નારદ પુરાણ · અધ્યાય 1.81

ઇતિ શ્રીબૃહન્નારદીયપુરાણે પૂર્વભાગે તૃતીયપાદે કૃષ્ણમન્ત્રનિરૂપણં નામાશીતિતમો ઽધ્યાયઃ
શ્રીસનત્કુમાર ઉવાચ ।
અથ કૃષ્ણસ્ય મન્ત્રાણાં વક્ષ્યે ભેદાન્ મુનીશ્વર ।
યાન્સમારાધ્ય મનુજાઃ સાધયન્તીષ્ટમાત્મનઃ

શક્તિશ્રીમારપૂર્વશ્ચ શ્રીશક્તિસ્મરપૂર્વકઃ ।
મારશક્તિરમાપૂર્વો દશાર્ણા મનવસ્ત્રયઃ

મુનિઃ સ્યાન્ના રદચ્છન્દો ગાયત્રી દેવતા પુનઃ ।
કૃષ્ણો ગોવિન્દનામાત્ર સર્વકામપ્રદો નૃણામ્

ચક્રૈઃ પૂર્વવદઙ્ગાનિ ત્રયાણામપિ કલ્પયેત્ ।
તતઃ કિરીટમનુનાવ્યાપકં હિ સમાચરેત્

સુદર્શનસ્ય મનુના કુર્યાદ્દિગ્બન્ધનં તથા ।
વિંશત્યર્ણોક્તવત્કુર્યાદાદ્યે ધ્યાનાર્ચનાદિકમ્

દ્વિતીયે તુ દશાર્ણોક્તં ધ્યાનપૂજાદિકં ચરેત્ ।
તૃતીયે તુ હરિં ધ્યાયેત્સમાહિતમનાઃ સુધીઃ

શખચક્રધનુર્બાણપાશાઙ્કુશધરારુણમ્ ।
દોર્ભ્યાં ધૃતં ધમન્તં ચ વેણું કૃષ્ણદિવાકરમ્

એવં ધ્યાત્વા જપેન્મન્ત્રાન્પઞ્ચલક્ષં પૃથક્ સુધીઃ ।
જુહુયાત્તદ્દશાંશેન પાયસેન સસર્પિષા

એવં સિદ્ધે મનૌ મન્ત્રી કુર્યાત્કામ્યાનિ પૂર્વવત્ ।
શ્રીશક્તિકામઃ કૃષ્ણાય ગોવિન્દાયાગ્નિસુન્દરી

રત્ર્યર્ણો બ્રહ્મગાયત્રીકૃષ્ણા ઋષ્યાદયો ઽસ્ય તુ ।
બીજૈરમાબ્ધિયુગ્માર્ણૈઃ ષડઙ્ગાનિ પ્રકલ્પયેત્

વિંશત્યર્ણોદિતજપધ્યાનહોમાર્ચનાદિકમ્ ।
કિં બહૂક્તેન મન્ત્રો ઽયં સર્વાભીષ્ટફલપ્રદઃ

શ્રીશક્તિસ્મરપૂર્વોગજન્મા શક્તિરમાન્તિકઃ ।
દશાક્ષરઃ સ એવાદૌ પ્રોક્તઃ શક્તિરમાયુતઃ

મન્ત્રૌ ષોડશરવ્યાર્ણૌં ચક્રૈરઙ્ગાનિ કલ્પયેત્ ।
વરદાભયહસ્તાભ્યાં શ્લિષ્યન્તં સ્વાઙ્ગકે પ્રિયે

પદ્મોત્પલકરે તાભ્યાં શ્લિષ્ટં ચક્રદરોજ્વલમ્ ।
ધ્યાત્વૈવં પ્રજપેલ્લક્ષદશકં તદ્દશાંશતઃ

આજ્યૈર્હુત્વા તતઃ સિદ્ધૌ ભવેતાં મન્ત્રનાયકૌ ।
સર્વકામપ્રદૌ સર્વસંપત્સૌભગાગ્યદૌ નૃણામ્

અષ્ટાદશાર્ણઃ કામાન્તો મનુઃ સુતધનપ્રદઃ ।
નારદો ઽસ્ય મુનિશ્છન્દો ગાયત્રી દેવતા મનોઃ

કૃષ્ણઃ કામો બીજમુક્તં શક્તિર્વહ્નિપ્રિયા મતા ।
ષડ્વીર્યાઢ્યેન બીજેન ષડઙ્ગાનિ સમાચરેત્

પાણૌ પાયસપક્વં ચ દક્ષે હૈયઙ્ગવીનકમ્ ।
વામે દધદ્દિવ્યદિગંબરો ગોપીસુતો ઽવતુ

ધ્યાત્વૈવં પ્રજપેન્મન્ત્રં દ્વાત્રિંશલ્લક્ષમાનતઃ ।
દશાંશં જુહુયાદગ્નૌ સિતાઢ્યેન પયોંઽધસા

