નારદ પુરાણ · અધ્યાય 1.27

ઇતિ શ્રીબૃહન્નારદીયપુરાણે પૂર્વભાગે પ્રથમપાદે સ્માર્ત્તધેર્મષુ વેદાધ્યયનાદિકસ્ય ગૃહસ્થધર્મસ્ય ચ નિરુપણં નામ ષડ્વિંશો ઽધ્યાયઃ
સનક ઉવાચ
ગૃહસ્થસ્ય સદાચારં વક્ષ્યામિ મુનિસત્તમ ।
યદ્રૂતાં સર્વપાપાનિ નશ્યન્ત્યેવ ન સંશયઃ

બ્રાહ્ને મુહૂર્તે ચોત્થાય પુરુષાર્થાવિરોધિનીમ્ ।
વૃત્તિં સંચિન્તયેદ્વિપ્ર કૃતકેશપ્રસાધનઃ

દિવાસંધ્યાસુ કર્ણસ્થબ્રહ્મસૂત્ર ઉદડ્મુખઃ ।
કુર્યાન્મૂત્રપુરીષે તુ રાત્રૌ ચેદ્દક્ષિણામુખઃ

શિરઃ પ્રાવૃત્ય વસ્ત્રેણ હ્યન્તર્દ્ધાય તૃણૈર્મહીમ્ ।
વહન્કાષ્ટં કરેણૈકં તાવન્મૌની ભવેદ્દ્વિજઃ

પથિ ગોષ્ટે નદીતીરે તડાગગૃહસન્નિધૌ ।
તથા વૃક્ષસ્ય ચ્છાયાયાં કાન્તારે વહ્નિસન્નિધૌ

દેવાલયે તથોદ્યાને કૃષ્ટભૂમૌ ચતુષ્પથે ।
બ્રાહ્મણાનાં સમીપે ચ તથા ગોગુરુયોષિતામ્

તુષાઙ્ગારકપાલેષુ જલમધ્યે તથૈવ ચ ।
એવમાદિષુ દેશેષુ મલમૂત્રં ન કારયેત્

શૌચે યત્નઃ સદા કાર્યઃ શૌચમૂલો દ્વિજઃ સ્મૃતઃ ।
શૌચાચારવિહીનસ્ય સમસ્તં કર્મ નિષ્ફલમ્

શૌચં તુ દ્વિવિધં પ્રોક્તં બ્રાહ્મમાભ્યાન્તરં તથા ।
મૃજ્જલાભ્યાં બહિઃ શુદ્ધિર્ભાવશુદ્ધિસ્તથાન્તરમ્

ગૃહીતશિશ્રશ્ચોત્થાય શૌચાર્થં મૃદમાહરેત્ ।.
ન મૂષકાદિખનિતાં ફઆલોત્કૃષ્ટાં તથૈવ ચ

વાપીકૂપતડાગેભ્યો નાહરેદપિ મૃત્તિકામ્ ।
શૌચં કુર્યાત્પ્રયત્નેન સમાદાય શુભાં મૃદમ્

લિઙ્ગે મૃદેકા દાતવ્યા તિસ્રો વા મેઢ્રયોર્દ્વયોઃ ।
એતન્મૂત્રમુત્સર્ગે શૌચમાહૂર્મનીષિણઃ

એકા લિઙ્ગે ગુદે પઞ્ચ દશ વામે તથોભયોઃ ।
સત્પ તિસ્રઃ પ્રદાતવ્યાઃ પાદયોર્મૃત્તિકાઃ પૃથક્

એતચ્છૌચં વિડુત્સર્ગે ગન્ધલેપાપનુત્તયે ।
એતચ્છૌચં ગૃહસ્થસ્ય દ્વિગુણં બ્રહ્મચારિણામ્

ત્રિગુણાં તુ વનસ્થાનાં યતીનાં તચ્ચર્ગુણમ્ ।
સ્વસ્થાને પૂર્ણશૌચં સ્યાત્પથ્યર્દ્ધં મુનિસત્તમ

આતુરે નિયમો નાસ્તિ મહાપદિ તથૈવ ચ ।
ગન્ધલેપક્ષયકરં શૌર્ચં કુર્યાદ્વિચક્ષણઃ

સ્ત્રીણામનુપનીતાનાં ગન્ધલેપક્ષયાવધિ ।
વ્રતસ્થાનાં તુ સર્વેષાં યતિવચ્છૌચમિષ્યતે

વિધવાનાં ચ વિર્પેન્દ્ર એતદેવ નિગદ્યતે ।
એવં શૌચં તુ નિર્વર્ત્ય પશ્ચાદ્વૈ સુસમાહિતઃ

