નારાયણીય · અધ્યાય 12.329

અગ્નીષોમૌ કથં પૂર્વમ્ એકયોની પ્રવર્તિતૌ
એષ મે સંશયો જાતસ્ તં છિન્ધિ મધુસૂદન ॥

હન્ત તે વર્તયિષ્યામિ પુરાણં પાણ્ડુનન્દન
આત્મતેજોઉદ્ભવં પાર્થ શૃણુષ્વૈકમના મમ ॥

વિશ્વં બ્રહ્માસૃજત્ પૂર્વં સર્વાદિર્ નિરવસ્કરમ્
બ્રહ્મઘોષૈર્ દિવં તિષ્ઠન્ત્ય્ અમરા બ્રહ્મયોનયઃ ॥

બ્રાહ્મણાનાં મતિર્ વાક્યં કર્મ શ્રદ્ધા તપાંસિ ચ
ધારયન્તિ મહીં દ્યાં ચ શૈત્યાદ્ વાર્ય્ અમૃતં યથા ॥

નાસ્તિ સત્યાત્ પરો ધર્મો નાસ્તિ માતૃસમો ગુરુઃ
બ્રાહ્મણેભ્યઃ પરં નાસ્તિ પ્રેત્ય ચેહ ચ ભૂતયે ॥

નૈષામ્ ઉક્ષા વર્ધતે નોત વાહા
ન ગર્ગરો મથ્યતે સંપ્રદાને
અપધ્વસ્તા દસ્યુભૂતા ભવન્તિ
યેષાં રાષ્ટ્રે બ્રાહ્મણા વૃત્તિહીનાઃ