નારદ પુરાણ · અધ્યાય 1.118

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને ચતુર્થપાદે દ્વાદશમાસસ્થિતાષ્ટમીવ્રતકથનં નામ સપ્તદશાધિકશતતમો ઽધ્યાયઃ
સનાતન ઉવાચ
અથ વક્ષ્યામિ વિપ્રેન્દ્ર નવમ્યાસ્તે વ્રતાનિ વૈ ।
યાનિ કૃત્વા નરા લોકે લભન્તે વાઞ્છિતં ફલમ્

ચૈત્રસ્ય શુક્લપક્ષે તુ શ્રીરામનવમીવ્રતમ્ ।
તત્રોપવાસં વિધિવચ્છક્તો ભક્તઃ સમાચરેત્

અશક્તશ્ચૈકભક્તં વૈ મધ્યાહ્નોત્સવતઃ પરમ્ ।
વિપ્રાન્સંભોજ્ય મિષ્ટાન્નૈ રામપ્રીતિ સુમાચરેત્

ગોભૂતિલહરિરણ્યાદ્યેર્વસ્ત્રાલઙ્કરણેસ્તથા ।
એવ યઃ કુરુતે ભક્ત્યા શ્રીરામનવમીવ્રતમ્

વિધૂય ચેહપાપાનિ વ્રજે દ્વિષ્ણોઃ પરં પદમ્ ।
ઉક્તં માતૃવ્રતં ચાત્ર ભૈરવેણ સમન્વિતાઃ

સ્રગ્ગન્ધવસ્રનમનૈવેદ્યૈશ્ચતુઃષ્ટિસ્તુ યોગિનીઃ ।
અત્રૈવ ભદ્રકાલો તુ યોગિનીનાં મહાબલા

બ્રાહ્મણશ્રેષ્ઠઃ સર્વાસામાધિપત્યે ઽભિષેચિતા ।
તસ્માત્તાં પૂજયેચ્ચાત્ર સોપવાસો જિતેન્દ્રિયઃ

રાધે નવમ્યાં દલયોશ્ચણ્ડિકાં યસ્તુ પૂજયેત્ ।
વિધિના સ વિમાનેન દેવતૈઃ સહ મોદતે

જ્યેષ્ઠશુક્લનવમ્યાં તુ સોપવાસો નરોત્તમઃ ।
ઉમાં સંપૂજ્ય વિધિવત્કુમારીર્ભોજયેદ્દ્વિજાન્

સ્વભક્ત્યા દક્ષિણાં દત્વા શાલ્યન્નં પયસાશ્નુયાત્ ।
ઉમાવ્રતમિદં વિપ્ર યઃ કુર્યાદ્વિધિવન્નરઃ

સ ભુક્ત્વેહ વરાન્ભોગાનન્તે સ્વર્ગગતિં લભેત્ ।
આષાઢે માસિ વિપ્રેન્દ્ર યઃ કુર્યાત્પક્ષયોર્દ્વિજ

નક્તં ચૈન્દ્રીં સમભ્યર્ચ્યેદૈરાવતગતાં સિતામ્ ।
સ ભવેદ્વૈ વલોકે તુ ભોગભારગ્દેવયાનગઃ

શ્રાવણે માસિ વિપ્રેન્દ્ર યઃ કુર્યાન્નક્તભોજનમ્ ।
પક્ષયોરુપવાસં વા કૌમારીં ચણ્ડિકાં યજેત્

એવં પાપહરાં ગન્ધૈઃ પુષ્પૈર્ધૂપૈશ્ચ દીપકૈઃ ।
નૈવેદ્યૈર્વિવિધૈશ્ચૈવ કુમારીભોજનૈસ્તથા

એવં યઃ કુરુતે ભક્ત્યા કૌમારીવ્રતમુત્તમમ્ ।
સ વિમાનેન ગચ્છેદ્વૈ દેવીલોકં સનાતનમ્

ભાદ્રે તુ નવમી શુક્લા નન્દાહ્વા પરિકીર્તિતા ।
તસ્યાં યઃ પૂજયેદ્દુર્ગાં વિધિવચ્ચોપચારકૈઃ