પૂર્વોક્તવૈષ્ણવે પીઠે યજેદષ્ટાદશાર્ણવત્ ।
પદ્મસ્થં કૃષ્ણમભ્યર્ચ્ય તર્પયેત્તન્મુખાંબુજે

ક્ષીરેણ કદલીપક્કૈર્દધ્ના હૈયઙ્ગવેન ચ ।
પુત્રાર્થી તર્પયેદેવં વત્સરાલ્લભતે સુતમ્

યદ્યદિચ્છતિ તત્સર્વં તર્પણાદેવ સિદ્ધ્યતિ ।
વાક્કામો ઙેયુતં કૃષ્ણપદં માયા તતઃ પગરમ્

ગોવિન્દાય રમા પશ્ચાદ્દશાર્ણં ચ સમુદ્ધરેત્ ।
મનુસ્વરયુતૌ સર્ગયુક્તૌ ભૃગુતદૂર્દ્ધૂગૌ

દ્વાવિંશત્યક્ષરો મન્ત્રો વાગીશત્વપ્રદાયકઃ ।
ઋષિઃ સ્યાન્નારદશ્છન્દો ગાયત્રી દેવતા પુનઃ

વિદ્યાપ્રદશ્ચ ગોપાલઃ કામો બીજં પ્રકીર્તિતમ્ ।
શક્તિસ્તુ વાગ્ભવં વિદ્યાપ્રાપ્તયે વિનિયોજના

વામોર્દ્ધ્વહસ્તે દધતં વિદ્યાપુસ્તકમુત્તમમ્ ।
અક્ષમાલાં ચ દક્ષોર્દ્ધ્વસ્ફઆટિકીં માતૃકામયીમ્

શબ્દબ્રહ્મ મયં વેણુમધઃ પાણિદ્વયે પુનઃ ।
ગાયત્રીગીતવસનં શ્યામલં કોમલચ્છવિમ્

બર્હાવતંસં સર્વજ્ઞં સેવિતં મુનિપુઙ્ગવૈઃ ।
ધ્યાત્વૈવં પ્રમદાવેશવિલાસં ભુવનેશ્વરમ્

વેદલક્ષં જપેન્મન્ત્રં કિંશુકૈસ્તદ્દશાંશતઃ ।
હુત્વા તુ પૂજયેન્મન્ત્રી વિંશત્યર્ણવિધાનતઃ

એવં યો ભજતે મન્ત્રં ભવેદ્વાગીશ્વરસ્તુ સઃ ।
અદૃષ્ટાન્યપિ શાસ્ત્રાણિ તસ્ય ગઙ્ગાતરઙ્ગવત્

તારઃ કૃષ્ણયુગં પશ્ચાન્મહાકૃષ્ણ ઇતીરયેત્ ।
સર્વજ્ઞ ત્વંપ્રશંશબ્દાન્તે સીદમે ઽગ્નિશ્ચ મારમ્

ણાન્તિ વિદ્યેશ વિદ્યામાશુ પ્રયચ્છ તતશ્ચ મે ।
ત્રયસ્ત્રિંશદક્ષરો ઽયં મહાવિદ્યાપ્રદોમનુઃ

નારદો ઽસ્ય મુનિશ્છન્દો ઽનુષ્ટુમ્ કૃષ્ણો ઽસ્ય દેવતા ।
પાદૈઃ સર્વેણ પઞ્ચાઙ્ગં કૃત્વા ધ્યાયેત્તતો હરિમ્

દિવ્યોદ્યાને વિવસ્વત્પ્રતિમમણિમયે મણ્ડપે યોગપીઠે મધ્યે યઃ સર્વવેદાન્તમયસુરતરોઃ સંનિવિષ્ટો મુકુન્દઃ ।
વેદૈઃ કલ્પદ્રુરૂપૈઃ શિખરિશતસમાલંબિકોશૈશ્ચતુર્ભિર્ન્યાયૈસ્તર્કૈપુરાણૈઃ સ્મૃતિભિરભિવૃતસ્તાદૃશૈશ્ચામરાદ્યૈઃ

દદ્યાદ્બિભ્રત્કરાગ્રૈરપિ દરમુરલીપુષ્પબાણેક્ષુચાપાનક્ષસ્પૃક્પૂર્ણકુંભૌ સ્મરલલિતવપુર્દિવ્યભૂષાઙ્ગરાગઃ ।
વ્યાખ્યાં વામે વિતન્વન્ સ્ફુટરુચિરપદો વેણુના વિશ્વમાત્રે શબ્દબ્રહ્મોદ્ભવેન શ્રિયમરુણરુચિર્બલ્લવીવલ્લભો નઃ

એવં ધ્યાત્વા જપેલ્લક્ષં દશાંશં પાયસૈર્હુનેત્ ।
અષ્ટાદશાર્ણવત્કુર્યાદ્યજનં ચાસ્ય મન્ત્રવિત્

