજોઽપ્યવિમુક્તદોષલેશાન્ ।
અવમૃશ્ય સદૈવ સર્વરમ્યે નિહિતા ત્વય્યનયાપિ દિવ્યમાલા ॥

ઉરસા તરસા મમાનિથૈનાં ભુવનાનાં જનનીમનન્યભાવામ્ ।
ત્વદુરોવિલસત્તદીક્ષણશ્રીપરિવૃષ્ટ્યા પરિપુષ્ટમાસ વિશ્વમ્ ॥

અતિમોહનવિભ્રમા તદાનીં મદયન્તી ખલુ વારુણી નિરાગાત્ ।
તમસઃ પદવીમદાસ્ત્વમેનામતિસમ્માનનયા મહાસુરેભ્યઃ ॥

તરુણામ્બુદસુન્દરસ્તદા ત્વં નનુ ધન્વન્તરિરુત્થિતોઽમ્બુરાશેઃ ।
અમૃતં કલશે વહન્ કરાભ્યામખિલાર્તિં હર મારુતાલયેશ! ॥