નારાયણીય · અધ્યાય 10.63

દદૃશિરે કિલ તત્ક્ષણમક્ષતસ્તનિતજૃમ્ભિતકમ્પિતદિક્તટાઃ ।
સુષમયા ભવદઙ્ગતુલાં ગતા વ્રજપદોપરિ વારિધરાસ્ત્વયા ॥

વિપુલકરકમિશ્ચૈસ્તોયધારાનિપાતૈર્-
દિશિ દિશિ પશુપાનાં મણ્ડલે દણ્ડ્યમાને ।
કુપિતહરિકૃતાન્નઃ પાહિ પાહીતિ તેષાં
વચનમજિત! શૃણ્વન્ મા બિભીતેત્યભાણીઃ ॥

કુલ ઇહ ખલુ ગોત્રો દૈવતં ગોત્રશત્રોર્-
વિહતિમિહ સ રુન્ધ્યત્ કો નુઃ વઃ સંશઅયોઽસ્મિન્ ।
ઇતિ સહસિતવાદી દેવ! ગોવર્ધનાદ્રિં
ત્વરિતમુદમુમૂલો મૂલતો બાલ! દોર્ભ્યામ્ ॥

તદનુ ગિરિવરસ્ય પ્રોદ્ધૃતસ્યાસ્ય તાવત્
સિકતિલમૃદુદેશે દૂરતો વારિતાપે ।
પરિકરપરિમિશ્રાન્ ધેનુગોપાનધસ્તા-
દુપનિદધદધત્થા હસ્તપદ્મેન શૈલમ્ ॥

ભવતિ વિધૃતશૈલે બાલિકાભિર્વયસ્યૈર્-
અપિ વિહિતવિલાસં કેલિલાપાદિલોલે ।
સવિધમિલિતધેનૂરેકહસ્તેન કણ્દૂ-
યતિ સતિ પશુપાલાસ્તોષમૈષન્ત સર્વે ॥

અતિમહાન્ ગિરિરેષુ તુ વામકે કરસરોરુહિ તં ધરતે ચિરમ્ ।
કિમિદમદ્ભુતમદ્રિબલં ન્વિતિ ત્વદવલોકિભિરાકથિ ગોપકૈઃ ॥

અહહ ધાર્ષ્ટ્યમમુષ્ય વટોર્ગિરિં વ્યથિતબાહુરસાવવરોપયેત્ ।
ઇતિ હરિસ્ત્વયિ બદ્ધવિગર્હણો દિવસસઃતકમુગ્રમવર્ષયત્ ॥

અચલતિ ત્વયિ દેવ! પદાત્ પદં ગલિતસર્વજલે ચ ઘનોત્કરે ।
અપહૃતે મરુતા મરુતાં પતિસ્ત્વદભિશઙ્કિતધીઃ સમુપાદ્રવત્ ॥

શમમુપેયુષિ વર્ષભરે તદા પશુપધેનુકુલે ચ વિનિર્ગતે ।
ભુવિ વિભો! સમુપાહિતભૂધરઃ પ્રમુદિતૈઃ પશુપૈઃ પરિરેભિષે ॥

ધરણિમેવ પુરા ધૃતવાનસિ ક્ષિતિધરોદ્ધરણે તવ કઃ શ્રમઃ ।
ઇતિ નુતસ્ત્રિદશૈઃ કુમલાપતે! ગુરુપુરાલય! પાલય માં ગદાત્ ॥