નારદ પુરાણ · અધ્યાય 1.93

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને ચતુર્થપાદે બ્રાહ્મપુરાણેતિહાસકથનં નામ દ્વિનવતિતમો ઽધ્યાયઃ
બ્રહ્મોવાચ
શૃણુ પુત્ર પ્રવક્ષ્યામિ પુરાણં પદ્મસંજ્ઞકમ્ ।
મહત્પુણ્યપ્રદં નૄણાં શૃણ્વતાં પઠતાં મુદા

યથા ચઞ્ચેન્દ્રિયઃ સર્વઃ શરીરીતિ નિગદ્યતે ।
તથેદં પઞ્ચભિઃ ખણ્ડૈરુદિતં પાપનાશનમ્

પુલસ્ત્યેન તુ ભીષ્માય સૃષ્ટ્યાદિક્રમતો દ્વિજ ।
નાનાખ્યાનેતિહાસાદ્યૈર્યત્રોક્તો ધર્મવિસ્તરઃ

પુષ્કરસ્ય ચ માહાત્મ્યં વિસ્તરેણ પ્રકીર્તિતમ્ ।
બ્રહ્મયજ્ઞવિધાનં ચ વેદપાઠાદિલક્ષણમ્

દાનાનાં કીર્તનં યત્ર વ્રતાનાં ચ પૃથક્પૃથક્ ।
વિવાહઃ શૈલજાયાશ્ચતારકાખ્યાનકં મહત્

માહાત્મ્યં ચ ગવાદીનાં કીર્તિતં સર્વપુણ્યદમ્ ।
કાલકેયાદિદૈત્યાનાં વધો યત્ર પૃથક્પૃથક્

ગ્રહાણામર્ચનં દાનં યત્ર પ્રોક્તં દ્વિજોત્તમ ।
તત્સૃષ્ટિખણ્ડમુદ્દિષ્ટં વ્યાસેન સુમહાત્મના

પિતૃમાત્રાદિપૂજ્યત્વે શિવશર્મકથા પુરા ।
સુવ્રતસ્ય કથા પશ્ચાદ્વૃત્રસ્ય ચ વધસ્તથા

પૃથોર્વૈનસ્ય ચાખ્યાનં સુનૂથાયાઃ કથા તથા ।
સુકલાખ્યાનકં ચૈવ ધર્માખ્યાનં તતઃ પરમ્

પિતૃશુશ્રૂષણાખ્યાનં નહુષસ્ય કથા તતઃ ।
યયાતિચરિતં ચૈવ ગુરુતીર્થનિરૂપણમ્

રાજ્ઞા જૈમિનિસંવાદો બહ્વાશ્ચર્ય્યકથાયુતઃ ।
કથા હ્યશોકસુંદર્યાહુણ્ડદૈત્યવધાન્વિતા

કામોદાખ્યાનકં તત્ર વિહુણ્ડવધસંયુતમ્ ।
કુઞ્જલસ્ય ચ સંવાદશ્ચ્યવનેન મહાત્મના

સિદ્ધાખ્યાનં તતઃ પ્રોક્તં ખણ્ડસ્યાસ્ય ફલોહનમ્ ।
સૂતશૌનકસંવાદં ભૂમિખણ્ડમિદં સ્મૃતમ્

બ્રહ્માણ્ડોત્પત્તિરુદિતા યત્રર્ષિભિશ્ચ સૌતિના ।
સભૂમિલોકસંસ્થાનં તીર્થાખ્યાનં તતઃ પરમ્

નર્મદોત્પત્તિકથનં તત્તીર્થાનાં કથાઃ પૃથક્ ।
કુરુક્ષેત્રાદિતીર્થાનાં કથા પુણ્યા પ્રકીર્તિતા

કાલિન્દીપુણ્યકથનં કાશીમાહાત્મ્યવર્ણનમ્ ।
ગયાયાશ્ચૈવ માહાત્મ્યં પ્રયાગસ્ય ચ પુણ્યકમ્

વર્ણાશ્રમાનુરોધેન કર્મયોગનિરૂપણમ્ ।
વ્યાસજમિનિસંવાદઃ પુણ્યકર્મકથાન્વિતઃ

સમુદ્રમથનાખ્યાનં વ્રતાખ્યાનં તતઃ પરમ્ ।
ઊર્જ્જપઞ્ચાહમાહામ્યં સ્તોત્રં સર્વાપરાધનુત્