પ્રાગાસ્ય ઉદગાસ્યો વાપ્યાચામેત્પ્રયર્તેન્દ્રિયઃ ।
ત્રિશ્ચતુર્ધા પિબેદાપો ગન્ધફેનાદિવર્જિતાઃ

દ્વિર્માર્જયેત્કપોલં ચ તલેનોષ્ઠૌ ચ સત્તમ ।
તર્જન્યઙ્ગુષ્ઠયોગેન નાસારન્ધ્રદ્વયં સ્પૃશેત્

અગુંષ્ટાનામિકાભ્યાં ચ ચક્ષુઃ શ્રોત્રે યથાક્રમમ્ ।
કનિષ્ટાઙ્ગુષ્ટયોગેન નાભિદેશે સ્પૃશેદ્દ્વિજઃ

તલેનોરઃસ્થલં ચૈવ અઙ્ગુલ્યગ્રૈઃ શિરઃ સ્પૃશેત્ ।
તલેન ચાઙ્ગુલાગ્રૈર્વા સ્પૃશેદંસૌ વિચક્ષણઃ

એવમાચમ્ય વિપ્રેદ્ર શુદ્ધિમાન્પોત્યનુત્તમામ્ ।
દન્તકાષ્ટં તતઃ ખાદેત્સત્વચં શસ્તવૃક્ષજમ્

બિલ્વાસનાપામાર્ગણાં નિમ્બાન્માર્કાદિશાખિનામ્ ।
પ્રક્ષાલ્ય વારિણા ચૈવ મન્ત્રેણાપ્યભિમન્ત્રિતમ્

આયુર્બલં યશો વર્ચઃ પ્રજાઃ પશુવસૂનિ ચ ।
બ્રહ્મ પ્રજ્ઞાં ચ મેધાં ચ ત્વન્નો ધેહિ વનસ્પતે

કનિષ્ટાગ્રસમં સ્થૌલ્યે વિપ્રઃ ખાદેદ્દશાઙ્ગુલમ્ ।
નવાઙ્ગુલં ક્ષત્રિયશ્ચ વૈશ્યશ્ચાષ્ટાઙ્ગુલોન્મિતમ્

શૂદ્રો વેદાઙ્ગુલમિતં વનિતા ચ મુનીશ્વર ।
અલાભે દૈતકાષ્ટાનાં ગણ્ડૂષૈર્ભાનુસંમિતૈઃ

મુથશુદ્ધિર્વિધીયેત તૃણપત્રસમન્વિતૈઃ ।
કરેણાદાય વામેન સંચર્વેદ્વામદંષ્ટ્રયા

દ્વિજાન્સંઘર્ષ્ય ગોદોહં તતઃ પ્રક્ષાલ્ય પાટયેત્ ।
જિહ્વામુલ્લિખ્ય તાભ્યાં તુ દલુભ્યાં નિયતેન્દ્રિયઃ

પ્રક્ષાલ્ય પ્રક્ષિપેદૂ દૂરે ભૂયશ્ચાચમ્ય પૂર્વવત્ ।
તતઃ સ્નાનં પ્રકુર્વીત નદ્યાદૌ વિમલે જલે

તટં પ્રક્ષાલ્ય દર્ભાશ્ચ વિન્યસ્ય પ્રવિશેજ્જલમ્ ।
પ્રણમ્ય તત્ર તીર્થાનિ આવાહ્ય રવિમણ્ડલાત્

ગન્ધાદ્યૈર્મણ્ડલં કૃત્વા ધ્યાત્વા દેવં જનાર્દનમ્ ।
સ્નાયાન્મન્ત્રાન્સ્મરન્પુણ્યાંસ્તીર્થાનિ ચ વિરિઞ્ચિજ

ગઙ્ગે ચ યમુને ચૈવ ગોદાવરિ સરસ્વતિ ।
નર્મદે સિંધુકાવેરિ જલે ઽસ્મિન્સન્નિધિં કુરુ

પુષ્કરાદ્યાનિ તીર્થાનિ ગઙ્ગાદ્યાઃ સરિતસ્તથા ।
આગચ્છન્તુ મહાભાગાઃ સ્નાનકાલે સદા મમ

