નામલિઙ્ગાનુશાસન · અધ્યાય 2.2

પૂઃ સ્ત્રી પુરીનગર્યૌ વા પત્તનં પુટભેદનમ્ । અથ પુરવર્ગઃ

સ્થાનીયં નિગમો ઽન્યત્તુ યન્મૂલનગરાત્પુરમ્

તચ્છાખાનગરં વેશો વેશ્યાજનસમાશ્રયઃ

આપણસ્તુ નિષદ્યાયાં વિપણિઃ પણ્યવીથિકા

રથ્યા પ્રતોલી વિશિખા સ્યાચ્ચયો વપ્રમસ્ત્રિયામ્

પ્રાકારો વરણઃ સાલઃ પ્રાચીનં પ્રાતન્તો વૃતિઃ

ભિત્તિઃ સ્ત્રી કુડ્યમેડૂકં યદન્તર્ન્યસ્તકીકસમ્

ગૃહં ગેહોદવસિતં વેશ્મ સદ્મ નિકેતનમ્

નિશાન્તં પસ્ત્યસદનં ભવનાગારમન્દિરમ્

ગૃહાઃ પુંસિ ચ ભૂમ્ન્યેવ નિકાય્યનિલયાલયાઃ

વાસઃ કુટી દ્વયોઃ શાલા સભા સંજવનં ત્વિદમ્

ચતુઃશાલં મુનીનાં તુ પર્ણશાલોટજો ઽસ્ત્રિયામ્

ચૈત્યમાયતનં તુલ્યે વાજિશાલા તુ મન્દુરા

આવેશનં શિલ્પિશાલા પ્રપા પાનીયશાલિકા

મઠશ્છાત્રાદિનિલયો ગઞ્જા તુ મદિરાગૃહમ્

ગર્ભાગારં વાસગૃહમરિષ્ટં સૂતિકાગૃહમ્

કુટ્ટિમો ઽસ્ત્રી નિબદ્ધા ભૂશ્ચન્દ્રશાલા શિરોગૃહમ્

વાતાયનં ગવાક્ષો ઽથ મણ્ડપો ઽસ્ત્રી જનાશ્રયઃ

હર્મ્યાદિ ધનિનાં વાસઃ પ્રાસાદો દેવભૂભુજામ્

સૌધો ઽસ્ત્રી રાજસદનમુપકાર્યોપકારિકા

સ્વસ્તિકઃ સર્વતોભદ્રો નન્દ્યાવર્તાદયો ઽપિ ચ

વિચ્છન્દકઃ પ્રભેદા હિ ભવન્તીશ્વરસદ્મનામ્

સ્ત્ર્યગારં ભૂભુજામન્તઃપુરં સ્યાદવરોધનમ્

શુદ્ધાન્તશ્ચાવરોધશ્ચ સ્યાદટ્ટઃ ક્ષૌમમસ્ત્રિયામ્

પ્રઘાણપ્રઘણાલિન્દા બહિર્દ્વારપ્રકોષ્ઠકે

ગૃહાવગ્રહણી દેહલ્યઙ્ગણં ચત્વરાજિરે

અધસ્તાદ્દારુણિ શિલા નાસા દારુપરિ સ્થિતમ્

પ્રચ્છન્નમન્તર્દ્વારં સ્યાત્પક્ષદ્વારં તુ પક્ષકમ્

વલીકનીધ્રે પટલપ્રાન્તે ઽથ પટલં છદિઃ

ગોપાનસી તુ વલભી છાદને વક્રદારુણિ

કપોતપાલિકાયાં તુ વિટઙ્કં પુંનપુંસકમ્

સ્ત્રી દ્વાર્દ્વારં પ્રતીહારઃ સ્યાદ્ધિતર્દિસ્તુ વેદિકા

તોરણો ઽસ્ત્રી બહિર્દ્વારમ્ પુરદ્વારં તુ ગોપુરમ્

કૂટં પૂર્દ્વારિ યદ્ધસ્તિનખસ્તસ્મિન્નથ ત્રિષુ

કપાટમરરં તુલ્યે તદ્વિષ્કમ્ભો ઽર્ગલં ન ના

આરોહણં સ્યાત્સોપાનં નિશ્રેણિસ્ત્વધિરોહિણી

સંમાર્જની શોધની સ્યાત્સંકરો ઽવકરસ્તથા

ક્ષિપ્તે મુખં નિઃસરણં સંનિવેશો નિકર્ષણમ્

સમૌ સંવસથગ્રામૌ વેશ્મભૂર્વાસ્તુરસ્ત્રિયામ્

ગ્રામાન્ત ઉપશલ્યં સ્યાત્સીમસીમે સ્ત્રિયામુભે

ઘોષ આભીરપલ્લી સ્યાત્પક્કણઃ શબરાલયઃ । ઇતિ પુરવર્ગઃ
શૈલવર્ગઃ।