તારો નમો ભગવતે નન્દપુત્રાય સંવદેત્ ।
આનન્દવપુષે દદ્યાદૃશાર્ણં તદનન્તરમ્

અષ્ટાવિંશતિવર્ણો ઽયં મન્ત્રઃ સર્વેષ્ટદાયકઃ ।
નન્દપુત્રપદં ઙેંતં શ્યામલાઙ્ગપદં તથા

તથા બાલવપુઃકૃષ્ણં ગોવિન્દં ચ તથા પુનઃ ।
દશાર્ણો ઽતો ભવેન્મન્ત્રો દ્વાત્રિંશદક્ષરાન્વિતઃ

અનયોર્નારદઋષિશ્છન્દસ્તૂષ્ણિગનુષ્ટુભૌ ।
દેવતા નન્દપુત્રસ્તુ વિનિયોગો ઽખિલાપ્તયે

ચક્રૈઃ પઞ્ચાઙ્ગમર્ચાસ્યાદઙ્ગદિક્પાલહેતિભિઃ ।
દક્ષિણે રત્નચષકં વામે સૌવર્ણનેત્રકમ્

કરે દધાનં દેવીભ્યાં શ્લિષ્ટં સંચિન્તયેદ્વિભુમ્ ।
લક્ષં જપો દશાંશેન જુહુયાત્પાયસેન તુ

એતાભ્યાં સિદ્ધમન્ત્રાભ્યાં મન્ત્રી કુર્યાદ્યથેપ્સિતમ્ ।
પ્રણવઃ કમલા માયા નમો ભગવતે તતઃ

નન્દપુત્રાય તત્પશ્ચાદ્બાલાન્તે વપુષે પદમ્ ।
ઊનવિંશતિવર્ણો ઽયં મુનિર્બ્રહ્મા સમીરિતઃ

છન્દો ઽનુષ્ટુપ્ દેવતા ચ કૃષ્ણો બાલવપુઃ સ્વયમ્ ।
મન્ત્રો ઽયં સર્વસંપત્તિસિદ્ધયે સેવ્યતે બુધૈઃ

તારો હ્યદ્ભગવાનઙેંતો રુક્મિણીવલ્લભાય ચ ।
વહ્નિજાયાવધિઃ પ્રોક્તો મન્ત્રઃ ષોડશવર્ણવાન્

નારદો ઽસ્ય મુનિશ્છન્દો ઽનુષ્ટુપ્ ચ દેવતા મનોઃ ।
રુક્મિણીવલ્લભશ્ચન્દ્રદૃગ્વેદાઙ્ગાક્ષિવર્ણકૈઃ ।
પઞ્ચાઙ્ગાનિ પ્રકુર્વીત તતો ધ્યાયેત્સુરેશ્વરમ્

તાપિચ્છચ્છવિરઙ્કગાં પ્રિયતમાં સ્વર્ણપ્રભામંબુજપ્રોદ્યદ્દામભુજાં સ્વવામભુજયાશ્લિષ્યન્સ્વચિત્તાશયા ।
શ્લિષ્યન્તીં સ્વયમન્યહસ્તવિલત્સૌવર્ણવેત્રશ્ચિરં પાયાન્નઃ સુવિશુદ્ધપીતવસનો નાનાવિભૂષો હરિઃ

ધ્યાત્વૈવં પ્રજપેલ્લક્ષં રક્તૈઃ પદ્મૈર્દશાંશતઃ

ત્રિમધ્વક્તૈર્હુનેત્પીઠે પૂર્વોક્તે પૂજયેદ્ધરિમ્ ।
અઙ્ગૈર્નારદમુખ્યૈશ્ચ લોકેશૈશ્ચ તદાયુધૈઃ

એવં સિદ્ધો મનુર્દદ્યાત્સર્વાન્કામાંશ્ચ મન્ત્રિણે ।
લીલાદણ્ડપદાબ્જો ઽપિ જનસંસક્તદોઃ પદમ્

દણ્ડાન્તે વા ધરાવહ્નિરધીશાઢ્યો ઽથ લોહિતઃ ।
મેઘશ્યામપદં પશ્ચાદ્ભગવાન્ સલિલંસદૃક્

વિષ્ણો ઇત્યુક્ત્વા ઠદ્વયં સ્યાદેકોનત્રિંશદર્ણવાન્ ।
નારદો ઽસ્ય મુનિશ્છન્દો ઽનુષ્ટુપ્ ચ દેવતા મનોઃ

લીલાદણ્ડહરિઃ પ્રોક્તો મન્વબ્ધધિયુગવહ્નિભિઃ ।
વેદૈઃ પઞ્ચાં ગકં ભાગૈર્મન્ત્રવર્ણોત્થિતૈઃ ક્રમાત્

સંમોહયંશ્ચ નિજવામકરસ્થલીલાદણ્ડેન ગોપયુવતીઃ પરસુંદરીશ્ચ ।
દિશ્યન્નિજપ્રિયસખાંસગન્દક્ષહસ્તો દેવશ્રિયં નિહતકંસ ઉરુક્રમો નઃ