અયોધ્યા મથુરા માયા કાશીં કાઞ્ચી હ્યવન્તિકા ।
પુરી દ્વારાવતી જ્ઞેયા સત્પૈતા મોક્ષદાયિકાઃ

તતો ઽધમર્ષણ જપ્ત્વા યતાસુર્વારિસંપ્લુતઃ ।
સ્નાનાઙ્ગં તર્પણં કૃત્વાચમ્યાર્ધ્યં ભાનવેર્ઽપયેત્

તતો ધ્યાત્વા વિવસ્વન્તં જલાન્નિર્ગત્ય નારદ ।
પરિધાયાહતં ધૌતં દ્વિતીયં પરિવીય ચ

કુશાસને સમાવિશ્ય સંધ્યાકર્મ સમારભેત્ ।
ઈશાનાભિમુખો વિપ્ર ગાયત્ર્યાચમ્ય વૈ દ્વિજ

ઋતમિત્યભિમન્ત્ર્યાર્થ પુનરેવામેદ્ બુધઃ ।
તતસ્તુ વારિણાત્માનં વેષ્ટયિત્વા સમુક્ષ્ય ચ

સંકલ્પ્ય પ્રણવાન્તે તુ ઋષિચ્છન્દઃ સુરાન્સ્મરન્ ।
ભૂરાદિભિર્વ્યાહૃતિભિઃ સત્પભિઃ પ્રોક્ષ્ય મસ્તકમ્

ન્યાસં સમાચરેન્મન્ત્રી પૃથગેવ કરાઙ્ગયોઃ ।
વિન્યસ્ય હૃદયે તારં ભૂઃ શિરસ્યથ વિન્યસેત્

ભુવઃ શિખાયાં સ્વશ્ચૈવ કવયે ભૂર્ભુવો ઽક્ષિષુ ।
ભૂર્ભુવઃ સ્વસ્તથાત્રાસ્ત્રં દિક્ષુ તાલત્રયં ન્યસેત્

તત આવાહયેત્સંધ્યાં પ્રાતઃ કોકનસ્થિતામ્ ।
આગચ્છ વરદે દેવિ ત્ર્યક્ષરે બ્રહ્મવાદિનિ

ગાયત્રિ ચ્છન્દસાં માતર્બ્રહ્મયોને નમો ઽસ્તુ તે ।
મધ્યાહ્ને વૃષભારુઢાં શુક્લાંબરસમાવૃતામ્

સાવિત્રીં રુદ્રયોનિં ચાવાહયેદ્રુદ્રવાદિનીમ્ ।
સાયં તુ ગરુડારુઢાં પીતાંબરસમાવૃત્તામ્

સરસ્વતીં વિષ્ણુયોનિમાહ્વયેદ્વિષ્ણુવાદિનીમ્ ।
તારં ચ વ્યાહૃતીઃ સત્પ ત્રિપદાં ચ સમુચ્ચરન્

શિરઃ શિખાં ચ સંપૂર્ય કુભયિત્વા વિરેચયેત્ ।
વામમધ્યાત્પરૈર્વાયું ક્રમેણ પ્રાણસંયમે

દ્વિરાચામેત્તતઃ પશ્ચાત્પ્રાતઃ સૂર્યશ્ચમેતિ ચ ।
આપઃ પુનન્તુ મધ્યાહ્ને સાયમગ્નિશ્ચમેતિ ચ

આપો હિષ્ઠેતિ તિસૃભિર્માર્જનં ચ તતશ્ચરેત્ ।
સુમુત્રિયા ન ઇત્યુક્ત્વા નાસાસ્પૃષ્ટજલેન ચ

દ્વિષદ્વર્ગં સમુત્સાર્ય દ્રુપદાં શિરસિ ક્ષિપેત્ ।
ઋતં ચ સત્યમેતેન કૃત્વા ચૈવાધમર્ષણમ્

અન્તશ્ચરસિ મન્ત્રેણ સકૃદેવ પિબેદપઃ ।
તતઃ સૂર્યાય વિધિવદ્ગન્ધં પુષ્પં જલાઞ્જલિમ્

ક્ષિપ્ત્વોપતિષ્ઠેદ્દેવર્ષે ભાસ્કરં સ્વસ્તિકાઞ્જલિમ્ ।
ઊર્દ્ધૂબાહુરધોબાહુઃ ક્રમાત્કલ્યાદિકે ત્રિકે

ઉહુત્યં ચિત્રં તચ્ચક્ષુરિત્યેતત્ત્રિતયં જપેત્ ।
સૌરાઞ્છૈવાન્વૈષ્ણવાંશ્ચ મન્ત્રાનન્યાંશ્ચ નારદ

