નારાયણીય · અધ્યાય 10.64

આલોક્ય શૈલોદ્ધરણાદિરૂપં પ્રભાવમુચ્ચૈસ્તવ ગોપલોકાઃ ।
વીશ્વેશ્વરં ત્વામભિમત્ય વિશ્વે નન્દઃ ભવજ્જાતકમન્વપૃચ્છન્ ॥

ગર્ગોદિતો નિર્ગદિતો નિજાય વર્ગાય તાતેન તવ પ્રભાવઃ ।
પૂર્વાધિક્સ્ત્વય્યનુરાગ એષામૈધિષ્ટ તાવદ્ બહુમાનભારઃ ॥

તતોઽવમાનોદિતતત્ત્વબોધઃ સુરાધિરાજઃ સહ દિવ્યગવ્યા ।
ઉપેત્ય તુષ્તાવ સ નષ્ટગર્વઃ સ્પૃષ્ટ્વા પદાબ્જં મણિમૌલિના તે ॥

સ્નેહસ્તુનૈસ્ત્વાં સુરભિઃ પયોભિર્ગોવિન્દનામાઙ્કિતમભ્યષિઞ્ચત્ ।
એરાવતોપાહૃતદિવ્યગઙ્ગાપાથોભિરિન્દ્રોઽપિ ચ જાતહર્ષઃ ॥

જગત્ત્રયેશે ત્વયિ ગોકુલેશતયાભિષિક્તે સતિ ગોપવાટઃ ।
નોકેઽપિ વૈકુણ્ઠપદેઽપ્યલભ્યાં શ્રિયં પ્રપેદે ભવતઃ પ્રભાવાત્ ॥

કદાચિદન્તર્યમુનં પ્રભાતે સ્નાયન્ પિતા વારુણપૂરુષેણ ।
નીતસ્તમાનેતુમગાઃ પુરીં ત્વં તાં વારુણીં કારણમર્ત્યરૂપઃ ॥

સસમ્ભ્રમં તેન જલાધિપેન પ્રપૂજિતસ્ત્વં પ્રતિગૃહ્ય તાતમ્ ।
ઉપાગતસ્તત્ક્ષણમાત્મગેહં પિતાવદત્ તચ્ચરિતં નિજેભ્યઃ ॥

હરિં વિનિશ્ચિત્ય ભવન્તમેતાન્ ભવત્પદાલોકનબદ્ધતૃષ્ણાન્ ।
નિરીક્ષ્ય વિષ્ણો! પરમં પદં તદ્ દુરાપમન્યૈસ્ત્વમદીદૃશસ્તાન્ ॥

સ્ફુરત્પરાનન્દરસપ્રવાહપ્રપૂર્ણકૈવલ્યમહાપયોધૌ ।
ચિરં નિમગ્નાઃ ખલુ ગોપસઙ્ઘાસ્ત્વયૈવ ભૂમન્! પુનરુદ્ધૃતાસ્તે ॥

કરબદરવદેવં દેવ! કુત્રાવતારે
નિજપદમનવાપ્યં દર્શિતં ભક્તિભાજામ્ ।
તદિહ પશુપરૂપી ત્વં હિ સાક્ષાત્ પરાત્મન્!
પવનપુરનિવાસિન્! પાહિ મામામયેભ્યઃ ॥