લક્ષં જપો દશાંશેન જુહુયાત્તિલતણ્ડુલૈઃ ।
ત્રિમધ્વક્તૈસ્તતો ઽભ્યર્ચેદઙ્ગં દિક્પાલહેતિભિઃ

લીલાદણ્ડ હરિં યો વૈ ભજતે નિત્યમાદરાત્ ।
સ સર્વૈઃ પૂજ્યતે લોકૈસ્તસ્ય ગેહે સ્થિરા રમા

સદ્યારૂઢા સ્મૃતિસ્તોયં કેશવાઢ્યધરાયુગમ્ ।
ભયાગ્નિવલ્લભામન્ત્રઃ સપ્તાર્ણઃ સર્વસિદ્ધિદઃ

ઋષિઃ સ્યાન્નારદશ્છન્દો ઉષ્ણિગ્ગોવલ્લમસ્ય તુ ।
દેવતાપૂર્વવચ્ચક્રૈઃ પઞ્ચાઙ્ગાનિ તુ કલ્પયેત્

ધ્યેયો હરિઃ સકપિલાગણમધ્યસંસ્થસ્તા આહ્વયન્દધદ્દક્ષિણદોસ્થવેણુમ્ ।
પાશં સયષ્ટિમપરત્ર પયોદનીલઃ પીતામ્બરાહિરિપુપિચ્છકૃતાવતંસઃ

સપ્તલક્ષં જપેન્મન્ત્રં દશાંશં જુહુયાત્તતઃ ।
ગોદુગ્ધૈઃ પૂજયેત્પીઠે સ્યાદઙ્ગૈઃ પ્રથમાવૃતિઃ

સુવર્ણપિઙ્ગલાં ગૌરપિઙ્ગલાં રક્તપિઙ્ગલામ્ ।
ગુડપિઙ્ગાં બભ્રુવર્ણાં ચોત્તમાં કપિલાં તથા

ચતુષ્કપિઙ્ગલાં પીતપિઙ્ગલાં ચોત્તમાં શુભામ્ ।
ગોગણાષ્ટકમભ્યર્ચ્ય લોકેશાનુયુધૈર્યુતાન્

સંપૂજ્યૈવં મનૌ સિદ્ધે કુર્યાત્કામ્યાનિ મન્ત્રવિત્ ।
અષ્ટોત્તરસહસ્રં યઃ પયોભિર્દિનશો હુનેત્

પક્ષાત્સગોગણો મુક્તો દશાર્ણે ચાપ્યયં વિધિઃ ।
તારો હૃદ્ભગવાન્ ઙેંતઃ શ્રીગોવિન્દસ્તથા ભવેત્

દ્વાદશાર્ણો મનુઃ પ્રોક્તો નારદો ઽસ્ય મુનિર્મતઃ ।
છન્દઃ પ્રોક્તં ચ ગાયત્રી શ્રીગોવિન્દો ઽસ્ય દેવતા ।
ચન્દ્રાક્ષિયુગભૂતાર્ણૈઃ સર્વૈઃ પઞ્ચાઙ્ગકલ્પનમ્

ધ્યાયેત્કલ્પદ્રુમૂલાશ્રિતમણિવિલસદ્દિવ્યસિંહાસનસ્થં મેઘશ્યામં પિશઙ્ગાંશુકમતિસુભગં શઙ્ખરેત્રે કરાભ્યામ્

બિભ્રાણં ગોસહસ્રૈર્વૃતમમરપતિં પ્રૌઢહસ્તૈકકુંભપ્રશ્ચોતત્સૌધધારાસ્નપિતમભિનવાંભોજપત્રાભનેત્રમ્

રવિલક્ષં જપેન્મન્ત્રં દુગ્ધૈર્હુત્વા દશાંશતઃ ।
યજેચ્ચ પૂર્વવદ્ગોષ્ઠસ્થિતં વા પ્રતિમાદિષુ

પૂર્વોક્તે વૈષ્ણવે પીઠે મૂર્તિં સંકલ્પ્ય મૂલતઃ ।
તત્રાવાહ્ય યજેત્કૃષ્ણં ગુરુપૂજનપૂર્વકમ્

રુક્મિણીં સત્યભામાં ચ પાર્શ્વયોરિન્દ્રમગ્રતઃ ।
પૃષ્ઠતઃ સુરભિં ચેષ્ટ્વા કેસરેષ્વઙ્ગપૂજનમ્

કાલિં દ્યાદ્યા મહિષ્યો ઽષ્ટૌ વસુપત્રેષુ સંસ્થિતાઃ ।
પીઠકોણેષુ બદ્ધ્વાદિકિઙ્કણીં ચ તથા પુનઃ

દામાનિ પૃષ્ઠયોર્વેણું પુરઃ શ્રીવત્સકૌસ્તુભૌ ।
અગ્રતો વનમાસાદિર્દિક્ષ્વષ્ટસુ તથા સ્થિતાઃ

