નારાયણીય · અધ્યાય 8.27

દુર્વાસાઃ સુરવનિતાપ્તદિવ્યમાલ્યં શક્રાય સ્વયમુપદાય તત્ર ભૂજઃ ।
નાગેન્દ્રપ્રતિમૃદિતે શશાય શક્રં કા ક્ષાન્તિસ્ત્વદિતરદેવતાંશજાનામ્ ॥

શાપેન પ્રથિતજરેઽથ નિર્જરેન્દ્રે દેવેષ્વપ્યસુરજિતેષુ નિષ્પ્રભેષુ ।
શર્વાદ્યાઃ કમલજમેત્ય સર્વદેવા નિર્વાણપ્રભવ! સમં ભવન્તમાપુઃ ॥

બ્રહ્માદ્યૈર્નુતમહિમા ચિરં તદાનીં પ્રાદુઃષન્ વરદ! પુરઃ પરેણ ધામ્ના ।
હે દેવા! દિતિજકુલૈર્વિધાય સન્ધિં પીયૂષં પરિમથતેતિ પર્યશાસ્ત્વમ્ ॥

સન્ધાનં કૃતવતિ દાનવૈઃ સુરૌધે મન્થાનં નયતિ મદેન મન્દરાદ્રિમ્ ।
ભ્રષ્ટેઽસ્મિન્ બદરમિવોદ્વહન્ ખગેન્દ્રે સદ્ય્સ્ત્વં વિનિહિતવાન્ પયઃ પયોધૌ ॥

આધાય દ્રુતમથ વાસુકિં વરત્રાં પાથોધૌ વિનિહિતસર્વબીજજાલે ।
પ્રારબ્ધે મથનવિધૌ સુરાસુરૈસ્તૈર્વ્યાજાત્ ત્વં ભુજગમુખેઽકરોઃ સુરારીન્ ॥

ક્ષુબ્ધાદ્રૌ ક્ષુભિતજલોદરે તદાનીં દુગ્ધાબ્ધૌ ગુરુતરભારતો નિમગ્ને ।
દેવેષુ વ્યથિતતમેષુ તત્પ્રિયૈષી પ્રાણૈષીઃ કમઠતનું કઠોરપૃષ્ઠામ્ ॥

વજ્રાતિસ્થિરતરકર્પરેણ વિષ્ણો! વિસ્તારાત્ પરિગતલક્ષયોજનેન ।
અમ્ભોધેઃ કુહરગતેન વર્ષ્મણા ત્વં નિર્મગ્નં ક્ષિતિધરનાથમુન્નિનેથ ॥

ઉન્મગ્ને ઝટિતિ તદા ધરાધરેન્દ્રે નિર્મેથુર્દૃઢમિહ સમ્મદેન સર્વે ।
આવિશ્ય દ્વિતયગણેઽપિ સર્પરાજે વૈવશ્યં પરિશમયન્નવીવૃધસ્તાન્ ॥

ઉદ્દામભ્રમણજવોન્નમદ્ગિરીન્દ્રન્યસ્તૈકસ્થિરતરહસ્તપઙ્કજં ત્વામ્ ।
અભ્રાન્તે વિધિગિરિશાદયઃ પ્રમોદાદુદ્ભ્રાન્તા નુનુવુરુપાત્તપુષ્પવર્ષાઃ ॥

દૈત્યૌધે ભુજગમુખાનિલેન તપ્તે તેનૈવ ત્રિદશકુલેઽપિ કિઞ્ચિદાર્તે ।
કારુણ્યાત્ તવ કિલ દેવ! વારિવાહાઃ પ્રાવર્ષન્નમરગણાન્ ન દૈત્યસઙ્ઘાન્ ॥