નારાયણીય · અધ્યાય 10.73

મિશમય્ય તવાથ યાનવાર્તાં ભૃશમાર્તાઃ પશુપાલબાલિકાસ્તાઃ ।
કિમિદં કિમિદં કથં ન્વિતીમાઃ સમવેતાઃ પરિદેવિતાન્યકુર્વન્ ॥

કરુણાનિધિરેષુ નન્દસૂનુઃ કથમસ્માન્ વિસૃજેદનન્યનાથાઃ ।
બત નઃ કિમુ દૈવમેવમાસીદિતિ તાસ્ત્વદ્ગતમાનસા વિલેપુઃ ॥

ચરમપ્રહરે પ્રતિષ્ઠમાનઃ સહ પિત્રા નિજમિત્રમણ્ડલૈશ્ચ ।
પરિતાપભરં નિતમ્બિનીનાં શમયિષ્યન્ વ્યમુચઃ સખાયમેકમ્ ॥

અચિરાદુપયામિ સન્નિધિં વો ભવિતા સાધુ મયૈવ સઙ્ગમશ્રીઃ ।
અમૃતામ્બુનિધૌ નિમજ્જયિષ્યે દ્રુતમિત્યાશ્વસિતા વધૂરકાર્ષીઃ ॥

સવિષાદભરં સયાઞ્ચમુચ્ચૈરતિદૂરં વનિતાભિરીક્ષ્યમાણઃ ।
મૃદુ તદ્દિશિ પાતયન્નપાઙ્ગાન્ સબલોઽક્રૂરરથેન નિર્ગતોઽભૂઃ ॥

અનસા બહુલેન વલ્લવાનાં મનસા ચનુગતોઽથ વલ્લભાનામ્ ।
વનમાર્તભૃગં વિષણ્ણવૃક્ષં સમતીતો યમુનાતટીમયાસીઃ ॥

મિયમાય નિમજ્જ્ય વારિણિ ત્વમભિવીક્ષ્યાથ રથેઽપિ ગાન્દિનેયઃ ।
વિવશોઽજનિ કિન્ન્વિદં વિભોસ્તે નનુ ચિત્રં ત્વવલોકનં સમન્તાત્ ॥

પુનરેષ નિમજ્જ્ય પુણ્યશાલી પુરુષં ત્વાં પરમં ભુમઙ્ગભોગે ।
અરિકમ્બુગદામ્બુજૈઃ સ્ફુરન્તં સુરસિદ્ધોઘપરીતમાલુલોકે ॥

સ તદા પરમાત્મસૌખ્યસિન્ધૌ વિનિમગ્નઃ પ્રણુવન્ પ્રકારભેદૈઃ ।
અવિલોક્ય પુનશ્ચ હર્ષસિન્ધોરનુવૃત્ત્યા પુલકાવૃતો યયૌ ત્વામ્ ॥

કિમુ શીતલિમા મહાન્ જલે યત્ પુલકોઽસાવિતિ ચોદિતેન તેન ।
અતિહર્ષનિરુત્તરેણ સાર્ધં રથવાસી પવનેશ! પાહિ માં ત્વમ્ ॥