પાઞ્ચજન્યં ગદા ચક્રં વસુદેવશ્ચ દેવકી ।
નન્દગોપો યશોદા ચ સગોગોપાલગોપિકાઃ

ઇન્દ્રાદ્યાશ્ચ સ્થિતા બાહ્યે વજ્રાદ્યાશ્ચ તતઃ પરમ્ ।
કુમુદઃ કુમુદાક્ષશ્ચ પુણ્ડરીકો ઽથ વામનઃ

શઙ્કુકર્ણઃ સર્વનેત્રઃ સુમુખઃ સુપ્રતિષ્ટિતઃ ।
વિષ્વક્સેનશ્ચ સંપૂજ્યઃ સ્વાત્મા ચાર્ચ્યસ્તતઃ પરમ્

એકકાલં ત્રિકાલં વા યો ગોવિન્દં યજેન્નરઃ ।
સ ચિરાયુર્નિરાતઙ્કો ધનધાન્યપતિર્ભવેત્

સ્મૃતિઃ સદ્યાન્વિતા ચક્રી દક્ષકર્ણયુતોધરા ।
નાથાય હૃદયાન્તો ઽયં વસુવર્ણો મહામનુઃ

મુનિર્બ્રહ્માસ્ય ગાયત્રી છન્દઃ કૃષ્ણો ઽસ્ય દેવતા ।
વર્ણદ્વન્દ્વૈશ્ચ સર્વેણ પઞ્ચાઙ્ગાન્યસ્ય કલ્પયેત્

પઞ્ચવર્ષમતિલોલમઙ્ગણે ધાવમાનમતિચઞ્ચલેક્ષણમ્ ।
કિઙ્કિણીવલયહારનૂપુરૈ રઞ્જિતં નમત ગોપબાલકમ્

એવં ધ્યાત્વા જપેદષ્ટલક્ષં મન્ત્રી દશાંશતઃ ।
બ્રહ્મવૃક્ષસમિદ્ભિશ્ચ જુહુયાત્પાયસેન વા

પ્રાગુક્તે વૈષ્ણવે પીઠે મૂર્તિં સંકલ્પ્ય મૂલતઃ ।
તત્રાવાહ્યાર્ચયેત્કૃષ્ણં મન્ત્રી વૈ સ્થિરમાનસઃ

કેસરેષુ ચતુર્દિક્ષુ વિદિક્ષ્વઙ્ગાનિ પૂજયેત્ ।
વાસુદેવં બલં દિક્ષુ પ્રદ્યુમ્નમનિરુદ્ધકમ્

વિદિક્ષુ રુક્મિણીસત્યભામે વૈ લક્ષ્યણર્ક્ષજે ।
લોકેશાન્સાયુધાન્બાહ્યે એવં સિદ્ધો ભવેન્મનુઃ

તારઃ શ્રીભુવનાકામો ઙેંતં શ્રીકૃષ્ણમીરયેત્ ।
શ્રીગોવિન્દં તતઃ પ્રોચ્ય ગોપીજનપદં તતઃ

વલ્લભાય તતઃ પદ્માત્રયં તત્વાક્ષરો મનુઃ ।
મુન્યાદિકં ચ પૂર્વોક્તં સિદ્ધગોપાલકં સ્મરેત્

માધવીમણ્ડપાસીનૌ ગરુડેનાભિપાલિતૌ ।
દિવ્યક્રીડાસુ નિરતૌ રામકૃષ્ણૌ સ્મરન્ જપેત્

પૂજનં પૂર્વવચ્ચાસ્ય કર્તવ્યં વૈષ્ણવોત્તમૈઃ ।
ચક્રી મુનિસ્વરોપેતઃ સર્ગી ચૈકાક્ષરો મનુઃ

કૃષ્ણેતિ દ્વ્યક્ષરઃ પ્રોક્તઃ કામાદિઃ સ્યાત્ત્રિવર્ણકઃ ।
સૈવ ઙેંતો યુગાર્ણઃ સ્યાત્કૃષ્ણાય નમ ઇત્યપિ

પઞ્ચાક્ષરશ્ચ કૃષ્ણાય કામરુદ્ધસ્તથા પરઃ ।
ગોપાલાયાગ્નિજાયાન્તો રસવર્ણઃ પ્રકીર્તિતઃ

કામઃ કૃષ્ણપદં ઙેંતં વહ્નિજાયાન્તકઃ પરઃ ।
કૃષ્ણગોવિન્દકૌ ઙેંતૌ સપ્તાર્ણઃ સર્વસિદ્ધિદઃ

શ્રીશક્તિકામાઃ કૃષ્ણાય કામઃ સપ્તાક્ષરઃ પરઃ ।
કૃષ્ણગોવિન્દકૌ ઙેંતૌ હૃદન્તો ઽન્યો નવાક્ષરઃ

ઙેંતૌ ચ કૃષ્ણગોવિન્દૌ તથા કામઃ પુટઃ પરઃ ।
કામઃ શાર્ઙ્ગી ધરાસંસ્થો મન્વિન્દ્વાઢ્યશ્ચ મન્મથઃ

