નારાયણીય · અધ્યાય 5.21

મધ્યોદ્ભવઓ ભુવ ઇલાવૃતનામ્રિ વર્ષે
ગૌરીપ્રધાનવનિતાજનમાત્રભાજિ ।
શર્વેણ મન્ત્રનુતિભિઃ સુમુપાસ્યમાનં
સઙ્કર્ષણાત્મકમધીશ્વર! સમ્શ્રયે ત્વામ્ ॥

ભદ્રાશ્વનામક ઇલાવૃતપૂર્વવર્ષે
ભદ્રશ્રવોભિરૃષિભિઃ પરિણૂયમાનમ્ ।
કલ્પાન્તગૂઢનિગમોદ્ધરણપ્રવીણં
ધ્યાયામિ દેવ! હયશીર્ષતનું ભવન્તમ્ ॥

ધ્યાયામિ દક્ષિણગતે હરિવર્ષવર્ષે
પ્રાહ્લાદમુખ્યપુરુષૈઃ પરિષેવ્યમાણમ્ ।
ઉત્તુઙ્ગશાન્તધવલાકૃતિમેકશુદ્ધ-
જ્ઞાનપ્રદં નરહરિં ભગવન્! ભવન્તમ્ ॥

વર્ષે પ્રતીચિ લલિતાત્મનિ કેતુમાલે
લીલાવિશેષલલિતસ્મિતશોભનાઙ્ગમ્ ।
લક્ષ્મ્યા પ્રજાપતિસુતૈશ્ચ નિષેવ્યમાણં
તસ્યાઃ પ્રિયાય ધૃતકામતનું ભજે ત્વામ્ ॥

રમ્યેઽપ્યુદીચિ ખલુ રમ્યકનામ્રિ વર્ષે
તદ્વર્ષનાથમનુવર્ય્સપર્યમાણમ્ ।
ભક્તૈકવત્સલમમત્સરહૃત્સુ ભાન્તં
મત્સ્યાકૃતિં ભુવનનાથ! ભજે ભવન્તમ્ ॥

વર્ષં હિરણ્મયસમાહ્વયમૌત્તરાહ-
માસીનમદ્રિધૃતિકર્મઠકામઠાઙ્ગમ્ ।
સંસેવતે પિતૃગણપ્રવરોઽર્યમાયં
તં ત્વાં ભજામિ ભગવન્! પરચિન્મયાત્મન્! ॥

કિઞ્ચોત્તરેષુ કુરુષુ પ્રિયયા ધરણ્યા
સંસેવિતો મહિતમન્ત્રનુતિપ્રભેદૈઃ ।
દંષ્ટ્રાગ્રઘૃષ્ટઘનપૃષ્ઠગરિષ્ઠવર્ષ્મા
ત્વં પાહિ વિજ્ઞનુતયજ્ઞવરાહમૂર્તે! ॥

યામ્યાં દિશં ભજતિ કિમ્પુરુષાખ્યવર્ષે
સંસેવિતો હનુમતા દૃઢભક્તિભાજા ।
સીતાભિરામપરમાદ્ભુતરૂપશાલી
રામાત્મકઃ પરિલસન્ પરિપાહિ વિષ્ણો! ॥

શ્રીનારદેન સહ ભારતખણ્ડમુખ્યૈસ્
ત્વં સાઙ્ખ્યયોગનુતિભિઃ સમુપાસ્યમાનઃ ।
આકલ્પકાલમિહ સાધુજનાભિરક્સી
નારાયણો નરસખઃ પરિપાહિ ભૂમન્! ॥

પ્લાક્ષેઽર્કરૂપમયિ શાલ્મલ ઇન્દુરૂપં
દ્વીયે ભજન્તિ કુશનામનિ વહ્નિરૂપમ્ ।
ક્રૌઞ્ચેઽમ્બુરૂપમથ વાયુમયં ચ શાકે
ત્વાં બ્રહ્મરૂપમયિ પુષ્કરનામ્રિ લોકાઃ ॥

સર્વૈર્ધ્રુવીદિભિરુડુપ્રકરૈર્ગ્રહૈશ્ચ
પુચ્છાદિકેષ્વવયવેષ્વભિકલ્પ્યમાનૈઃ ।
ત્વં શિંશુમારવપુષા મહતામુપાસ્યઃ
સન્ધ્યાસુ રુન્ધિ નરકં મમ સિન્ધુશાયૈન્! ॥

પાતાલમૂલભુવિ શેષતનું ભવન્તં
લોલૈકકુણ્ડલવિરાજિસહસ્રશીર્ષમ્ ।
નીલામ્બરં ધૃતહલં ભુજગાઙ્ગનાભિર્-
જુષ્ટં ભજે હર ગદાન્ ગુરુગેહનાથ! ॥