એતત્સ્વર્ગાભિધં વિપ્ર સર્વપાતકનાશનમ્ ।
રામાશ્વમેધં પ્રથમં રામરાજ્યાભિષેચનમ્

અગસ્ત્યાદ્યાગમશ્ચૈવ પૌલસ્ત્યાન્વયકીર્ત્તનમ્ ।
અશ્વમેધોપદેશશ્ચ હયચર્યા તતઃ પરમ્

નાનારાજકથાઃ પુણ્યા જગન્નાથાનુવર્ણનમ્ ।
વૃન્દાવનસ્ય માહાત્મ્યં સર્વપાપપ્રણાશનમ્

નિત્યલીલાનુકથનં યત્ર કૃષ્ણાવતારિણઃ ।
માધવસ્નાનમાહાત્મ્યં સ્નાનદાનાર્ચને ફલમ્

ધરાવરાહસંવાદો યમબ્રહ્મણયોઃ કથા ।
સંવાદો રાજદૂતાનાં કૃષ્ણસ્તોત્રનિરૂપણમ્

શિવશંભુસમાયોગી દધીચાખ્યાનકં તતઃ ।
ભસ્મમાહાત્મ્યમતુલં શિવમાહાત્મ્યમુત્તમમ્

દેવરાતસુતાખ્યાનં પુરાણજ્ઞપ્રશંસનમ્ ।
ગૌતમાખ્યાનકં ચૈવ શિવગીતા તતઃ સ્મૃતા

કલ્પાન્તરે રાનકથા ભારદ્વાજાશ્રમસ્થિતા ।
પાતાલખણ્ડમેતદ્ધિ શૃણ્વતાં પઠતાં સદા

સર્વપાપપ્રશમનં સર્વાભીષ્ટફલપ્રદમ્ ।
પર્વતાખ્યાનકં પૂર્વં ગૌર્થૈ પ્રોક્તં શિવેન વૈ

જાલન્ધરકથા પશ્ચાચ્છ્રીશૈલાદ્યનુકીર્તનમ્ ।
સગરસ્ય કથા પુણ્યા તતઃ પરમુદીરિતમ્

ગઙ્ગાપ્રયાગકાશીનાં ગયાયાશ્ચાધિપુણ્યકમ્ ।
અન્નાદિ દાનમાહાત્મ્યં તન્મહાદ્વાદશીવ્રતમ્

ચતુર્વિંશૈકાદશીનાં માહાત્મ્યં પૃથગીરિતમ્ ।
વિષ્ણુધર્મસમાખ્યાનં વિષ્ણુનામસહસ્રકમ્

કાર્તિકવ્રતમાહાત્મ્યં માઘસ્નાનફલં તતઃ ।
જમ્બૃદ્વીપસ્ય તીર્થાનાં માહાત્મ્યં પાપનાશનમ્

સાભ્રમત્યાશ્ચ માહાત્મ્યં નૃસિંહોત્પત્તિવર્ણનમ્ ।
દેવશર્માદિકાખ્યાનં ગીતામાહાત્મ્યવર્ણનમ્

ભક્ત્યાખ્યાનં ચ માહાત્મ્યં શ્રીમદ્ભાગવતસ્ય હ ।
ઇન્દ્રપ્રસ્થસ્ય માહાત્મ્યં બહુતીર્થકથાન્વિતમ્

મન્ત્રરત્નાભિધાનં ચ ત્રિપાદ્ભૂત્યનુવર્ણનમ્ ।
અવતારકથાઃ પુણ્યા મત્સ્યાદીનામતઃ પરમ્

રામનામશતં દિવ્યં તન્માહાત્મ્યં ચ વાડવ ।
પરીક્ષણં ચ ભૃગુણા શ્રીવિષ્ણોર્વૈભવસ્ય ચ

ઇત્યેતદુત્તરં ખણ્ડં પઞ્ચમં સર્વપુણ્યદમ્ ।
પઞ્ચખણ્ડયુતં પાદ્મં યઃ શૃણોતિ નરોત્તમઃ

સ લભેદ્વૈષ્ણવં ધામ ભુક્ત્વા ભોગાનિહેપ્સિતાન્ ।
એતદ્વૈ પઞ્ચપઞ્ચાશત્સહસ્રં પદ્મસંજ્ઞકમ્

પુરાણં લેખયિત્વા વૈ જ્યેષ્ઠ્યાં સ્વર્ણાબ્જસંયુતમ્ ।
યઃ પ્રદદ્યાત્સુસત્કૃત્ય પુરાણજ્ઞાય માનદ

સ યાતિ વૈષ્ણવં ધામ સર્વદેવનમસ્કૃતઃ ।
પદ્માનુક્રમણીમેતાં યઃ પઠેચ્છૃણુયાત્તથા

સો ઽપિ પદ્મપુરાણસ્ય લભેચ્છ્રવણજં ફલમ્