શ્યામલાઙ્ગાય હૃદયં દશાર્ણઃ સર્વસિદ્ધિદઃ ।
બાલાન્તે વપુષે કૃષ્ણાયાગ્નિજાયાન્તિમો ઽપરઃ

દ્વિઠાન્તે બાલવપુષે કામઃ કૃષ્ણાય સંવદેત્ ।
તતો ધ્યાયન્સ્વહૃદયે ગોપીજનમનોહરમ્

શ્રીવૃન્દાવિપિનપ્રતોલિષુ નમત્સંફુલ્લવલ્લીતતિષ્વન્તર્જાલવિઘટ્ટૈનઃ સુરભિણા વાતેન સંસેવિતે ।
કાલિન્દીપુલિને વિહારિણમથો રાધૈકજીવાતુકં વન્દે નન્દકિશોરમિન્દુવદનં સ્નિગ્ધાંબુદાડંબરમ્

પૂર્વાક્તવર્ત્મના પૂજા જ્ઞેયા હ્યેષાં મુનીશ્વર ।
દેવકીસુતવર્ણાન્તે ગોવિન્દપદમુચ્ચરેત્

વાસુદેવપદં પ્રોચ્ય સંબૃદ્ધ્યન્તં જગત્પતિંમ્ ।
દેહિ મે તનયં પશ્ચાત્કૃષ્ણ ત્વામહમીરયેત્

શરણં ગત ઇત્યન્તો મન્ત્રો દ્વાત્રિંશદક્ષરઃ ।
નારદો ઽસ્ય મુનિશ્છન્દો ગાયત્રી ચાપ્યનુષ્ટુભમ્ ।
દેવઃ સુતપ્રદઃ કૃષ્ણઃ પાદૈઃ સર્વેણ ચાઙ્ગકમ્

વિજયેન યુતો રથસ્થિતઃ પ્રસમાનીય સમુદ્રમધ્યતઃ ।
પ્રદદત્તનયાન્ દ્વિજન્મને સ્મરણીયો વસુદેવનન્દનઃ

લક્ષં જપો ઽયુતં હોમસ્તલૈર્મધુરસંપ્લુતૈઃ ।
અર્ચા પૂર્વોદિતે પીઠે અઙ્ગલોકેશ્વરાયુધૈઃ

એવં સિદ્ધે મનૌ મન્ત્રી વન્ધ્યાયામપિ પુત્રવાન્ ।
તારો માયા તતઃ સાંતસેંદુષ્વાન્તશ્ચ સર્વવાન્

સો ઽહં વહ્નિપ્રિયાન્તો ઽયં મન્ત્રો વસ્વક્ષરઃ પરઃ ।
પઞ્ચબ્રહ્માત્મકસ્યાસ્ય મન્ત્રસ્ય મુનિ સત્તમઃ

ઋષિર્બ્રહ્મા ચ પરમા ગાયત્રીછન્દ ઈરિતમ્ ।
પરઞ્જ્યોતિઃ પરં બ્રહ્મ દેવતા પરિકીર્તિતમ્

પ્રણવો બીજમાખ્યાતં સ્વાહા શક્તિરુદાહૃતા ।
સ્વાહેતિ હૃદયં પ્રોક્તં સો ઽહં વેતિ શિરો મતમ્

હંસશ્ચેતિ શિખા પ્રોક્તા હૃલ્લેખા કવચં સ્મૃતમ્ ।
પ્રણવો નેત્રમાખ્યાતમસ્ત્રં હરિહરેતિ ચ

સ બ્રહ્મા સ શિવો વિપ્ર સ હરિઃ સૈવ દેવરાટ્ ।
સ સર્વરૂપઃ સર્વાખ્યઃ સો ઽક્ષરઃ પરમઃ સ્વરાટ્

એવં ધ્યાત્વા જપેદષ્ટલક્ષહોમો દશાંશતઃ ।
પૂજાપ્રણવપીઠે ઽસ્ય સાંગાવરણકૈર્મતા

એવં સિદ્ધે મનૌ જ્ઞાનં સાધકેન્દ્રસ્ય નારદ ।
જાયતે તત્ત્વમસ્યાદિવાક્યોક્તં નિર્વિકલ્પકમ્

કામો ઙેંતો હૃષીકેશો હૃદયાન્તો ગજાક્ષરઃ ।
ઋષિર્બ્રહ્માસ્ય ગાયત્રી છન્દો ગાયત્રમીરિતમ્

દેવતા તુ હૃષીકેશો વિનિયોગો ઽખિલાપ્તયે ।
કામો બીજં તથાયેતિ શક્તિરસ્ય હ્યુદાહૃતા

બીજેનૈવ ષડઙ્ગાનિ કૃત્વા ધ્યાનં સમાચરેત્ ।
પુરુષોત્તમમન્ત્રોક્તં સર્વં વાસ્ય પ્રકીર્તિતમ્

