નારદ પુરાણ · અધ્યાય 1.94

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને ચતુર્થપાદે પદ્મપુરાણાનુક્રમણિકાવર્ણનં નામ ત્રિનવતિતમો ઽધ્યાયઃ
શ્રીબ્રહ્મોવાચ
શૃણુ વત્સ પ્રવક્ષ્યામિ પુરાણં વૈષ્ણવં મહત્ ।
ત્રયોવિંશતિસહસ્રં સર્વપાતકનાશનમ્

યત્રાદિભાગે નિર્વિષ્ટાઃ ષડંશાઃ શક્તિજેન હ ।
મૈત્રેયાયાદિમે તત્ર પુરાણસ્યાવતારિકામ્

આદિકારણસર્ગશ્ચ દેવાદીનાં ચ સંભવઃ ।
સમુદ્રમથનાખ્યાનં દક્ષાદીનાં તતો ઽન્વયઃ

ધ્રુવસ્ય ચરિતં ચૈવ પૃથોશ્ચરિતમેવ ચ ।
પ્રચેતસં તથાખ્યાનં પ્રહ્લાદસ્ય કથાનકમ્

પૃથગ્રાજ્યાધિકારાખ્યા પ્રથમોંઽશૈતીરિતઃ ।
પ્રિયવ્રતાન્વયાખ્યાખ્યાનં દ્વીપવર્ષનિરૂપણમ્

પાતાલનરકાખ્યાનં સપ્તસ્વર્ગનિરૂપણમ્ ।
સૂર્યાદિવારકથનં પૃથગ્લક્ષણસંયુતમ્

ચરિતં ભરતસ્યાથ મુક્તિમાર્ગનિદર્શનમ્ ।
નિદાઘઋભુસંવાદો દ્વિતીયોંશ ઉદાહૃતઃ

મન્વન્તરસમાખ્યાનં વેદવ્યાસાવતારકમ્ ।
નરકોદ્ધારકં કર્મ ગદિતં ચ તતઃ પરમ્

સગરસ્યૌર્વસંવાદે સર્વધર્મનિરૂપણમ્ ।
શ્રાદ્ધકલ્પં તથોદ્દિષ્ટં વર્ણાશ્રમનિબન્ધનમ્

સદાચારશ્ચ કથિતો માયામોહકથા તતઃ ।
તૃતીયોંઽશો ઽયમુદિતઃ સર્વપાપપ્રણાશનઃ

સૂર્યવંશકથ પુણ્યા સોમવંશાનુકીર્તનમ્ ।
ચતુર્થેંઽશેમુનિશ્રેષ્ઠ નાનારાજકથાન્વિતમ્

કૃષ્ણાવતારસંપ્રશ્નો ગોકુલીયા કથા તતઃ ।
પૂતનાદિવધો બાલ્યે કૌમારે ઽઘાદિહિંસનમ્

કૈશોરે કંસહનનં માથુરં ચરિતં તથા ।
તતસ્તુ યૌવને પ્રોક્તા લીલા દ્વારવતીભવા

સર્વદૈત્યવધો યત્ર વિવાહાશ્ચ પૃથગ્વિધાઃ ।
યત્ર સ્થિત્વાજગન્નાથઃ કૃષ્ણો યોગેશ્વરેશ્વરઃ

ભૂભારહરણં ચક્રે પરેષાં હનનાદિભિઃ ।
અષ્ટાવક્રીયમાખ્યાનં પઞ્ચમોંઽશ ઇતીરિતઃ

કલિજં ચરિતં પ્રોક્તં ચાતુર્વિધ્યં લયસ્ય ચ ।
બ્રહ્મજ્ઞાનસમુદ્દેશઃ ખાણ્ડિક્યસ્ય નિરૂપિતઃ

કેશિધ્વજેન ચેત્યેષ ષષ્ઠાએંઽશઃ પરિકીર્તિતઃ ।
અતઃ પરં તુ સૂતેન શૌનકાદિભિરાદરાત્

પૃષ્ટેન ચોદિતાઃ શશ્વદ્વિષ્ણુધર્મોત્તરાહ્વયાઃ ।
નાનાધર્મકથાઃ પુણ્યા વ્રતાનિ નિયમા યમાઃ

ધર્મશાસ્ત્રં ચાર્થશાસ્ત્રં વેદાન્તં જ્યોતિષં તથા ।
વંશાખ્યાનં પ્રકરણાત્ સ્તોત્રાણિ મનવસ્તથા

નાનાવિદ્યાસ્તથા પ્રોક્તાઃ સર્વલોકોપકારિકાઃ ।
એતદ્વિષ્ણુપુરાણં વૈ સર્વશાસ્ત્રાર્થસંગ્રહમ્

વારાહકલ્પવૃત્તાન્તં વ્યાસેન કથિતં ત્વિહ ।
યો નરઃ પઠતે ભક્ત્યા યઃ શૃણોતિ ચ સાદરમ્

તાવુભૌ વિષ્ણુલોકં હિ વ્રજેતાં ભુક્તભોગકૌ ।
તલ્લિખિત્વા ચ યો દદ્યાદાષાઢ્યાં ઘૃતધેનુના

સહિતં વિણુભક્તાય પુરાણાર્થવિદેદ્વિજ ।
સ યાતિ વૈષ્ણવં ધામ વિમાનેનાર્કવર્ચસા

યશ્ચ વિષ્ણુપુરાણસ્ય સમનુક્રમણીં દ્વિજ ।
કથયેચ્છૃણુયાદ્વાપિ સ પુરાણફલં લભેત્