નારદ પુરાણ · અધ્યાય 2.8

ઇતિ શ્રીબૃહન્નારદીયપુરાણોત્તરભાગે મોહિનીં પ્રતિ બ્રહ્મવાક્યં નામ સપ્તમો ઽધ્યાયઃ
સૌતિરુવાચ
સાસ શ્રુત્વા બ્રહ્મણો વાક્યં નારી કમલલોચના ।
ઉવાચ નામ મેદેહિ યેન ગચ્છામિ મન્દિરમ્

પિત્રા નામ પ્રકર્તવ્યમપત્યાનાં જગત્પતે ।
નામ પાપહરં પ્રોક્તં તત્કુરુષ્વ કુશધ્વજ

બ્રહ્મોવાચ
યસ્માદિદં જગત્સર્વં ત્વયા સુંદરિ મોહિતમ્ ।
મોહિની નામ તે દેવિ સગુણં હિ ભવિષ્યતિ

દશાવસ્થાગતઃ સમ્યગ્ દર્શનાત્તે ભવિષ્યતિ ।
યદિ પ્રાપ્નોતિ વૈ સુભ્રુ ત્વત્સંપર્કં સુખાવહમ્

એવમુક્તા વરારોહા પ્રણમ્ય કમલાસનમ્ ।
વીક્ષ્યમાણામરૈર્માર્ગે પ્રતસ્થે મન્દરાચલમ્

તૃતીયેન મુહૂર્તેન સંપ્રાપ્તા ગિરિમસ્તકમ્ ।
યસ્ય સંવેષ્ટને નાગો વાસુકિર્નહિ પૂર્યતે

યો ધૃતો હરિણા પૂર્વં મથિતો દેવદાનવૈઃ ।
ષડ્લક્ષયોજનઃ સિંધુર્યસ્યાસૌ ગહ્વરો ભવેત્

કૂર્મદેહેન સંપૃક્તો યો ન ભિન્નો ગિરિર્મહાન્ ।
પતતા યેન રાજેન્દ્ર સિંધોર્ગુહ્યં પ્રદર્શિતમ્

ગતં બ્રહ્માણ્ડમાર્ગેણ પયો યસ્માદ્ગિરેર્દ્વિજાઃ ।
કૂર્માસ્થિઘર્ષતા યેન પાવકો જનિતો મહાન્

યસ્મિન્સ વસતે દેવઃ સહ ભૂતૈર્દિગંબરઃ ।
ન દેવૈર્દાનવૈર્વાપિ દૃષ્ટો યો હિ દ્વિજોત્તમાઃ

દશવર્ષસહસ્રાખ્યે કાલે મહતિ ગચ્છતિ ।
કેયૂરઘર્ષણે યેન કૃતં દેવસ્ય ચક્રિણઃ

રત્નાનાં મન્દિરં હ્યેષ બહુધાતુસમન્વિતઃ

ક્રીડાવિહારો ઽપિ દિવૌકસાં યસ્તપસ્વિના યસ્તપસો ઽપિ હેતુઃ ।
સુરાઙ્ગનાનાં રતિવર્દ્ધનો યો રત્નૌષધીનાં પ્રભવો ગિરિર્મહાન્

દશૈકસાહસ્રમિતશ્ચ મૂલે તત્સંખ્યયા વિસ્તરતાં ગતો ઽસૌ ।
દૈર્ઘ્યેણ તાવન્તિ હિ યોજનાનિ ત્રૈલોક્યયષ્ટીવ સમુચ્છ્રિતો ઽસૌ

સકાઞ્ચનૈ રત્નમયૈશ્ચ શૃઙ્ગૈઃ પ્રકાશયન્ભૂમિતલં વિયચ્ચ ।
યસ્મિન્ગતઃ કશ્ય પનન્દનો વૈ વિરશ્મિતામેતિ વિનષ્ટતેજાઃ

કાઞ્ચનાકારભૂતાઙ્ગં સપ્રાપ્તા કાઞ્ચનપ્રભા ।
સૂર્યતેજોનિહન્તારં મન્દરં તેજસા સ્વયમ્

કુર્વતી નૃપકામાર્થમુપવિષ્ટા શિલાતલે ।
નીલકાન્તિમયે દિવ્યે સપ્તયોજનવિરતૃતે

તસ્યાં શિલાયાં રાજેન્દ્ર લિગં તિષ્ઠતિ કૌલિશમ્ ।
દશહસ્ત પ્રમાણં હિ વિસ્તરાદૂર્દ્ધ્વસંખ્યયા

વૃષલિઙ્ગેતિ વિખ્યાતં પ્રાસાદાભ્રસમં પરમ્ ।
તસ્મિન્બાલા દ્વિજશ્રેષ્ઠાશ્ચક્રે સંગીતમુત્તમમ્

તન્ત્રીતા લસમાયુક્તં ક્લમહાનિકરં પરમ્ ।
સમીપવર્તિની તસ્ય ભૂત્વા લિઙ્ગસ્ય ભામિની

મૂર્ચ્છનાતાલસહિતં ગાન્ધારધ્વનિસંયુતમ્ ।
તસ્મિન્પ્રવૃત્તે રાજેન્દ્રગીતે મન્મથવર્દ્ધને

બભૂવ સ્થાવરાણાં હિ સ્પૃહા તસ્મિન્મુનીશ્વરાઃ ।
ન ચ દૈવં ન ચાદૈવં ગીતં તાદૃગ્બભૂવ હ

મોહિનીમુખનિર્ગીતં ગીતં સત્વવિમોહનમ્

શ્રુત્વૈવ ગીતં હિ દિગમ્બરસ્તુ તેનૈવ રૂપેણ વરાઙ્ગનાયાઃ ।
કામાતુરો ભોક્તુમનાશ્ચચાલ તાં મોહિનીં પાર્વતિદૃષ્ટિલજ્જઃ