લક્ષં જપો ઽયુતં હોમો ઘૃતેનૈવ પ્રકીર્તિતઃ ।
તર્પણં સર્વકામાપ્ત્યૈ પ્રોક્તં સંમોહિનીસુમૈઃ

શ્રીબીજં શક્તિરાપેતિ બીજેનૈવ ષડઙ્કસ્તથા ।
ત્રૈલોક્યમોહનઃ શબ્દો નમોંઽતો મનુરીરિતઃ

ઋષિર્બ્રહ્મા ચ ગાયત્રી છન્દઃ શ્રીધરદેવતા ।
શ્રીબીજં શક્તિરાપેતિ બીજેનૈવ ષડઙ્ગકમ્

પુરુષોત્તમવદ્ધ્યાનપૂજાદિકમિહોદિતઃ ।
લક્ષં જપસ્તથા હોમ આજ્યેનૈવ દશાંશતઃ

સુગન્ધશ્વેતપુષ્પૈસ્તુ પૂજાં હોમાદિકં ચરેત્ ।
એવં કૃતે તુ વિપ્રેન્દ્ર સાક્ષાત્સ્યાચ્છ્રીધરઃ સ્વયમ્

અચ્યુતાનન્તગોવિન્દપદં ઙેંતં નમોન્તિમમ્ ।
મન્ત્રો ઽસ્ય શૌનકઋષિર્વિરાટ્ છન્દઃ પ્રકીર્તિતમ્

એષાં પરાશરવ્યાસનારદા ઋષયઃ સ્મૃતાઃ ।
વિરાટ્ છન્દઃ સમાખ્યાતં પરબ્રહ્માત્મકો હરિઃ

દેવતાબીજશક્તી તુ પૂર્વોક્તે સાધકૈર્મતે ।
શઙ્ખચક્રધરં દેવં ચતુર્બાહું કિરીટિનમ્

સર્વૈરપ્યાયુધૈર્યુક્તં ગરુડોપરિ સંસ્થિતમ્ ।
સનકાદિમુનીન્દ્રૈસ્તુ સર્વદેવૈરુપાસિતમ્

શ્રીભૂમિસહિતં દેવમુદયાદિત્યસન્નિભમ્ ।
પ્રાતરુદ્યત્સહસ્રાંશુમણ્ડલોપમકુણ્ડલમ્

સર્વલોકસ્ય રક્ષાર્થમનન્તં નિત્યમેવ હિ ।
અભયં વરદં દેવં પ્રયચ્છન્તં મુદાન્વિતમ્

એવં ધ્યાત્વાર્ ચયેત્પીઠે વૈષ્ણવે સુસમાહિતઃ ।
આદ્યાવરણસંગૈઃ સ્યાચ્ચક્રશઙ્ખગદાસિભિઃ

મુશલાઢ્યધનુઃ પાશાઙ્કુશૈઃ પ્રોક્તં દ્વિતીયકમ્ ।
સનકાદિકશાક્તેયવ્યાસનારદશૌનકૈઃ

તૃતીયં લોકપાલૈસ્તુ ચતુર્થં પરિકીર્તિતમ્ ।
લક્ષં જપો દશાંશેન ઘૃતેન હવનં સ્મૃતમ્

એવં સિદ્ધે મનૌ મન્ત્રી પ્રયોગાનપ્યુપાચરેત્ ।
શ્રીવૃક્ષમૂલે દેવેશં ધ્યાયન્વૈરોગિણં સ્મરન્

સ્પૃષ્ટ્વા જપ્ત્વાયુતં સાધ્યં સ્મૃત્વા વા મનસા દ્વિજ ।
રોગિણાં રોગનિર્મુક્તિં કુર્યાન્મન્ત્રી તુ મણ્ડલાત્

કન્યાર્થી જુહુયાલ્લાજૈર્બિલ્વૈશ્ચાપિ ધનાપ્તયે ।
વસ્ત્રાર્થી ગન્ધકુસુમૈરારોગ્યાય તિલૈર્હુનેત્

રવિવારે જલે સ્થિત્વા નાભિમાત્રે જપેત્તુ યઃ ।
અષ્ટોત્તરસહસ્રં વૈ સ જ્વરં નાશયેદ્ ધ્રુવમ્

વિવાહાર્થં જપેન્માસં શશિમણ્ડલમધ્યગમ્ ।
ધ્યાત્વા કૃષ્ણં લભેત્કન્યાં વાઞ્છિતાં ચાપિ નારદ

વસુદેવપદં પ્રોચ્ય નિગડચ્છેદશબ્દતઃ ।
વાસુદેવાય વર્માસ્ત્રે સ્વાહાન્તો મનુરીરિતઃ

નારદો ઽસ્ય ઋષિશ્છન્દો ગાયત્રી કૃષ્ણદેવતા ।
વર્મ બીજં શિરઃ શક્તિરન્યત્સર્વં દશાર્ણવત્

