નારદસ્મૃતિ · અધ્યાય v17

અક્ષવર્ધ્રશલાકાદ્યૈર્ દેવનં જિહ્મકારિતમ્ ।
પણક્રીડા વયોભિશ્ ચ પદં દ્યૂતસમાહ્વયમ્ ॥

સભિકઃ કારયેદ્ દ્યૂતં દેયં દદ્યાચ્ ચ તત્કૃતમ્ ।
દશકં તુ શતં વૃદ્ધિસ્ તસ્ય સ્યાદ્ દ્યૂતકારિતા ॥

દ્વિરભ્યસ્તાઃ પતન્ત્ય્ અક્ષા ગ્લહે યસ્યાક્ષદેવિનઃ ।
જયં તસ્યાપરસ્યાહુઃ કિતવસ્ય પરાજયમ્ ॥

કિતવેષ્વ્ એવ તિષ્ઠેયુઃ કિતવાઃ સંશયં પ્રતિ ।
ત એવ તસ્ય દ્રષ્ટારઃ સ્યુસ્ ત એવ ચ સાક્ષિણઃ ॥

અશુદ્ધઃ કિતવો નાન્યદ્ આશ્રયેદ્ દ્યૂતમણ્ડલમ્ ।
પ્રતિહન્યાન્ ન સભિકં દાપયેત્ તત્ સ્વમ્ ઇષ્ટતઃ ॥

કૂટાક્ષદેવિનઃ પાપાન્ નિર્ભજેદ્ દ્યૂતમણ્ડલાત્ ।
કણ્ઠે ઽક્ષમાલામ્ આસજ્ય સ હ્ય્ એષાં વિનયઃ સ્મૃતઃ ॥