નરસિંહપુરાણ · અધ્યાય 18

ઇતિ શ્રુત્વા કથાઃ પુણ્યાઃ સર્વપાપપ્રણાશિનીઃ
નાનાવિધા મુનિશ્રેષ્ઠાઃ કૃષ્ણદ્વૈપાયનાત્ પુનઃ ॥

શુકઃ પૂર્વં મહાભાગો ભરદ્વાજો મહામતે
સિદ્ધૈર્ અન્યૈશ્ ચ સહિતો નારાયણપરો ઽભવત્ ॥

એવં તે કથિતા વિપ્ર માર્કણ્ડેયાદિકાઃ કથાઃ
મયા વિચિત્રાઃ પાપઘ્ન્યઃ કિં ભૂયઃ શ્રોતુમ્ ઇચ્છસિ ॥

વસ્વાદીનાં તથા પ્રોક્તા મમ સૃષ્ટિસ્ ત્વયા પુરા
અશ્વિનોર્ મરુતાં ચૈવ નોક્તોત્પત્તિસ્ તુ તાં વદ ॥

મરુતાં વિસ્તરેણોક્તા વૈષ્ણવાખ્યે મહામતે
પુરાણે શક્તિપુત્રેણ પુરોત્પતિશ્ ચ વાયુના ॥

અશ્વિનોર્ દેવયોશ્ ચૈવ સૃષ્ટિર્ ઉક્તા સુવિસ્તરાત્
સંક્ષેપાત્ તવ વક્ષ્યામિ સૃષ્ટિમ્ એતાં શૃણુષ્વ મે ॥

ઃદક્ષકન્યાદિતિઃ ।
ઃઅદિતેર્ આદિત્યઃ પુત્રઃ ।
ઃતસ્મૈ ત્વષ્ટા દુહિતરં સંજ્ઞાં નામ કન્યાં દત્તવાન્ ॥

એવં વઃ કથિતા વિપ્રા અશ્વિનૌત્પત્તિર્ ઉત્તમા
પુણ્યા પવિત્રા પાપઘ્ની ભરદ્વાજ મહામતે ॥

આદિત્યપુત્રૌ ભિષજૌ સુરાણાં દિવ્યેન રૂપેણ વિરાજમાનૌ
શ્રુત્વા તયોર્ જન્મ નરઃ પૃથિવ્યાં ભવેત્ સુરૂપો દિવિ મોદતે ચ ॥