તેજો ઽસિ ગાયત્ર્યસીતિ પ્રાર્થયેત્સવિતુર્મહઃ ।
તતો ઽઙ્ગાનિ ત્રિરાવર્ત્ય ધ્યાયેચ્છક્તીસ્તદાત્મિકાઃ

બ્રહ્મણી ચતુરાનનાક્ષવલયા કુમ્ભં કરૈઃ સ્રુક્સ્ત્રવૌ બિભ્રાણા ત્વરુણેન્દુકાન્તિવદના ઋગ્રૂપિણી બાલિકા ।
હંસારોહણકેલિખણ્ખણ્મણેર્બિબાર્ચિતા ભૂષિતા ગાયત્રી પરિભાવિતા ભવતુ નઃ સંપત્સમૃદ્ધ્યૈ સદા

રુદ્રાણી નવયૌવના ત્રિનયના વૈયાઘ્નચર્માંબરા ખટ્વાઙ્ગત્રઘિશિખાક્ષસૂત્રવલયાભીતિશ્રિયૈ ચાસ્તુ નઃ ।
વિદ્યુદ્દામજટાકલાપવિલસદ્વાર્લેદુમૌલિર્મુદા સાવિત્રી વૃષવાહના સિતતનુર્ધ્યેયા યજૂરૂપિણી

ધ્યેયા સા ચ સરસ્વતી ભગવતી પીતાંબરાલઙ્કૃતા શ્યામા શ્યામતનુર્જરોપરિલસદ્ગાત્રાઞ્ચિતા વૈષ્ણવી ।
તાર્ક્ષ્યસ્થા મણિનૂપુરાઙ્ગદલસદ્ગ્રૈવેયભૂષોજ્જ્વલા હસ્તાલઙ્કૃતશઙ્ખચક્રસુગદાપહ્માશ્રિયૈ ચાસ્તુ નઃ

એવં ધ્યાત્વા જપેત્તિષ્ઠન્પ્રાતર્મધ્યાહ્નકે તથા ।
સાયઙ્કાલે સમાસીનો ભક્ત્યા તદ્ગતમાનસઃ

સહસ્રપરમાં દેવીં શતમધ્યાં દશાવરામ્ ।
ત્રિપદાં પ્રણવોપેતાં ભૂર્ભુવઃ સ્વરુપક્રમામ્

ષટ્તારઃ સંપુટો વાપિ વ્રતિનશ્ચ યતેર્જપઃ ।
ગૃહસ્થસ્ય સત્તારઃ સ્યાજ્જપ્ય એવંવિધો મુને

તતો જપ્ત્વા યથાશક્તિ સવિત્રે વિનિવેદ્ય ચ ।
ગાયત્ર્યૈ ચ સવિત્રે ચ પ્રક્ષિપેદઞ્જલિદ્રૂયમ્

તતો વિસૃજ્ય તાં વિપ્ર ઉત્તરે ઇતિ મન્ત્રતઃ ।
બ્રહ્મણેશેન હરિણાનુજ્ઞાતા ગચ્છ સાદરમ્

દિરભ્યો દિગ્દેવતાભ્યશ્ચ નમસ્કૃત્ય કૃતાઞ્જલિઃ ।
પ્રાતરાદેઃ પરં કર્મ કુર્યાદપિ વિધાનતઃ

પ્રાતર્મધ્યન્દિને ચૈવ ગૃહસ્થઃ સ્નાનમાચરેત્ ।
વાનપ્રસ્થશ્ચ દેવર્ષે સ્નાયાત્ર્નિષવણં યતિઃ

આતુરાણાં તુ રોગદ્યૈઃ પાન્થાનાં ચ સકૃન્મતમ્ ।
બ્રહ્મયજ્ઞં તતઃ કુર્યાદ્દર્ભપાણિર્મુનીશ્વર

દિવોદિતાનિ કર્માણિ પ્રમાદાદકૃતાનિ ચેત્ ।
શર્વર્યાઃ પ્રથમે યામે તાનિ કુર્યાદ્યથાક્રમમ્

નોપાસ્તે યો દ્વિજઃ સંધ્યાં ધૂર્તબુદ્ધિરનાપદિ ।
પાષણ્ડઃ સ હિ વિજ્ઞેયઃ સર્વધર્મબહિષ્કૃતઃ