સો ઽશ્વમેધફલં લબ્ધ્વા વિષ્ણુલોકે મહીયતે ।
આશ્વિને શુક્લનવમી મહાપૂર્વા પ્રકીર્તિતા

અપરાહ્ને શમીપૂજા કાર્યાસ્યાં પ્રાગ્દિશિ દ્વિજ ।
તતો નિશાયાં પ્રાગ્યામે ખડ્ગં ધનુરિષૂન્ગદામ્

શૂલં શક્તિં ચ પરશું છિરિકાં ચર્મ ખેટકમ્ ।
છત્રં ધ્વજં ગજં ચાશ્વ ગોવૃષં પુસ્તકં તુલામ્

દણ્ડં પાશં ચક્રશઙ્ખૌ ગન્ધાદ્યૈરુપચારકૈઃ ।
સંપૂજ્ય મહિષં તત્ર ભદ્રકાલ્યૈ સમાલભેત્

એવં બલિં વિધાયાથ ભુક્ત્વા પક્કાન્ન મેવ ચ ।
દ્વિજેભ્યો દક્ષિણાં દત્વા વ્રતં તત્ર સમાપયેત્

એવં યઃ પૂજયેદ્દુર્ગાં નૄણાં દુર્ગતિનાશિનીમ્ ।
ઇહ ભુક્ત્વા વરાન્ભોગાનન્તે સ્વર્ગતિમાપ્નુયાત્

કાર્તિકે શુક્લનવમી યાક્ષયા સા પ્રકીર્તતા ।
તસ્યામશ્વત્થમૂલે વૈ તર્પ્પણં સમ્યગાચરેત્

દેવાનાં ચ ઋષીણાં ચ પિતૄણાં ચાપિ નારદ ।
સ્વશાખોક્તૈસ્તથા મન્ત્રૈઃ સૂર્યાયાર્ઘ્યં તતોર્ઽપયેત્

તતો દ્વિજાન્ભોજયિત્વા મિષ્ટાન્નેન મુનૂશ્વર ।
સ્વયં ભુક્ત્વા ચ વિહરેદ્દ્વિજેભ્યો દત્તદક્ષિણઃ

એવં યઃ કુરુતે ભક્ત્યા જપદાનં દ્વિજાર્ચનમ્ ।
હોમં ચ સર્વમક્ષય્યં ભવેદિતિ વિધેર્વયઃ

માર્ગે તુ શુક્લનવમી નન્દિની પરિકીર્તિતા ।
તસ્યામુપોષિતો યસ્તુ જગદંબાં પ્રપૂજયેત્

ગન્ધાદ્યૈઃ સો ઽશ્વમેધસ્ય ફલભાઙ્નાત્ર સંશયઃ ।
પૌષે શુક્લનવમ્યાં તુ મહામાયાં પ્રપૂજયેત્

એકભક્તપરો વિપ્ર વાજપેયફલાપ્તયે ।
માઘમાસે તુ વા શુક્લા નવમી લોકપૂજિતા

મહાનન્દેતિ સા પ્રોક્તા સદાનન્દકરી નૃણામ્ ।
તસ્યાં સ્નાનં તથા દાનં જપો હોમ ઉપોષણમ્

સર્વમક્ષયતાં યાતિ નાત્ર કાર્યા વિચારણા ।
ફઆલ્ગુનામલપક્ષસ્ય નવમી યા દ્વિજોત્તમ

આનન્દા સા મહાપુણ્યા સર્વપાપહરા સ્મૃતા ।
સોપવાસોર્ઽચયેત્તત્ર યસ્ત્વાનન્દાં દ્વિજોત્તમ

સ લભેદ્વાઞ્છિતાન્કામાન્સત્યં સત્યં મયોદિતમ્