બાલઃ પવનદીર્ઘૈદુયુક્તો ઝિણ્ટીશયુર્જલમ્ ।
અત્રિર્વ્યાસાય હૃદયં મનુરષ્ટાક્ષરો ઽવતુ

બ્રાહ્માનુષ્ટુપ્ મુનિશ્છન્દો દેવઃ સત્યવતીસુતઃ ।
આદ્યં બીજં નમઃ શક્તિદીર્ઘાઢ્યો નાદિનાઙ્ગકમ્

વ્યાખ્યામુદ્રિકયા લસત્કરતલં સદ્યોગપીઠસ્થિતં વામે જાનુતલે દધાનમપરં હસ્તં સુવિદ્યાનિધિમ્ ।
વિપ્રવ્રાતવૃતં પ્રસન્નમનસં પાથોરુહાઙ્ગદ્યુતિં પારાશર્ય્યમતીવ પુણ્યચરિતં વ્યાસં સ્મરેત્સિદ્ધયે

જપેદષ્ટસહસ્રાણિ પાયસૈર્હેમમાચરેત્ ।
પૂર્વોક્તપીઠે વ્યાસસ્ય પૂર્વમઙ્ગાનિ પૂજયેત્

પ્રાચ્યાદિષુ યજેત્પૈલં વૈશંપાયનજૈમિની ।
સુમંપ્તું કોણભાગેષુ શ્રીશુકં રોમહર્ષણમ્

ઉગ્રશ્રવસમન્યાંશ્ચ મુનીન્સેંદ્રાદિકાયયુધાન્ ।
એવં સિદ્ધમનુર્મન્ત્રી કવિત્વં શોભનાઃ પ્રજાઃ

વ્યાખ્યાનશક્તિં કીર્તિં ચ લભતે સંપદાં ચયમ્ ।
નૃસિંહો માધવો દૃષ્ટો લોહિતો નિગમાદિમઃ

કૃશાનુજાયા પઞ્ચાર્ણો મનુર્વિષહરઃ પરઃ ।
અનન્તપઙ્ક્તિપક્ષીન્દ્રા મુનિશ્છન્દઃ સુરા મતાઃ

તારવહ્નિપ્રિયે બીજશક્તી મન્ત્રસ્ય કીર્તિતે ।
જ્વલજ્વલ મહામન્ત્રી સ્વાહા હૃદયમીરિતમ્

ગરુડેતિ પદસ્યાન્તે ચૂડાનનશુચિપ્રિયા ।
શિરોમન્ત્રો ગરુડતઃ શિખે સ્વાહા શિખા મનુઃ

ગરુડેતિ પદં પ્રોચ્ય પ્રભઞ્જયયુગં વદેત્ ।
પ્રભેદયયુગં પશ્ચાદ્વિત્રાસય વિમર્દય

પ્રત્યેકં દ્વિસ્તતઃ સ્વાહા કવચસ્ય મનુર્મતઃ ।
ઉગ્રરૂપધરાન્તે તુ સર્વવિષહરેતિ ચ

ભીષયદ્વિતયં પ્રોચ્ય સર્વં દહદહેતિ ચ ।
ભસ્મીકુરુ તતઃ સ્વાહા નેત્રમન્ત્રો ઽયમીરિતઃ

અપ્રતિહતવર્ણાન્તે બલાય પ્રહતેતિ ચ ।
શાસનાન્તે તથા હું ફટ્ સ્વાહાસ્ત્રમનુરીરિતઃ

પાદે કટૌ હૃદિ મુખે મૂર્ધ્નિં વર્ણાન્પ્રવિન્યસેત્

તપ્તસ્વર્ણનિભં ફણીન્દ્રનિકરૈઃકૢપ્તાઙ્ગ ભૂષંપ્રભું સ્તર્તૃઆણાં શમયન્તમુગ્રમખિલં નૄણાં વિષં તત્ક્ષણાત્ ।
ચઞ્ચ્વગ્રપ્રચલદ્ભુજઙ્ગમભયં પાણ્યોર્વરં બિભ્રતં પક્ષોચ્ચારિતસામગીતમમલં શ્રીપક્ષિરાજં ભજે

પઞ્ચલક્ષં જપેન્મન્ત્રં દશાંશં જુહુયાત્તિલૈઃ ।
પૂજયેન્માતૃકાપીઠે ગરુડં વેદવિગ્રહમ્

ચતુર્થ્યન્તઃ પક્ષિરાજઃ સ્વાહા પીઠમનુઃ સ્મૃતઃ ।
દૃષ્ટ્વાઙ્ગં કર્ણિકામધ્યે નાગાન્યન્ત્રેષુ પૂજયેત્

તદ્બિહિર્લોકપાલાંશ્ચ વજ્રાદ્યૈર્વિલસત્કરાન્ ।
એવં સિદ્ધમનુર્મન્ત્રી નાશયેદ્ગરલદ્વયમ્ ।
દેહાન્તે લભતે ચાપિશ્રીવિષ્ણોઃ પરમં પદમ્