યસ્તુ સંધ્યાદિકર્માણિ કૂટયુક્તિવિશારદઃ ।
પરિત્યજતિ તં વિદ્યાન્મહાપાતકિનાં વરમ્

યે દ્વિજા અભિભાષન્તે ત્યક્તસંધ્યાદિકર્મણઃ ।
તે યાન્તિ નરકાન્ઘોરાન્યાવચ્ચન્દ્રાર્કતારકમ્

દેવાર્ચનં તતઃ કુર્યાદ્વૈશ્વદેવં યથાવિધિ ।
તત્રાત્યમતિથિં સમ્યગન્નાદ્યૈશ્ચ પ્રપૂજયેત્

વક્તવ્યા મધુરા વાણી તેષ્વપ્યભ્યાગતેષુ તુ ।
જલાન્નકન્દમૂલૈર્વા ગૃહદાનેન ચાર્ચયેત્

અતિથિર્યસ્ય ભગ્નાશો ગૃહત્પ્રતિનિવર્તિતે ।
સતસ્મૈદુષ્કૃતં દત્ત્વા પુણ્યમાદાય ગચ્છતિ

અજ્ઞાતગોત્રનામાનમન્યગ્રામાદુપાગતમ્ ।
વિપશ્ચિતો ઽતિથિં પ્રાહુર્વિષ્ણુવત્તં પ્રપૂજયેત્

સ્વગ્રામવાસિનં ત્વેકં શ્રોત્રિયં વિષ્ણુતત્પરમ્ ।
અન્નાદ્યૈઃ પ્રત્યહં વિપ્રપિતૄનુદ્દિશ્ય તર્પયેત્

પઞ્ચયજ્ઞપરિત્યાગી બ્રહ્માહેત્યુચ્યતે બુધૈઃ ।
કુર્યાદહરહસ્તસ્માત્પઞ્ચયજ્ઞાન્પ્રયન્તતઃ

દેવયજ્ઞો ભૂતયજ્ઞઃ તિતૃયજ્ઞસ્તથૈવ ચ ।
નૃપજ્ઞો બ્રહ્મયજ્ઞશ્ચ પઞ્ચયજ્ઞાન્પ્રચક્ષતે

ભૃત્યમિત્રાદિસંયુક્તઃ સ્વયં ભુઞ્જીત વાગ્યતઃ ।
દ્વિજાનાં ભોજ્યમશ્રી યાત્પાત્રં નૈવ પરિત્યજેત્

સંસ્થાપ્ય સ્વાસમે પાદૌ વસ્ત્રાર્દ્ધં પરિધાય ચ ।
મુખેન વમિતં ભુક્ત્વા સુરાપીત્યુચ્યતે બુધૈઃ

ખાદિતાર્દ્ધં પુનઃ ખાદેન્મોદકાંશ્ચ ફલાનિ ચ ।
પ્રત્યક્ષં લવણં ચૈવ ગોમાંસશીતિ ગદ્યતે

અપોશાને વાચમને અદ્યદ્રવ્યેષુ ચ દ્વિજઃ ।
શબ્દ ન કારયેદ્વિપ્રસ્તં કુર્વન્નારકી ભવેત્

પથ્યમન્નં પ્રભુઞ્જીત વાગ્યતો ઽન્નમસુત્સયનમ્ ।
અમૃતોપસ્તરણમસિ અપોશાનં ભુજેઃ પુરઃ

અમૃતાપિધાનમસિ ભોજ્યાન્તે ઽપઃ સકૃત્પિબેત્ ।
પ્રાણાદ્યા આહુતીર્દત્ત્વાચમ્ય ભોજનમાચરેત્

તતશ્ચાચમ્ય વિપ્રેન્દ્ર શાસ્ત્રચિન્તાપરો ભવેત્ ।
રાત્રાવપિ યથાશક્તિ શયનાસનભોજનૈઃ

એવં ગૃહી સદાચારં કુર્યાત્પ્રતિદિનં મુને ।
યદાઽચારપરિત્યાગી પ્રાયશ્ચિત્તી તદા ભવેત્

દૂષિતાં સ્વતનું દૃષ્ટ્વા પાલિતાદ્યૈશ્ચ સત્તમ ।
પુત્રેષુ ભાર્યાં નિઃક્ષિપ્ય વનં ગચ્છેત્સહૈવ વા

