નારાયણીય · અધ્યાય 4.18

જાતસ્ય ધ્રુવકુલ એવ તુઙ્ગકીર્તે-
રઙ્ગસ્ય વ્યજનિ સુતઃ સ વેનનામા ।
યદ્દોષવ્યથિતમતિઃ સ રાજવર્ય-
સ્ત્વત્પાદે વિહિતમના વનં ગતોઽભૂત્ ॥

પાપોઽપિ ક્ષિતિતલપાલનાય વેનઃ
પૌરાદ્યૈરુપનિહિતઃ કઠિરવીર્યઃ ।
સર્વેભ્યો નિજબલમેવ સમ્પ્રશંસન્
ભૂચક્રે તવ યજનાન્યયં ન્યરૌત્સીત્ ॥

સમ્પ્રાપ્તે હિતકથનાય તાપસૌધે
મત્તોઽન્યો ભવનપતિર્ન કશ્ચનેતિ ।
ત્વન્નિન્દાવચનપરો મુનીશ્વરૈસ્તૈઃ
શાપાગ્નૌ શલભદશામનાયિ વેનઃ ॥

તન્નાશાત્ ખલજનભીરુકૈર્મુનીન્દ્રૈ-
સ્તન્માત્રા ચિરપરિરક્ષિતે તદઙ્ગે ।
ત્યક્તાઘે પરિમથિતાદથોરુદણ્ડાદ્
દોર્દણ્ડે પરિમથિતે ત્વમાવિરાસીઃ ॥

વિખ્યાતઃ પૃથુરિતિ તાપસોપદિષ્ટૈઃ
સૂતાદ્યૈઃ પરિણુતભાવિભૂરિવીર્યઃ ।
વેનાર્ત્યા કબલિતસમ્પદં ધરિત્રી-
માક્રાન્તાં નિજધનુષા સમામકાર્ષી ॥

ભૂયસ્તાં નિજકુલમુખ્યવત્સયુક્તૈર્
દેવાદ્યૈઃ સમુચિતચારુભાજનેસુ ।
અન્નાદીન્યભિલષિતાનિ યાનિ તાનિ
સ્વચ્છન્દં સુરભિતનૂમદૂદુહસ્ત્વમ્ ॥

આત્માનં યહતિ સખૈસ્ત્વયિ ત્રિધામ-
ન્નારબ્ધે શતતમવાજિમેધયાગે ।
સ્પર્ધાલુઃ શતમખ એત્ય નીચવેષો
હૃત્વાશ્વં તવ તનયાત્ પરાજિતોઽભૂત્ ॥

દેવેન્દ્રં મુહુરિતિ વાજિનં હરન્તં
વહ્નૌ તં મુનવરમણ્ડલે જુહૂષૌ ।
રુન્ધાને કમલભવે ક્રતોઃ સમાપ્તૌ
સાક્ષાત્ ત્વં મધુરિપુમૈક્ષથાઃ સ્વયં સ્વમ્ ॥

તદ્દતં વરમુપલભ્ય ભક્તિમેકાં
ગઙ્ગાન્તે વિહિતપદઃ કદાપિ દેવ! ।
સત્રસ્થં મુનિનિવહં હિતાનિ શંસ-
ન્નૈક્ષિષ્ઠાઃ સનકમુખાન્ મુનીન્ પુરસ્તાત્ ॥

વિજ્ઞાનં સનકમુખોદિતં દધાનઃ
સ્વાત્માનં સ્વયમગમો વનાન્તસેવી ।
તત્તાદૃક્પૃથુવપુરીશ! સત્વરં મે
રોગૌઘં પ્રશમય વાતગેહવાસિન્! ॥