નારદ પુરાણ · અધ્યાય 2.34

ઇતિ શ્રીબૃહન્નારદીયપુરાણોત્તરભાગે મોહિનીચરિતે ધર્માઙ્ગદોક્તિર્નામ ત્રયસ્ત્રિંશો ઽધ્યાયઃ
વસિષ્ઠ ઉવાચ
તત્પુત્રવચનં શ્રુત્વા રાજા રુક્માઙ્ગદસ્તદા ।
સંધ્યાવલીમુખં પ્રેક્ષ્ય પ્રહૃષ્ટકમલોપમમ્

મોહિનીવચનં શૃણ્વન્ભુઙ્ક્ષ્વ મા હન દેહજમ્ ।
મા ભુઙ્ક્ષ્વ તનયં હિંસ ચેત્યાગ્રહસમન્વિતમ્

એતસ્મિન્નેવ કાલે તુ ભગવાન્કમલેક્ષણઃ ।
અન્તર્દ્ધાનગતસ્તસ્થૌ વ્યોમ્નિ ધૈર્યાવલોકકઃ

ત્રયાણાં નૃપશાર્દૂલ મેઘશ્યામો નિરઞ્જનઃ ।
ધર્માઙ્ગદસ્ય વીરસ્ય તસ્ય રુક્માઙ્ગદસ્ય તુ

સંધ્યાવલ્યા સમેતસ્ય વીશસંસ્થો જનાર્દનઃ ।
વચને ભુઙ્ક્ષ્વ ભુઙ્ક્ષ્વેતિ મોહિન્યા વ્યાહૃતે તદા

જગ્રાહ વિમલં ખઙ્ગં હન્તું ધર્માઙ્ગદં સુતમ્ ।
સુપ્રહર્ષેણ મનસા પ્રણમ્ય ગરુડધ્વજમ્ ।
તં દૃષ્ટ્વા ખઙ્ગહસ્તં તુ પિતરં ધર્મ્મંભૂષણઃ

પ્રણમ્ય માતાપિતરૌ દેવં ચક્રધરં તથા ।
વદનં પ્રેક્ષ્ય ચાદીનં જનન્યા નૃપપુઙ્ગવઃ

વૃષાઙ્ગદેન તુ તદા સ્વગ્રીવોર્વીતલે કૃતા ।
કંબુગ્રીવાં સમાનાં તુ સુવર્ણા સુકોમલામ્

બહુરેખમથ સ્થૂલાં ખઙ્ગમાર્ગે જ્યદર્શયત્ ।
પિતૃભક્ત્યા યુતેનૈવ માતૃભક્ત્યાધિકેન વૈ

ગ્રીવાપ્રદાને તનયસ્ય ભૂપ હર્ષાકુલે ચારુસુધાંશુવક્ત્રે ।
ગૃહીતખઙ્ગે જગદીશનાથે ચચાલ પૃથ્વીં સનગા સમગ્રા

સિંધુઃ પ્રવૃદ્ધશ્ચ બભૂવ સદ્યો નિમજ્જ નાર્થં ભુવનત્રયસ્ય ।
નિપેતુરુલ્કાઃ શતશો ધરાયાં નિર્ઘાતયુક્તાઃ સતડિત્ખમધ્યાત્

વિવર્ણરૂપા ચ બભૂવ મોહિની ન દેવકાર્યં હિ કૃતં મયેતિ ।
નિરર્થકં જન્મ મમાધુનાભૂત્કૃતં તુ દૈવેન દજગદ્વિધાયિના

વિમોહનં રૂપમિદં વિડંબનં યદ્ભૂમિપાલેન ન ભુક્તમન્નમ્ ।
હરેર્દિને પાપભયાપહે તુ તૃણૈઃ સમાહં ભવિતા ત્રિવિષ્ટપે

સત્વાધિકો યાસ્યતિ મોક્ષમાર્ગં ગન્તાસ્મિ પાપ નરકં સુદારુણમ્

સમુદ્યતે તદા ખઙ્ગે નૃપેણ નૃપપુઙ્ગવ ।
મોહિની મોહસંયુક્તા પપાત ધરણીતલે

રાજાપિ તેન ખઙ્ગેન ભ્રાજમાનઃ સમુદ્યતઃ ।
ગ્રીવાયાશ્છેદનાર્થાય વૃષાઙ્ગદસુતસ્ય તુ

સકુણ્ડલં ચારુ શશિપ્રકાશં ભ્રાજિષ્ણુ વક્ત્રં તનયસ્ય ભૂપઃ ।
પ્રચિચ્છિદે યાવદતીવ હર્ષાદ્ધૈર્યાન્વિતો રુક્મવિભૂષણો ઽસૌ

તાવદ્ગૃહીતઃ સ્વકરેણ ભૂપઃ ક્ષીરાબ્ધિકન્યાપતિના મહીપઃ ।
તુષ્ટો ઽસ્મિ તુષ્ટો ઽસ્મિ ન સંશયો ઽત્ર ગચ્છસ્વ લોકં મમ લોકનાથ

પ્રિયાન્વિતશ્ચાત્મજસંયુતશ્ચ કીર્તિં સમાધાય મહીતલે તુ ।
ત્રૈલોક્યપૂજ્યાં વિમલાં ચ શુક્લાં કૃત્વા પદં મૂર્ધ્નિ યમસ્ય ભૂપ

પ્રયાહિ વાસં મમ દેહસંજ્ઞં સ ચક્રિણો ભૂમિપતિઃ કરેણ ।
સંસ્પૃષ્ટમાત્રો વિરજા બભૂવ પ્રિયાસમેતસ્તનયેન યુક્તઃ

ઉપેત્ય વેગેન જગામ દેહં દેવસ્ય દિવ્યં સ નૃપો મહાત્મા ।
વિહાય લક્ષ્મીમવનીપ્રસૂતાં વિહાય દાસીઃસુધનં સ કોશમ્

વિહાય નાગાંસ્તુરગાન્રથાંશ્ચ સ્વદારવર્ગં સ્વજનાદિકાંશ્ચ ।
જગામ દેહં મધુસૂદનસ્ય તતોંઽબરાત્પુષ્પચયઃ પપાત

સંહૃષ્ટસિદ્ધૈઃ સુરલોકપાલૈઃ સંતાડિતા દુન્દુભયો વિનેદુઃ ।
રાજન્ જગુર્ગીતમતીવ રમ્યં દેવાઙ્ગનાઃ સંનનૃતુર્મુદાન્વિતાઃ

ગન્ધર્વકન્યા નૃપકર્મતુષ્ટાસ્તદદ્ભુતં પ્રેક્ષ્ય દિનેશસૂનુઃ ।
હરેસ્તનૌ ભૂમિપતિં પ્રવિષ્ટં સદારપુત્રં સ્વલિપિં પ્રમાર્જ્ય

લોકાંશ્ચ સર્વાન્નૃપદિષ્ટમાર્ગે કૃત્વા કૃતજ્ઞાન્હરિલોકમાર્ગાન્ ।
ભીતઃ પુનઃ પ્રાપ્ય પિતામહાન્તિકં પ્રોવાચ દેવં ચતુરાનનં રુદન્

નાહં નિયોગી ભવિતા હિ દેવ આજ્ઞાવિહીનઃ સુરલોકનાથ ।
વિધેહિ ચાન્યત્પ્રકરોમિ તાત નિદેશનં માસ્તુ મદીય દણ્ડમ્