ભવેત્રિષવણસ્નાયી નખશ્મશ્રુજટાધરઃ ।
અધઃ શાયી બ્રહ્મચારી પઞ્ચયજ્ઞપરાયણઃ

ફલમૂલાશનો નિત્યં સ્વાધ્યાયનિરતાસ્તથા ।
દયાવાન્સર્વભૂતેષુ નારાયણપરાયણઃ

વર્જયે દ્ગ્રામજાતાનિ પુષ્પાણિ ચ ફલાનિ ચ ।
અષ્ટૌ ગ્રાસાંશ્ચ ભુઞ્જીત ન કુર્યાદ્રાત્રિભોજનમ્

અત્યન્તં વર્જયેત્તૈલં વાનપ્રસ્થસમાશ્રમી ।
વ્યવાયં વર્જયેચ્ચૈવ નિદ્રાલસ્યે તથૈવ ચ

શઙ્ખચક્રગદાપાણિં નિત્યં નારાયણં સ્મરેત્ ।
વાનપ્રસ્થઃ પ્રકુર્વીત તપશ્ચાન્દ્રાયણાદિકમ્

સહેત શીતતાપાદિવહ્નિં પરિચરેત્સદા ।
યદા મનસિ વૈરાગ્યં જાતં સર્વેષુ વસ્તુષુ

તદૈવ સંન્યસેદ્વિપ્ર પતિતસ્ત્વન્યથા ભવેત્ ।
વેદાન્તાભ્યાસનિરતઃ શાન્તો દાન્તો જિતેન્દ્રિયઃ

નિર્દ્વેદ્વો નિરહૄઙ્કારો નિર્મમઃ સર્વદા ભવેત્ ।
શમાદિગુણસંયુક્તઃ કામક્રોધવિવર્જિતઃ

નગ્નો વા જીર્ણકૌપીનૌ ભવેન્મુણ્ડો યતિર્દ્વિજઃ ।
સમઃ શત્રૌ ચ મિત્રે ચ તથા માનાપમાનયોઃ

એકરાત્રં વસેદ્ગ્રામે ત્રિરાત્રં નગરે તથા ।
ભૈક્ષેણ વર્ત્તયેન્નિત્યં નૈકાન્નાદીભવેદ્યતિઃ

અનિન્દિતદ્વિજગૃહે વ્યઙ્ગારે ભુક્તિવર્જિતે ।
વિવાદરહિતે ચૈવ ભિક્ષાર્થં પર્યટેદ્યતિઃ

ભવેત્રિષવણસ્નાયી નારાયણપરાયણઃ ।
જપેચ્ચ પ્રણવં નિત્યં જિતાત્મા વિજિતેન્દ્રિયઃ

એકાન્નાદી ભવેદ્યસ્તુ કદાચિલ્લંપટો યતિઃ ।
ન તસ્ય નિષ્કૃતિર્દ્દષ્ટા પ્રાયશ્ચિત્તાયુતૈરપિ

લોભાદ્યદિ યતિર્વિપ્ર તનુપોષપરો ભવેત્ ।
સ ચણ્ડાલસમો જ્ઞેયો વર્ણાશ્રમવિગર્હિતઃ

આત્માનાં ચિન્તયેદ્દ્રેવં નારાયણમનામયમ્ ।
નિર્દ્વન્દ્રં નિર્મમંશાન્તં માયાતીતમમત્સરમ્

અવ્યયં પરિપૂર્ણં ચ સદાનન્દૈકવિગ્રહમ્ ।
જ્ઞાનસ્વરુપમમલં પરં જ્યોતિઃ સનાતનમ્

અવિકારમનાદ્યન્તં જગચ્ચૈતન્યકારણમ્ ।
નિર્ગુણં પરમં ધ્યાયેદાત્માનં પરતઃ પરમ્

પઠેદુપનિષદ્વાક્યં વેદાન્તાર્થાંશ્ચ ચિન્તયેત્ ।
સહસ્રશીર્ષં દેવં ચ સદા ધ્યાયેજ્જિતેન્દ્રિયઃ

એવં ધ્યાનપરો યસ્તુ યતિર્વિગતમત્સરઃ ।
સ યાતિ પરમાનન્દં પરં જ્યોતિઃ સનાતનમ્

ઇત્યેવમાશ્રમાચારાન્યઃ કરોતિ દ્વિજઃ ક્રમાત્ ।
સ યાતિ પરમં સ્થાનં યત્ર ગત્વા ન શોચયતિ

વર્ણાશ્રમાચારરતાઃ સર્વપાપવિવર્જિતાઃ ।
નારાયણપરા યાન્તિ તદ્વિષ્ણઃ પરમં પદમ્