નારદ પુરાણ · અધ્યાય 1.96

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને ચતુર્થપાદે વાયુપુરાણાનુક્રમણીનિરૂપણં નામ પઞ્ચનવતિતમો ઽધ્યાયઃ
બ્રહ્મોવાચ
મરીચે શૃણુ વક્ષ્યામિ વેદવ્યાસેન યત્કૃતમ્ ।
શ્રીમદ્ભાગવતં નામ પુરાણં બ્રહ્મસંમિતમ્

તદષ્ટાદશસાહસ્રં કીર્તિતં પાપનાશનમ્ ।
સુરપાદપરૂપો ઽયં સ્કન્ધૈર્દ્વાદશભિર્યુતઃ

ભગવાનેવ વિપ્રેન્દ્ર વિશ્વરૂપીસમીરિતઃ ।
તત્ર તુ પ્રથમસ્કન્ધે સૂતર્ષીણાં સમાગમે

વ્યાસસ્ય ચરિતં પુણ્યં પાણ્ડવાનાં તથૈવ ચ ।
પરીક્ષિતમુપાખ્યાનમિતીદં સમુદાહૃતમ્

પરીક્ષિચ્છુકસંવાદે સૃષ્ટિદ્વયનિરૂપણમ્ ।
બ્રહ્મનારદસંવાદે દેવતાચરિતામૃતમ્

પુરાણલક્ષણં ચૈવ સૃષ્ટિકારણસંભવઃ ।
દ્વિતીયો ઽયં સમુદિતઃ સ્કન્ધો વ્યાસેન ધીમતા

ચરિતં વિદુરસ્યાથ મૈત્રેયેણાસ્ય સંગમઃ ।
સૃષ્ટિપ્રકરણં પશ્ચાદ્બહ્મણઃ પરમાત્મનઃ

કાપિલં સાંખ્યમપ્યત્ર તૃતીયો ઽયમુદાહૃતઃ ।
સત્યાશ્ચરિતમાદૌ તુ ધ્રુવસ્ય ચરિતં તતઃ

પૃથોઃ પુણ્યસમાખ્યાનં તતઃ પ્રાચીનબર્હિષમ્ ।
ઇત્યેષ તુર્યો ગદિતો વિસર્ગે સ્કન્ધ ઉત્તમઃ

પ્રિયવ્રતસ્ય ચરિતં તદ્વંશ્યાનાં ચ પુણ્યદમ્ ।
બ્રહ્માણ્ડાન્તર્ગતાનાં ચ લોકાનાં વર્ણનં તતઃ

નરકસ્થિતિરિત્યેષ સંસ્થાને પઞ્ચમો મતઃ ।
અજામિલસ્ય ચરિતં દક્ષસૃષ્ટિનિરૂપણમ્

વૃત્રાખ્યાનં તતઃ પશ્ચાન્મરુતાં જન્મ પુણ્યદમ્ ।
ષષ્ઠો ઽયમુદિતઃ સ્કન્ધોવ્યાસેન પરિપોષણે

પ્રહ્લાદચરિતં પુણ્યં વર્ણાશ્રમનિરૂપણમ્ ।
સપ્તમો ગદિતો વત્સ વાસનાકર્મકીર્તને

ગજેન્દ્રમોક્ષણાખ્યાનં મન્વન્તરનિરૂપણે ।
સમુદ્રમથનં ચૈવ બલિવૈભવબન્ધનમ્

મત્સ્યાક્તારચરિતમષ્ટમો ઽયં પ્રકીર્તિતઃ ।
સૂર્યવંશસમાખ્યાનં સોમવંશનિરૂપણમ્

વંશ્યાનુચરિતે પ્રોક્તો નવમો ઽયં મહામતે ।
કૃષ્ણસ્ય બાલચરિતં કૌમારં ચ વ્રજસ્થિતિઃ

કૈશોરં મથુરાસ્થાનં યૌવનં દ્વારકાસ્થિતિઃ ।
ભૂભારહરણં ચાત્ર નિરોધે દશમઃ સ્મૃતઃ

નારદેન તુ સંવાદો વસુદેવસ્ય કીર્તિતઃ ।
યદોશ્ચ દત્તાત્રેયેણ શ્રીકૃષ્ણોનોદ્ધવસ્ય ચ

યાદવાનાં મિથોન્તશ્ચ મુક્તાવેકાદશઃ સ્મૃતઃ ।
ભવિષ્યકલિનિર્દ્દેશો મોક્ષો રાજ્ઞઃ પરીક્ષિતઃ

વેદશાખાપ્રણયનં માર્કણ્ડેયતપઃક્રિયા ।
સૌરી વિભૂતિરુદિતા સાત્વતી ચ તતઃ પરમ્

પુરાણસંખ્યાકથનમાશ્રયે દ્વાદશો હ્યયમ્ ।
ઇત્યેવં કથિતં વત્સ શ્રીમદ્ભાગવતં તવ

વક્તુઃ શ્રોતુશ્ચોપદેષ્ટુરનુમોદિતુરેવ ચ ।
સાહાય્યકર્તુર્ગદિતં ભક્તિભુક્તિવિમુક્તિદમ્

પ્રૌષ્ઠપદ્યાં પૂર્ણિમાયાં હેમસિંહસમન્વિતમ્ ।
દેયં ભાગવતાયેદં દ્વિજાયપ્રીતિપૂર્વકમ્

સંપૂજ્ય વસ્ત્રહેમાદ્યૈર્ભગવદ્ભક્તિમિચ્છતા ।
યો ઽપ્યનુક્રમણીમેતાં શ્રાવયેચ્છૃણુયાત્તથા ।
સ પુરાણશ્રવણજં પ્રાપ્નોતિ ફલમુત્તમમ્