નારદ પુરાણ · અધ્યાય 1.102

ઇતિ શ્રીબૃહન્નારદીયપુરાણે પૂર્વભાગે બૃહદુપાખ્યાને બ્રહ્મવૈવર્તપુરાણાનુક્રમણીનિરૂપણં નામૈકોત્તરશતતમો ઽધ્યાયાઃ ॥ 101 ॥
બ્રહ્મોવાચ
શૃણુ પુત્ર પ્રવક્ષ્યામિ પુરાણં લિઙ્ગસંજ્ઞિતમ્ ।
પઠતાં શૃણ્વતાં ચૈવ ભુક્તિમુક્તિપ્રદાયકમ્

યચ્ચ લિઙ્ગાભિધં તિષ્ઠન્વહ્નિલિઙ્ગે હરો ઽભ્યધાત્ ।
મહ્યં ધર્માદિસિદ્ધ્યર્થં મગ્નિકલ્પકથાશ્રયમ્

તદેવ વ્યાસદેવેન ભાગદ્વયસમન્વિતમ્ ।
પુરાણં લિઙ્ગમુદિતં બહ્વાખ્યાનવિચિત્રિતમ્

તદેકાદશસાહસ્રં હરમાહાત્મ્યસૂચકમ્ ।
પરં સર્વપુરાણાનાં સારભૂતં જગત્ત્રયે

પુરાણોપક્રમે પ્રશ્નઃ સૃષ્ટિઃ સંક્ષેપતઃ પુરા ।
યોગાખ્યાનં તતઃ પ્રોક્તં કલ્પાખ્યાનં તતઃ પરમ્

લિઙ્ગોદ્ભવસ્તદંબા ચ કીર્તિતા હિ તતઃ પરમ્ ।
સનત્કુમારશૈલાદિસંવાદશ્ચાથ પાવનઃ

તતો દાધીચચરિતં યુગધર્મનિરૂપણમ્ ।
તતો ભુવન કોશાખ્યા સૂર્યસોમાન્વયસ્તતઃ

તતશ્ચ વિસ્તરાત્સર્ગસ્ત્રિપુરાખ્યાનકં તથા ।
લિઙ્ગપ્રતિષ્ઠા ચ તતઃ પશુપાશવિમોક્ષણમ્

શિવવ્રતાનિ ચ તથા સદાચારનિરૂપણમ્ ।
પ્રાયશ્ચિતાન્યરિષ્ટાનિ કાશીશ્રીશૈલવર્ણનમ્

અન્ધકાખ્યાનકં પશ્ચાદ્વારાહચરિતં પુનઃ ।
નૃસિંહચરિતં પશ્ચાજ્જલન્ધરવધસ્તતઃ

શૈવં સહસ્રનામાથ દક્ષયજ્ઞવિનાશનમ્ ।
કામસ્ય દહનં પશ્ચાદ્ગિરિજાયાઃ કરગ્રહઃ

તતો વિનાયકાખ્યાનં નૃપાખ્યાનં શિવસ્ય ચ ।
ઉપમન્યુકથા ચાપિ પૂર્વભાગ ઇતીરિતઃ

વિષ્ણુમાહાત્મ્યકથનમંબરીષકથા તતઃ ।
સનત્કુમારનન્દીશસંવાદશ્ચ પુનર્મુને

શિવમાહા ત્મ્યસેયુક્તઃ સ્ત્રાનયાગાદિકં તતઃ ।
સૂર્યપૂજાવિધિશ્ચૈવ શિવપૂજા ચ મુક્તિદા

દાનાનિ બહુધાક્તાનિ શ્રાદ્ધપ્રકરણં તતઃ ।
પ્રતિષ્ઠાતં ત્રમુદિતં તતો ઽઘોરસ્ય કીર્તનમ્

વજ્રેશ્વરી મહાવિદ્યા ગાયત્રીમહિમા તતઃ ।
ત્ર્યંબકસ્ય ચ માહાત્મ્યં પુરાણશ્રવણસ્ય ચ

એવં ચોપરિભાગસ્તે લૈઙ્ગસ્ય કથિતો મયા ।
વ્યાસેન હિ નિબદ્ધસ્ય રુદ્રામાહાત્મ્યસૂચિતઃ

લિખિત્વૈતત્પુરાણં તુ તિલધેનુસમન્વિતમ્ ।
ફઆલ્ગુન્યાં પૂર્ણિમાયાં યો દદ્યાદ્ભક્ત્યા દ્વિજાતયે

સ લભેચ્છિવસાયુજ્યં જરામરણવર્જિતમ્ ।
યઃ પટેચ્છૃણુયાદ્વાપિ લૈઙ્ગં પાપાપહં નરઃ

સ ભુક્તભોગો લોકે ઽસ્મિન્નન્તે શિવપુરં વ્રજેત્ ।
લિઙ્ગાનુક્રમણીમેતાં પઠેદ્યઃ શૃણુયાત્તથા

તાવુભૌ શિવભક્તૌ તુ લોકદ્વિતયભોગિનૌ ।
જાયતાં ગિરિજાભર્તુઃ પ્રસાદાન્નાત્ર સંશયઃ