નારાયણીય · અધ્યાય 8.26

ઇન્દ્રદ્યૂમ્નઃ પાણ્ડ્યખણ્ડાધિરાજસ્ત્વદ્ભક્તાત્મી ચન્દનાદ્રૌ કદીચિત્ ।
ત્વત્સેવાયાં મગ્નધીરાલુલોકે નૈવાગસ્ત્યં પ્રાપ્તમાતિથ્યકામમ્ ॥

કુમ્ભોદ્ભૂતઃ સંભૃતક્રોધભારઃ સ્તબ્ધાત્મા ત્વં હસ્તિભૂયં ભજેતિ ।
શપ્ત્વાથૈનં પ્રત્યગાત્ સોઽપિ લેભે હસ્તીન્દ્રત્વં ત્વત્સ્મૃતિવ્યક્તિધન્યમ્ ॥

દુગ્ધામ્ભોધેર્મધ્યભાજિ ત્રિકૂટે ક્રોડઞ્છૈલે યૂથપોઽયં વશાભિઃ ।
સર્વાન્ જન્તૂનત્યવર્તિષ્ટ શક્ત્યા ત્વદ્ભક્તાનાં કુત્ર નોત્કર્ષલાભઃ ॥

સ્તેન સ્થેમ્ના દિવ્યદેહત્વશક્ત્યા સોઽયં ખેદાનપ્રજાનન્ કદાચિત્ ।
શૈલપ્રાન્તે ઘર્મતાન્તઃ સરસ્યાં યૂથૈઃ સાર્ધં ત્વત્પ્રણુન્નોઽભિરેમે ॥

હૂહૂસ્તાવદ્ દેવલસ્યાપિ શાપદ્ ગ્રાહીભૂતસ્તજ્જલે વર્તમાનઃ ।
જગ્રાહૈનં હસ્તિનં પાદદેશે શાન્ત્યર્થં હિ શ્રાન્તિદોઽસિ સ્વકાનામ્ ॥

ત્વત્સેવાયા વૈભવાદ્ દુર્નિરોધં યુધ્યન્તં તં વત્સરાણાં સહસ્રમ્ ।
પ્રાપ્તે કાલે ત્વત્પદૈકાગ્ર્યસિદ્ધ્યૈ નક્રાક્રાન્તં હસ્તિવીરં વ્યધાસ્ત્વમ્ ॥

આર્તિવ્યક્તપ્રાક્તનજ્ઞાનભક્તિઃ શુણ્ડોત્ક્ષિપ્તૈઃ સમર્ચન્ ।
પૂર્વાભ્યસ્તં નિર્વિશેષાત્મનિષ્ઠં સ્તોત્રશ્રેષ્ઠં સોઽન્દગાદીત્ પરાત્મન્! ॥

શ્રુત્વા સ્તોત્રં નિર્ગુણસ્થં સમસ્તં બ્રહ્મેશાદ્યૈર્નાહમિત્યપ્રયાતે ।
સર્વાત્મા ત્વં ભૂરિકારુણ્યવેગાત્ તાર્ક્ષ્યારૂઢઃ પ્રેક્ષિતોઽભૂઃ પુરસ્તાત્ ॥

હસ્તીન્દ્રં તં હસ્તપદ્મેન ધૃત્વા ચક્રેણ ત્વં નક્રવર્યં વ્યદારીઃ ।
ગન્ધર્વેઽસ્મિન્ મુક્તશાપે સ હસ્તી ત્વત્સારૂપ્યં પ્રાપ્ય દેદીપ્યતે સ્મ ॥

એતદ્ વૃત્તં ત્વાં ચ માં ચ પ્રગે યો ગાયેત્ સોઽયં ભૂયસે શ્રેયસે સ્યાત્ ।
ઇત્યુક્ત્વૈનં તેન સાર્ધં ગતસ્ત્વં ધિષ્ણ્યં વિષ્ણો! પાહિ વાતાલયેશ! ॥